Nehemia 10:36 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³⁶ Buli mwaana musyaani otaangira hu buli mulala hu efwe huchia ohumuyiraanga eyiri abalaamisi mu Nyuumba ya Nasaae, nihuba nihuli ebweene eyo, koti amalako kadahisa, huchia ohuyanaangayo eyiri Nasaae. Haandi huchia ohuyanaangayo buli moosi yitaangira ohwiibulwa hu buli ng'oombe dwaasi yeefwe, alala neende ekoondi meeme litaangira neende embusi meeme yitaangira eyiibulwa hu buli koondi oba embusi.

EBBAIBBO EMBOOSI YA NASAAE

³⁶ Buli mwaana musyaani otaangira hu buli mulala hu efwe huchia ohumuyiraanga eyiri abalaamisi mu Nyuumba ya Nasaae, nihuba nihuli ebweene eyo, koti amalako kadahisa, huchia ohuyanaangayo eyiri Nasaae. Haandi huchia ohuyanaangayo buli moosi yitaangira ohwiibulwa hu buli ng'oombe dwaasi yeefwe, alala neende ekoondi meeme litaangira neende embusi meeme yitaangira eyiibulwa hu buli koondi oba embusi.

Nehemia 10:36 Iomraidhean Croise

2 Ebyomubiha 31:5

Esiha syeene si lako elyo lyatusirwamo, abaandu ba Yisiraeli bachaakiraniramo ohuleetaanga ebiyaanwa by'emere yaabwe eyisereecherwe, efiini, amafuta k'enaasi, obuuhi, alala neende ebilime by'emikuunda, haandi baamala baletaanga silala sy'ehumi sya buli siindu sibabeechaanga nasyo.

Nehemia 12:44

Esiha syeene esyo, abasaacha babereswa obunyala byaaki yi biindu byasoloswa hulw'enyuumba ya Nasaae byabiihwaangamo, n'oteereho neende kata silala sy'ehumi, neende emere yikulao buli kesa, kata neende ebyaamo byosi ebyachakaanga ohweenga mu buli mwaaka. Abasaacha bano bati nibo abalichiingi neende obunyala hu bw'ohusolosaanga ebirime bino ohutula mu mikuunda kyalichiingi aambi neende ebiko bikabuhaane ni bayiriraanga abalaamisi neende Abaleefi koti lu Malako kadahaanga. Abaandu boosi ba Yuda boosi bali nibasangaalira abalaamisi neende Abaleefi,

Nehemia 13:5

Mani yafukiirira Tobbia ohwehoonyeraanga esiseenge sitabaafu muno esyali ni syaleherwa ohubihaangamo ebiyaanwa byoosi eby'emere neende obubbaani, ebiindu byehoonyerwaanga mu Nyuumba ya Nasaae, ebiyaanwa by'abalaamisi, alala neende eby'ehumi by'emere, eby'efini, haandi neende eby'amafuta k'enaasi, ebyabereswaanga Abaleefi, neende abeembi bomu Nyuumba ya Nasaae, haandi neende abaliindi b'Enyuumba ya Nasaae.

Ohutula 13:2

“Waayo abaana baamberi basyaani boosi yi ndi; buli siindu syaamberi esiikula-eenda mu baandu ba Yisiraeli, esy'abaandu neende esy'ebisolo, byaange nibyo.”

Ohutula 23:19

“Buli mwaaka, leteenge eyiri enyuumba y'Omwaami Nasaae weeng'we, eemere yi muchaakiraho ohukesa. “Muteetaanga mudeeha ekoondi doto, oba embusi meeme ebisinuuna.

Ohutula 34:19

“Buli mwaana musyaani waamberi neende buli sisolo situkwa sisaacha syaamberi, byaange nibyo,

Malaki 3:10

Muleete esituundu silala sy'ehumi syoosi mu sibiihiro sy'enyuumba yaange, mani ebyohulya bimala binyale ohuba mu nyuumba yaange. Mani muteeme mubone oba siinjia ohubeekulirao amadirisa k'ekulu mani mbachuheho ehabi nyiingi muno.

Ohubala 3:13

olwohuba abaamberi boosi baange nibo; hu ludaalo lu ndeeteraho abaamberi boosi mu syaalo sy'e Misiri, ndeeyawulira omweene abaamberi boosi abali mu Yisiraeli, ab'abaandu alala neende ab'ebisolo byoosi bichia ohubechaanga ebyaange syeeng'ene: Ese niise Omwaami.”

Abagalatia 6:6

Lehe oyo yeesi oba niyeekeswaho emboosi ya Nasaae yoosi, akabane ebiindu bilai byoosi neende oyo oba niyeekesaanga emboosi eyo.

Amalako Kohubiri 12:6

Haandi nimuyira ebiyaanwa byeeng'we bisaambwa neende ebiyaanwa byeeng'we biindi, neende esituundu silala sy'ehumi, neende ebiyaanwa bi mwasuubisa Omwaami, neende eby'ebisolo bitaangira ohutula mu byaayo byeeng'we neende eng'oombe cheeng'we.