Nehemia 13:15 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁵ Mu biha byeene ebyo, ndalola abaandu mu Buyudaaya nibadiinya emisabbiibbu kitulemo amaachi hu ludaalo lwa Sabbaato. Abaandu baandi nabo bali nibabuusa emere, efiini, emisabbiibbu, emituli, nebiindi bityo hu suhiri chaabwe ohuchia Yerusalemu; mani ndabakaania obutakusaho esiindu syosi hu ludaalo lwa Sabbaato.

EBBAIBBO EMBOOSI YA NASAAE

¹⁵ Mu biha byeene ebyo, ndalola abaandu mu Buyudaaya nibadiinya emisabbiibbu kitulemo amaachi hu ludaalo lwa Sabbaato. Abaandu baandi nabo bali nibabuusa emere, efiini, emisabbiibbu, emituli, nebiindi bityo hu suhiri chaabwe ohuchia Yerusalemu; mani ndabakaania obutakusaho esiindu syosi hu ludaalo lwa Sabbaato.

Nehemia 13:15 Iomraidhean Croise

2 Ebyomubiha 24:19

Omwaami yatuma abanabbi ohubalabula bakobole, nae abaandu bahaya ohuwulira.

Nehemia 10:31

Nikali mbwe abateende bachia ohuleetaanga emere, kata sa esiindu siindi syoosi ohutukusa hu ludaalo lwa Sabbaato, kata hu ludaalo luundi olwoolerefu, efwe haba sihuchia ohukanya ohubakulaangaho daawe. Buli mwaaka kwa hataanu-na-habiri haba sihuchia hulimaangaho eloba lino daawe, haandi huchia ohusangulaanga amakobi kefwe koosi.

Nehemia 10:32

Buli mwaaka, buli muundu yeesi achia ohutosaanga buli silala sya munaane esya guraamu ndala ey'efeesa ohuhonyaanga ohutuunga ebyehoonyerwa mu Nyuumba ya Nasaae.

Nehemia 13:16

Abaandu baandi ohutula mu siko sya Tiiro abali bamenya Yerusalemu, baleeta eng'eeni neende ebiindu biindi mu siko obikusamo hu nyaanga ya Sabbaato.

Nehemia 13:21

Ndabalabula nimbaboolera endi, “sibihoyera ohuba erwaanyi eyo ohuula echuli. Nimusiloondamo sino haandi ndabatuka sirifu.” Mani ohutula hu ludaalo olwo haba sibakobolaho hu Sabbaato haandi.

Nehemia 9:29

Ewe wabalabulaanga ohutichaanga enjekesa chao, nae mu suunga yaabwe bajwang'aanga sa amalako kao, kata neende nibiri mbwe mu hwooseresa Amalako kao nihwo engira yichia enabulamu. Obwoomu bw'emitwe hwaabwe neende esyeejo syaabwe, by'abakayiraanga ohunyala ohuhutiichaanga.

Yobbu 39:12

Onyala ohuyeesika oti yinaakobole, mani yaaleeta emwo yao mu sihubbakiro?

Esabbuli 50:7

“Tekeerese, eng'we abaandu baange, mani nomanome. Ewe Yisiraeli, ese njia ohuhulomalomaho. Ese niise Nasaae, Nasaae wao.

Ohutula 31:12

Haandi Omwaami yalagira Musa

Ohutula 31:16

Abaandu ba Yisiraeli bahoyere ohuliinda Sabbaato koti ahalolero h'Endagaano.

Ohutula 34:21

“Eng'we muli neende endaalo chisaasaba chi muhoyere ohuholeraangamo emirimo kyeeng'we, mani mutaholaangaho omulimo kwoosi hu ludaalo lwa hataanu-na-habiri, kata mu biha by'ohulima, oba muukesa.

Ohutula 35:2

Eng'we mbano muli neende endaalo chisaasaba enaamba chi muhoyere ohuholeraangamo emirimo kyeeng'we, nae oludaalo lwa hataanu-na-habiri luhoyeere ohuba olwoolerefu, oludaalo lwatoongolwa ohuba olw'ohuwuluuha, lwaambereswa ese omweene, Omwaami. Omuundu yeesi ohola omulimo kwoosi hu ludaalo olwo, ahoyere ohwiitwa.

