Nehemia 11:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Maseya, omwaana wa Bbaruku haandi omwiichuhulu wa Kolihoose. Bakuukaang'ene baandi balimo, Hasaya, Adaya, Yoyariibbu, neende Sekaria, abali abeechuhulu ba Sela omwaana wa Yuda.

EBBAIBBO EMBOOSI YA NASAAE

⁵ Maseya, omwaana wa Bbaruku haandi omwiichuhulu wa Kolihoose. Bakuukaang'ene baandi balimo, Hasaya, Adaya, Yoyariibbu, neende Sekaria, abali abeechuhulu ba Sela omwaana wa Yuda.

Nehemia 11:5 Iomraidhean Croise

Ohuchaaka 38:5

Omuhasi oyo haandi yanyoola amabaanga kaandi, haandi yeebula omwaana musyaani, mani yaamukuliha, “Sela”. Yuda yeebula Sela naali Kesibbu.

1 Ebyomubiha 4:21

Sela yali mulala hu basyaani ba Yuda. Abeechuhulu bae nimwo omuli Eri, owachaakisa esiko sya Leka; Laada, owachaakisa esiko sya Maresa; eyali enono y'abanabi b'engubo ch'elaasi, abamenyaanga mu siko sya Bbeti Asibbea

1 Ebyomubiha 9:5

Abeechuhulu ba Sela, omwaana wa Yuda, bali neende Asayia, omwaana waamberi koti omwiimirisi waambwe.

Nehemia 11:4

Balala hu baandu bali ab'enyuumba ya Yuda nibo: Atya, omwaana wa Wusia haandi omwiichuhulu wa Sekaria. Bakuukaang'ene baandi mwalimo bano ba Amaria, Sefatia, neende Mahalaleli, abali abeechuhulu ba Peresi omwaana wa Yuda.

Nehemia 11:6

Hu beechuhulu ba Peresi, nihwo ohwali abanamaye emia chine neende amahumi kasaasaba neende bataanu-na-badatu (468) abamenya mu Yerusalemu.

Nehemia 3:15

Saluumu omwaana wa Kolihose, omwiimirisi wa Disiturikiti ya Misipa, niye owoombaha buyaaha Esiruwa sy'Esulo. Yaoma omulyaango, mani yeekulamo ebiruwa mu bweyaango bwabyo, haandi yataamo enaati neende emitaliimbo. Hu Sidiba sya Sela, yoombahayo esida siloonderera hu mukuunda kw'obwaami, ohwoolera elalira hu ngaasi chiihirira nichitulira mu Siko sya Daudi.

Ohubala 26:20

Nae abaana ba Yuda ohuchiira hu madaala kaabwe bali bati: aba Sela, edaala ly'Abaseela; aba Peresi, edaala ly'Abaperisia; aba Sera, edaala ly'Abaseera.