Nehemia 12:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Mani bano nibo abalaamisi alala neende Abaleefi abeechera alala neende Serubbabbeli omwaana wa Seyalitieli, neende Yosua ohutula mu bwiiruhiro: Seraya, Yeremia, Esira,

EBBAIBBO EMBOOSI YA NASAAE

¹ Mani bano nibo abalaamisi alala neende Abaleefi abeechera alala neende Serubbabbeli omwaana wa Seyalitieli, neende Yosua ohutula mu bwiiruhiro: Seraya, Yeremia, Esira,

Nehemia 12:1 Iomraidhean Croise

Esira 3:2

mani Yosua omwaana wa Yehosadaki, abalaamisi baasye, neende Serubbabbeli omwaana wa Seyalitieli, alala neende abeeho bae, bachaaka ohwoombaha haandi buyaaha alutaari ya Nasaae wa Yisiraeli, hu banyale ohusaambiraangaho ebiyaanwa koti lu bilagiro byandiikwa mu Malako ka Musa, omuundu wa Nasaae byali.

Esira 3:8

Mani mu mwoosi kwa habiri kw'omwaaka mulala luunyuma lwaabwe ohukobola engo mu sifwo sy'Enyuumba ya Nasaae mu Yerusalemu, bachaaka omulimo okwo. Serubbabbeli, Yosua, neende abaandu baabwe badoong'ereyo, abalaamisi, haandi neende Abaleefi, mubwadyeeri bweene abali beeruswa boosi abali nibakoboole mu Yerusalemu, beyiingisa mu mulimo okwo sa. Abaleefi boosi abalichiingi nibali emyaaka amahumi kabiri ky'obuhuluundu kata neende ohuhira ao, babereswaanga obunyala bw'omulimo kw'ohwoombaha buyaaha Enyuumba ya Nasaae.

Esira 4:2

Bachia ohubonana neende Serubbabbeli alala neende abeemirisi b'enono echio mani nibaboola bati, “Eng'we mulehe efwe hubeyambaanieho mu mulimo kw'ohwoombaha Enyuumba ya Nasaae. Efwe fwesi hwiinamiraanga Nasaae mulala neende yi mwesi mwiinamiraanga, haandi bubereenge nihuyanaangayo ebiyaanwa yaali ohutulira elalira Omutuki Esarihadooni ow'Asiiria yatutuma hwiiche humenye ano bweene.”

Esira 5:2

Serubbabbeli omwaana wa Seyalitieli neende Yosua omwaana wa Yehosadaki bawulira emboosi chaabwe chino, bachaakaniramo ohwoombaha buyaaha Enyuumba ya Nasaae yali mu Yerusalemu, mani abanabbi babiri abo baabahoonya muno.

Esira 7:7

Abaandu baandi aba Yisiraeli, alala neende abalaamisi baandi neende Abaleefi, abeembi, neende abaliindi b'ebiruwa, alala neende abahalaabani bomu Nyuumba bosi bachia mu Yerusalemu omwo, mu mwaaka kwa hataanu-na-habiri okw'Omutuki Aritakerikeesi.

Nehemia 11:36

Emikaanda kiindi eky'Abaleefi ekyali nikyamenya mu situundu sy'obwaami bwa Yuda bali babereswa omunwa ohumenyaanga alala neende abaandu ba Bbenjamini.

Nehemia 12:10

Yosua yali laatang'ene Yoyakimu; Yoyakimu yali laatang'ene Eliasibbu; Eliasibbu yali laatang'ene Yoyada;

Nehemia 12:2

Amaria, Maluku, Hatuusi,

Nehemia 7:7

Abeemirisi baabwe bali nibo: Serubbabbeli, Yosua, Nehemia, Asaria, Ramia, Nahamani, Modekai, Bbilisaani, Misipereeti, Bbigifai, Nehumu, neende Bbaana.

Hagai 1:1

Mu mwaaka kwohubiri Dario naali omutuki wa Perisia, hu ludaalo lutaangira mu mwoosi kwohusaasaba, Omwaami yalomaloma neende omunabbi Hagai. Omulaanga kuno kwali okwohuchiira Serubbabbeli omwaana wa Seyalitieli, haandi gafana wa Yuda, neende eyiri Yosua omulaamisi muhuluundu, omwaana wa Yehosadaki.

Hagai 1:12

Ao mani Serubbabbeli omwaana wa Seyalitieli, neende Yosua omulaamisi muhuluundu, omwaana wa Yehosadaki, alala neende abaandu bakobola ohutula mu jeela boosi, nibahola koti lu Omwaami Nasaae waabwe yabalagira. Baatya mani nibafukiirira emboosi y'omunabbi Hagai, ku Omwaami Nasaae waabwe yali n'amutumire.

Hagai 1:14

Ao mani Omwaami naata mu Serubbabbeli gafana w'Abayudaaya, haandi omwaana wa Seyalitieli, neende mu Yosua, omulaamisi muhuluundu, haandi omwaana wa Yehosadaki, alala neende mu baandu bakobola ohutula mu jeela boosi omwooyo kw'ohuhola hu Nyuumba y'Omwaami. Mani nibeecha nibahola hu Nyuumba y'Omwaami w'Obunyala, Nasaae waabwe,

Hagai 2:2

“Bulaanu lomaloma neende Serubbabbeli omwaana wa Seyalitieli gafana wa Yuda, neende Yosua omulaamisi muhuluundu, haandi omwaana wa Yehosadaki, neende abaandu boosi abakobola ohutula mu jeela, mani obateebe oti,

Sekaria 6:11

Hola ekofia y'obutuki ohutula mu feesa neende esaabbu chi bayaana, mani omale ochie ofwaale hu mutwe kw'Omulaamisi Muhuluundu, Yosua oyo omwaana wa Yehosadaki.