Nehemia 13:14 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁴ Yichulisaho, Nasaae waange, ebiindu bino byosi bi ndahuholeere mu nyuumba yao neende mu hulaama.

EBBAIBBO EMBOOSI YA NASAAE

¹⁴ Yichulisaho, Nasaae waange, ebiindu bino byosi bi ndahuholeere mu nyuumba yao neende mu hulaama.

Nehemia 13:14 Iomraidhean Croise

2 Abatuki 20:3

Ewe Omwaami, hwekweeda, bulaanu yichulisa koti mbeere ningeendera mu moni wao neende obweesikwa haandi neende omwooyo mulala, haandi koti lu ndahola ebiindu bilai mu moni wao. Mani Hesekia naalira muno neende esibeera.

1 Ebyomubiha 29:3

Haandi ohumeedaho hu ebyo bi tekeheere Enyuumba Njolerefu, ndusire esaabbu neende efeesa ohutula hu myaandu kyaange kyeene, hulw'ohudaha hu ndi nahwo hu Nyuumba ya Nasaae.

2 Ebyomubiha 24:16

Bamusiiha mu ng'ani ch'obwaami mu Siko sya Daudi ohweekesa obulai bw'omulimo ku yali niyaholera abaandu ba Yisiraeli, Nasaae neende Enyuumba ya Nasaae.

Esira 7:20

Haandi esiindu siindi syoosi si muba nimuchia ohudaha hulw'Enyuumba ya Nasaae muba muchia ohusinyoola ohutula mu syaaki sy'eseende sy'obwaami.

Esira 7:24

Simufukiirirwa ohusolosa omusolo kwoosi ohutula hu balaamisi, Abaleefi, abeembi, abaliindi, abahalaabani, kata neende ohutula hu muundu yeesi odiiranaho neende Enyuumba ya Nasaae yino.

Esira 7:27

Esira yeemao yaboola ati, “Omwaami afumisibwe, Nasaae wa bakuuka yeefwe! Yahola omutuki wuno yaakanya ohwiisa oluyaali mu ngira yino ey'Enyuumba ya Nasaae y'Omwaami eyiri mu Yerusalemu.

Nehemia 13:22

Ndalagira Abaleefi ohweelabya abeene neende ohuchia ohuliinda ebiruwa neende ohuliinda bulai Sabbaato. Njichuliise, ewe Nasaae, hulwa bino byosi, mani wuunjabine neende obuheeri bwao buungi obwo.

Nehemia 13:31

Ndatekeha eehwi ch'ohusaamba ebiyaanwa mu biha bihoyeere, neende abaandu bosi ohuleeta ebiyaanwa byaabwe byaamberi bya ekesa neende ebyaamo byaamberi byeengere. Yichulisaho bino byoosi, ewe Nasaae, mani wumbeeho omukabo kuunjera.

Nehemia 5:19

Mani ese husaba ewe Nasaae waange, endi ohoya wechulisaanga ohusiimiraanga hu buli siindu siindi siimba ni ndanyala ohuholera abaandu bano.

Yisaaya 38:3

n'aboola ati, “Ewe Omwaami, hwekweeda, yichulisaho bulaanu, obone koti lu ndi omweesikwa mu moni wao, koti lu huhuloongoyalira neende omwooyo kwaange kwoosi, haandi koti lu ndeemaangaho ohuhola ebihusangaasa mu moni wao.” Hesekia n'alira muno.

Abaibburania 6:10

Nasaae haba siyehubbira. Haba saacha hwiibirira omulimo kumwahola, oba obuheeri bu mwamala ohweekesa mu buhoonyi bumwatusa nimuhoonya abaandu bae, haandi bu musyemeeda ohuhoonya Abakristo basyeeng'we.

Ohubwiihulirwa 3:5

Abo boosi abayiingira bachia ohufwaalwa echa rachaari mu ngeri yino, haandi siinjia ohutusayo ameeta kaabwe ohutula mu sitabo sy'abalamu. Njia ohulaangirira alafu mu moni wa Laata yaange, neende mu moni wa bamalaika endi nibo abaandu baange.