Engaado 28:4

Abo abateesa oluyaali mu malako bafumia abahola-mbi; nae abo abadiira amalako abalwaania.

Yisaaya 58:13

Omwaami aboola ati: “Munaliindeenge Sabbaato, mani mwahaya ohuholeraangaho ebiindu byeeng'we bi mudaha hu ludaalo lwaange lwoolerefu olwo, mani mwalaanga Sabbaato oludaalo hulw'esangaalo haandi oludaalo lw'Omwaami, olw'oluyaali; mulwiisamo oluyaali, mani mwahaya ohukoonyaanga esangaalo lyeeng'we sa, mwaahaya ohululomalomeraho emboosi ch'ohukachula sa;

Yeremia 17:24

Omwaami aboola ati: “Nae nimutekeeresa bi mboola, mani mwaahaya ohuleeta emigugu mu siko sino hu ludaalo lwa sabbato, mani mwaaliinda oludaalo lwa Sabbaato koti olwoolerefu mwaahaya ohuholaho emirimo hu ludaalo olwo kata nabudiidi.

Yeremia 17:27

Nae nimutaambulira, mani mwaahaya ohuliinda oludaalo lwa Sabbaato koti olwoolerefu, neende mwaalukiingiraho emigugu nimwiingira nimubitira mu biruwa bya Yerusalemu hu ludaalo lwa Sabbaato, mba njia ohuwaambya omuliro hu biruwa byasyo, omuliro kuchia ohusaamba amadooho komu Yerusalemu mani abuleo omuundu onyala ohusimya omuliro okwo.

Yeremia 42:19

Eng'we abadoong'ereo mu Buyudaaya, Omwaami ababoolera ati, ‘Mutachia mu Misiri.’ Mumanyire elalira muti malire ohubalabula enyaanga yino,

Esekeeli 20:13

Nae kata mu siparara, Abaisiraeli banjeemera, baahaya ohudiira amalako kaange, akaberesa abaandu bakadiira obulamu. Haandi banyaasa muno Sabbaato nindabateerao. “Mani nimbaasa ohubamaliraho etima lyaange mu siparara, mbasihirisire elalira.

Amosi 8:5

nimuboola muti: “Endaalo huluundu chahawe liina, mani huchaake ohukusa engaano? Haandi Sabbaato yahawe liina, mani huchaake ohukusa engaano haandi? Ao mani hunyale ohuduuduya ebikero by'ohukusiramo haandi hutakalase ebikero by'ohukuliramo, haandi humeede obukusi nihwehoonyera emisaani chipiima bulai.

Mika 6:3

Omwaami ateeba ati: “Eng'we abaandu baange, mbaholere siina syeene? Mbajoong'iise endye? Mungobolemo!

Ebiholwa 2:40

Petero yalomaloma niyehoonyera emboosi nyiingi muno, yabalabula n'aboola ati, “Mwewonie abeene ohutula hu luse ludoondobanu luno.”

Ebiholwa 20:21

ninjaaliraanga Abayudaaya boosi alala neende Abagiriki sidubaanie ohweyolobya eyiri Nasaae neende ohufukiirira mu Omwaami weefwe Yesu Kristo.

Abagalatia 5:3

Ndi ohuboolera buli muundu yeesi ochia yaahebwa endi, mani ahoyere ohwooseresa bi Malako ka Musa kadaha byoosi.

Abaefeso 4:17

Bulaanu sino syomiisa haandi ndaasitusira obuloli mu Omwaami endi, eng'we simuhoyere haandi ohuchiiririra nimumenya koti Abateende bamenyaanga, mu buhyaamu bw'ebibaaso byaabwe;

Amalako Kohubiri 8:19

Nae nimwiibirira Omwaami Nasaae weeng'we mani mwaloonda banasaae baandi, haandi mwabahalaabanira mani nimubeenamira, mbalabula mubwadyeeri bweene enyaanga yino endi haba simwahahaye ohusihiriswa.

1 Abatesalonika 4:6

Mani hu sifune sino ataba hoo omuundu yeesi oholera owaasye esibi, oba oweehoonyera ehabi yae ohuchiira mu waasye. Olwohuba hwamala ohubaboolera hutyo hale nihubeekesa koti lu muhoyere ohweliinda, huti Omwaami achia ohusaandya abaandu bahola ebiindu bifwaana bityo.