Nehemia 12:26 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

²⁶ Abaandu bano balichiingiwo mu ndaalo chali echia Yoyakimu, owali omwaana wa Yosua haandi owali omwiichuhulu wa Yehosadaki, haandi neende mu biha byali ebya Nehemia owali gafana, haandi mu biha byali ebya Esira, omulaamisi wali omweeki w'Amalako.

EBBAIBBO EMBOOSI YA NASAAE

²⁶ Abaandu bano balichiingiwo mu ndaalo chali echia Yoyakimu, owali omwaana wa Yosua haandi owali omwiichuhulu wa Yehosadaki, haandi neende mu biha byali ebya Nehemia owali gafana, haandi mu biha byali ebya Esira, omulaamisi wali omweeki w'Amalako.

Nehemia 12:26 Iomraidhean Croise

2 Ebyomubiha 9:26

Yali ahiramo mu batuki boosi abali mu syaalo esyo, ohutulira elalira hu Mwaalo kwa Ewufuraate ohwoola mu Filisiti, haandi neende hu lwaaho lwa Misiri.

Esira 7:11

Omutuki Aritakerikeesi yaberesa Esira, omulaamisi haandi omusomi, owali neende obumanyirifu bumala obw'amalako neende ebilagiro bi Omwaami yali yaberesa Yisiraeli esiyandiiko siloondaho.

Esira 7:6

Esira wuno niye owatula mu Bbabbilooni. Yali omumanyirifu muno mu by'amalako ka Omwaami Nasaae wa Yisiraeli yali niyaberesa Musa. Omutuki oyo mani n'amuberesa ebyo byoosi bi yasaba, olwohuba obunyala bw'Omwaami Nasaae wae bwamuliho.

Nehemia 8:1

Mu mwoosi kwa hataanu-na-habiri abaandu ba Yisiraeli bali nibamalire ohwiihala mu biko byaabwe. Mani hu ludaalo lutaangira lw'omwoosi kweene okwo, boosi bebuusira alala mu Yerusalemu, mu sipaapi esiri mukati w'Esiruwa silaangwa esy'Amaachi. Bateeba Esira, owali omulaamisi haandi omusomi w'Amalako ka Omwaami yali niyaberesa Yisiraeli ohubitira mu Musa, ohubukula esitabo sy'Amalako esyo.

Nehemia 8:9

Abaandu nibamala ohuwuulira ebiindu bi Malako ako kali nikadaha, bachuunwa muno bachaaka ohulira bulira. Mani Nehemia, owali naali gafana waabwe, Esira owali omulaamisi haandi owasoma Amalako, alala neende Abaleefi abali nibali ohweekesaanga abaandu Amalako ako, beemao baboolera abaandu boosi abo bati, “Oludaalo luno lwoolerefu eyiri Omwaami Nasaae weeng'we, mani haba simuhoyere ohuliriraho, kata sa ohwesisiihiraho daawe.