Nehemia 12:43 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴³ Hu ludaalo lweene olwo, ebiyaanwa biindi ebiingi muno byayaanwayo, mani abaandu beechula esangaalo olwohuba Nasaae yali niye obasaangaasire muno. Abahasi neende abaana bosi beengira mu mwehoyo, mani esiyoka si boobba boosi alala syaanyala ohuwuliirihanira eyale bweene.

EBBAIBBO EMBOOSI YA NASAAE

⁴³ Hu ludaalo lweene olwo, ebiyaanwa biindi ebiingi muno byayaanwayo, mani abaandu beechula esangaalo olwohuba Nasaae yali niye obasaangaasire muno. Abahasi neende abaana bosi beengira mu mwehoyo, mani esiyoka si boobba boosi alala syaanyala ohuwuliirihanira eyale bweene.

Nehemia 12:43 Iomraidhean Croise

2 Ebyomubiha 20:13

Abasaacha ba Yuda boosi, alala neende abahasi baabwe neende abaana baabwe, boosi bali nibeemere aambi neende Enyuumba ya Nasaae.

2 Ebyomubiha 20:27

Yehosafati yeemirira amaye kae yaakakobosa engo mu Yerusalemu mu buyiingiri, olwohuba Omwaami yali n'amalire ohubayiingirira hale abasuku baabwe.

2 Ebyomubiha 7:10

mani hu ludaalo luloondaho, olwali oludaalo lw'amahumi kabiri-na-chidatu ech'omwoosi kwa hataanu-na-habiri, Solomooni yaseebula abaandu baakobola engo waabwe. Bali abasangaafu muno hulw'ehabi choosi chi Omwaami yali nabereese Yisiraeli abaandu bae, Daudi neende Solomooni.

Esira 3:13

Abulao omuundu yeesi owali anyala ohukabuhania akatikaati w'ohwehuuma hw'esangaalo neende ohulira bulira, olwohuba esiyoka sibahola syali esy'akulu muno esinyala ohuwuliirihanira kata neende eyale muno.

Nehemia 12:27

Mani esida sy'esiko sya Yerusalemu ni syali nisiyaanwayo eyiri Nasaae, Abaleefi baleetwa ohutula buli abuundu yi babechaanga nibamenya, hu banyale ohuba mu mwehoyo kw'ohuyaanayo okwo nibeemba enyembo ch'ohweebasa alala neende enyembo cha nyaangili neende amaduungu.

Nehemia 12:42

nae bano boosi bali nibaloondwaho neende Maseya, Semaya, Eleasa, Wusi, Yehohanani, Milikiya, Elamu, neende Eseri. Abeembi bali nibeemirirwamo neende Yesirahia, beembera aakulu w'amakono kaabwe.

Yobbu 34:29

Nasaae mani n'aheengao ohubuleera, wiina onyala ohumuheengera omusaango ohumuhira? Naheengaho ohweekisa, wiina onyala ohumubona, oba syahaba esyaalo kose omuundu?

Esabbuli 27:6

Mani bulaanu njia ohweema nisingiise omutwe kwaange nyiingire abasuku baange bandebodoohaanie; mani njia ohuyaanirayo mu yeema lyae ebiyaanwa neende ekono ly'esangaalo; haandi njia ohweemberaanga Omwaami nindeehoya.

Esabbuli 28:7

Omwaami niye amaani kaange neende engabo yaange; niye yi mwooyo kwaange kweesika; mani yahoonyere, sakira sangaala mani ndaamweembera olweembo nimweebasa.

Esabbuli 9:2

Njia ohusangaala haandi hweefumisiryemo, njia ohweemba efuma y'eliita lyao, Ewe Ow'Akulu Muno.

Esabbuli 92:4

Ewe Omwaami, bi wahola bihunuufu bikera nindeehoya; nyemba neende esangaalo hulw'ebiindu bi wahola.

Yisaaya 61:3

Ohuberesa abo abalirira mu Siyooni, esangaalo neende ohweehoya ataali amanyoolero, olweembo lufumia ataali ohwelalihirira. Bachia ohubechaanga koti emisaala ki Omwaami mweene yataaka. Bosi bachia ohuholaanga ebihoyera, Mani Omwaami anyale ohufumisibwa hu biindu byaaba naaholere.

Yeremia 31:13

Mani abahaana bahasangaale mani baahina, haandi abasaacha baraaga neende abakofu bahasangaale. Mu siha syohulira, bahasangaale, njia ohubalemia emyooyo, mbasaangaase balehe ohweyendeherera.

Yeremia 33:11

amakono k'esangaalo neende omweehoyo, ekono lyooyo odehiisye neende ekono lyooyo odeehere, amakono k'abo abeemba nibaleeta ebiyaanwa by'ohweebasa mu nyuumba y'Omwaami nibaboola bati: “Mweebase Omwaami w'Obunyala, olwohuba Omwaami mulai, haandi obuheeri bwae butaakama bw'endaalo choosi. Olwohuba njia ohukobosa ehabi mu syaalo sino, koti lu byali hale. Ese Omwaami, Niise oboolere.”

Ohubala 10:10

Haandi mu biha by'esangaalo koti esiha sy'Esidyaalo sy'Omwoosi Muyaaha haandi neende hu bidyaalo by'ediini biindi muhoyere ohuubbaanga eturumbete chino nimuli ohuyaana ebiyaanwa bisaambwa byaakwa ekohe, haandi neende hu huyaana ebiyaanwa by'ohuholegana. Mani mba njia ohubahoonyaanga. Ese niise Omwaami Nasaae weeng'we.”

Matayo 21:15

Nae abalaamisi bahuluundu, neende abeekesa b'Amalako, nibabona eby'amayia bi Yesu yali n'aholere, alala neende abaana bayere bali nibahuumuliraanga mu Nyuumba ya Nasaae omwo bati, “Hosaana! Omwaana wa Daudi,” etima lyabadiira muno.

Matayo 21:9

Esidiiyiha sy'abaandu syali nisimwiimiriiremo, neende esyali simuloondaho, byachaaka ohuhuumaanga biti, “Hosaana! Omwaana wa Daudi! Ali neende ehabi oyo owiicha mu liita ly'Omwaami! Hosaana aakulu Muukulu eyo!”

Yowaana 16:22

Mani sakira eng'we muli neende esibeera esiha sino, nae ndahababone haandi mani emyooyo kyeeng'we kisangaale, abuleo omuundu yeesi onyala ohubatusaho esangaalo lyeeng'we elyo.

Abaefeso 5:19

nimukerakirana neende abasyeeng'we mu sabburi neende enyembo ch'ediini neende enyembo cha Nasaae, nimweemba haandi nimuchiluungira Omwaami neende omwooyo mulala,

Yakobbo 5:13

Aluwo omuundu yeesi hweeng'we oli mu sidinyu? Leha asabe Nasaae. Awuundi hweeng'we, aluwo oli mu sangaalo? Leha yeembe enyembo chifumia Nasaae.

1 Samueli 4:5

Ao Esanduuku ly'Endagaano y'Omwaami nilyoola ango, Abaisiraeli boosi boobba oluwuungu lw'esangaalo olwadengaania esyaalo syoosi.