Nehemia 13:22 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

²² Ndalagira Abaleefi ohweelabya abeene neende ohuchia ohuliinda ebiruwa neende ohuliinda bulai Sabbaato. Njichuliise, ewe Nasaae, hulwa bino byosi, mani wuunjabine neende obuheeri bwao buungi obwo.

EBBAIBBO EMBOOSI YA NASAAE

²² Ndalagira Abaleefi ohweelabya abeene neende ohuchia ohuliinda ebiruwa neende ohuliinda bulai Sabbaato. Njichuliise, ewe Nasaae, hulwa bino byosi, mani wuunjabine neende obuheeri bwao buungi obwo.

Nehemia 13:22 Iomraidhean Croise

2 Abatuki 20:3

Ewe Omwaami, hwekweeda, bulaanu yichulisa koti mbeere ningeendera mu moni wao neende obweesikwa haandi neende omwooyo mulala, haandi koti lu ndahola ebiindu bilai mu moni wao. Mani Hesekia naalira muno neende esibeera.

2 Abatuki 23:4

Omutuki Yosia yalaka Hilikia omulaamisi muhuluundu, neende abalaamisi bamuloondereraho, neende abaliindi abali nibali hu mulimo kw'ohuliinda hu siruwa sy'Enyuumba y'Omwaami, ohutusa mu Nyuumba y'Omwaami ebiindu byoosi ebyehoonyerwaanga ohwiinamira Bbaali, neende nasaae muhasi olaangwa ati, Asera, neende ohwiinamira eng'ining'ini. Mani omutuki naabisaambira erwaanyi wa Yerusalemu, mu hooho lya Kidironi, ekohe lyaabyo nibaliyooya nibaliyira Bbeteli.

2 Ebyomubiha 29:24

Ebyo nibiweere, abalaamisi abo beeta embusi echio mani baachuha amabaanga kachio hu alutaari ohuba koti esiyaanwa esimalao esyonoono sy'abaandu boosi, olwohuba omutuki oyo yali n'alagiire ati ebiyaanwa bisaambwa, neende ebiyaanwa by'esibi biholerwe Yisiraeli yoosi.

2 Ebyomubiha 29:27

Hesekia yalagira ebiyaanwa bisaambwa bileetwe; mani koti ohuyaanayo ebiyaanwa nihwachaaka, abaandu beemba enyembo chifumia Omwaami, mani abeembi bosi bachaaka ohuubba eturumbete alala neende ebihubba biindi.

2 Ebyomubiha 29:30

Omutuki oyo alala neende abeemirisi bomu syaalo omwo, baboolera Abaleefi ohweembera Omwaami enyembo ch'ohufumia, echali nichaandiikwa neende Daudi mweene, haandi neende Asafu omunabbi. Mani buli muundu yembaanga neende esangaalo liingi nibasigaame nibenamiire Nasaae.

Nehemia 12:10

Yosua yali laatang'ene Yoyakimu; Yoyakimu yali laatang'ene Eliasibbu; Eliasibbu yali laatang'ene Yoyada;

Nehemia 12:30

Abalaamisi alala neende Abaleefi baholera alala omuduunga kw'ohulabisibwa abeene, haandi neende abaandu baandi, neende ebiruwa, alala neende esida sy'esiko sihunuufu esyo.

Nehemia 13:14

Yichulisaho, Nasaae waange, ebiindu bino byosi bi ndahuholeere mu nyuumba yao neende mu hulaama.

Nehemia 13:31

Ndatekeha eehwi ch'ohusaamba ebiyaanwa mu biha bihoyeere, neende abaandu bosi ohuleeta ebiyaanwa byaabwe byaamberi bya ekesa neende ebyaamo byaamberi byeengere. Yichulisaho bino byoosi, ewe Nasaae, mani wumbeeho omukabo kuunjera.

Nehemia 5:19

Mani ese husaba ewe Nasaae waange, endi ohoya wechulisaanga ohusiimiraanga hu buli siindu siindi siimba ni ndanyala ohuholera abaandu bano.

Esabbuli 130:7

Yisiraeli, weesikeenge Omwaami! Olwohuba w'obuheeri haandi buli siha, mweetekefu ohutununula.

Esabbuli 5:7

Nae ese ohweema hu buheeri bwao buungi njia ohwiingira mu nyuumba yao, njia ohuhwiinamira mu nyuumba yao njoolerefu ni hwiisamo oluyaali.

Esabbuli 51:1

Ngwiire esisa, Ewe Nasaae, ohweema hu buheeri bwao butaakama. Ohweema hu sisa syao siingi, nduseho ebyonoono byaange byoosi.

Yisaaya 38:3

n'aboola ati, “Ewe Omwaami, hwekweeda, yichulisaho bulaanu, obone koti lu ndi omweesikwa mu moni wao, koti lu huhuloongoyalira neende omwooyo kwaange kwoosi, haandi koti lu ndeemaangaho ohuhola ebihusangaasa mu moni wao.” Hesekia n'alira muno.

Yisaaya 49:23

Abatuki nibo abahabaliinde koti balaata yeeng'we, haandi abahasi b'abatuki nibo abahabaliinde koti bang'ineeng'we. Baheename mu moni weeng'we nibabeesamo oluyaali, nibahoomba olufu lwohu makulu keeng'we. Ao mani niwo yimwahamanyire muti ese Niise Omwaami; haandi buli owuniinda ohumuhoonya haba siyahadiirwe esoni daawe.”

Yisaaya 55:7

Leha omwonooni, alehe esaambo chae embi, haandi otali omuluungifu akaluuhanie ebibaaso byae. Leha akobole eyiri Omwaami, mani Omwaami oyo anyale ohumukwiira esisa; akobole eyiri Nasaae weefwe, olwohuba w'esisa niye haandi alehereramo elalira ebyonoono.

2 Abakoriito 1:12

Olwohuba ohwefumia hweefwe, nihwo huno mbwe, ohubaasa hweefwe huhwebisiiremo mu syaalo muno, neende ohumeedaho eng'we mwesi, alala neende obwoolerefu neende obwadyeeri bw'ediini, nihuteehoonyera amakesi k'esyaalo, nae ohweema hu mbabaasi cha Nasaae.

Amalako Kohubiri 5:12

“ ‘Husaanga oludaalo lwa Sabbaato, oluhusa mu bwoolerefu, koti Omwaami Nasaae weeng'we yabalagira.