Nehemia 10:29 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

²⁹ ano bweene hweenya ohweyambaania neende abeemeresi beefwe mu sichubo sino, esiriho esibwaabo nikali mbwe husihalaka, mbwe huchia ohumenyaanga nihuloondakana neende Amalako ka Nasaae, ka Nasaae yatusa n'abitira mu Musa omuhalaabani wae; mbwe efwe huhoyere ohukafukiiriramo koosi koti lu Omwaami, Omwaami weefwe, atulagira; haandi ati efwe huchia ohwooseresaanga amalako kae koosi neende ebidahibwa byoosi.

EBBAIBBO EMBOOSI YA NASAAE

²⁹ ano bweene hweenya ohweyambaania neende abeemeresi beefwe mu sichubo sino, esiriho esibwaabo nikali mbwe husihalaka, mbwe huchia ohumenyaanga nihuloondakana neende Amalako ka Nasaae, ka Nasaae yatusa n'abitira mu Musa omuhalaabani wae; mbwe efwe huhoyere ohukafukiiriramo koosi koti lu Omwaami, Omwaami weefwe, atulagira; haandi ati efwe huchia ohwooseresaanga amalako kae koosi neende ebidahibwa byoosi.

Nehemia 10:29 Iomraidhean Croise

2 Abatuki 10:31

Nae Yehu haba siyaataaho omwooyo kwae kwoosi hu hudiiraanga ebilagiro by'Omwaami Nasaae wa Yisiraeli; haba kata yaalehanaho neende ebyonoono bya Yerobboamu, ebyaleetera Yisiraeli ohukwa mu bwonooni daawe.

2 Abatuki 23:3

Omutuki yeema aambi neende esiiro mani yaahola endagaano mu moni w'Omwaami, ohumuwuliraanga neende ohudiiraanga amalako kae neende ebilagiro byae byoosi niyeechuba ati, anabidiiraanga neende omwooyo kwae kwoosi, neende obulamu bwae bwoosi, haandi ati anooseresaanga emboosi ch'endagaano eyo, echandiikwa mu sitabo esyo. Mani abaandu boosi nibasiingira nibeema ohwomiisa koti lu banaadiireenge endagaano eyo.

1 Ebyomubiha 9:2

Abaandu bataangira ohukobola mu loba lyaabwe liri mu biko, balimo Abaisiraeli ba buli ludaalo, Abalaamisi, Abaleefi, neende abahalaabani bomu Nyuumba ya Nasaae.

2 Ebyomubiha 34:31

Omweene nae yeema hu kutu ly'obwaami, mani naahola endagaano neende Omwaami ohumuwuliraanga, ohwooseresaanga amalako kae, neende ebilagiro neende omwooyo kwae kwoosi, neende obulamu bwae bwoosi, haandi neende ohutechanga mu hola ebidahibwa byoosi ebichiira hu ndagaano eyo, koti lu byandiikwa mu sitabo esyo.

2 Ebyomubiha 6:16

Bulaanu, ewe Omwaami, Nasaae wa Yisiraeli, yoseresa haandi esisuubise siindi sira si waholera laata lu wamuboolera oti ohwoola yinabeechangao mulala hu beechuhulu bae onabeechaanga koti omutuki wa Yisiraeli, nibaneliindaanga nibeesa oluyaali mu Malako kao koti lu mweene yaholaanga.

Nehemia 13:25

Ndaalabira abasaacha abo, ndaabanyeka nimbachuba, ndaabahuya, mani ndabaachunulaho efwiiri. Ndakera beebwaaba mu liita lya Nasaae mbwe haba sibahadeehisanieho neende abateende.

Nehemia 7:46

Abahalaabani bomu Nyuumba ya Nasaae bali: Abeechuhulu ba Siiha, aba Hasufa, aba Tabbaoti,

Nehemia 8:2

Esira yasileeta abuundu yi baandu bali nibebuusiire alala, abasaacha abahasi alala neende abaana bali abahuluundu banyala ohumanya ebiindu.

Nehemia 8:3

Abweene ao mu sipaapi esyo, esyali aambi neende esiruwa esyo, yabasomerao Amalako ako yi bali ohuchaaka mu mabwiibwi ohwoolera elalira mu sideete akati, mani nabo nibanyala ohutekeeresaanga bulai bweene.

Nehemia 9:2

Abaisiraeli beekabula hu baandu baandi bakeni, beema tiiri beeyolobya ebyonoono byaabwe alala neende omufuto kwali okwa bakuuka yaabwe.

Nehemia 9:38

Ohweema hu bino byoosi bityo ebyakwaao, efwe abaandu ba Yisiraeli fweesi, ano huli ohuhola Endagaano enyandiike y'elalira, alala neende abeemeresi beefwe, Abaleefi beefwe, alala neende abalaamisi beefwe huli ohutaaho emihono kyeefwe.

Esabbuli 105:45

hu baandu bae abo banyale ohuliinda amalako kae haandi neende ohwooseresa ebilagiro byae. Fumie Omwaami!

Esabbuli 119:106

Ndeechubire neende esichubo haandi maliriire elalira, endi njia ohudiiraanga ebilagiiriro byao biluungifu.

Esabbuli 8:1

Ewe Omwaami, Omwaami weefwe, eliita lyao nga ly'amaani muno mu syaalo syoosi! Ewe yi luyaali lwao lufumisibwa ohwoola aakulu Muukulu;

Esabbuli 8:9

Ewe Omwaami, Omwaami weefwe, eliita lyao hunuufu muno mu syaalo syoosi!

Yisaaya 14:1

Omwaami haandi yahakwiire Yakobbo esisa, haandi yahadoole Abaisiraeli babe abaandu bae, haandi yahabakoboseyo bamenye mu syaalo syaabwe. Abateende baheeche bamenye alala neende abeechuhulu ba Yakobbo, mani baboomiirireho elalira.

Yeremia 26:4

Baboolere oti; Omwaami aboola ati: Nae nimuhaya ohuwulira, mani mwaahaya ohukeendera mu malako kaange ka mbabereese,

Yeremia 34:15

Eng'we mwesi ndiidi chibitireo mweyolobya mani mwahola ebisaangaasa, buli muundu hweeng'we n'alaanga koti lu alehuulire Omuibburania waasye owali omuboye, mani nimuhola endagaano mu moni waange mu nyuumba yaange yohwiinamiramo.

Esekeeli 36:27

Njia ohubaberesa omwooyo kwaange, haandi ndeebeyo muno ohubona koti lu mudiira amalako kaange koosi, haandi nimuhola ebyo byoosi bi mbalagira.

Esy'Abaleefi 20:26

Muhoyere ohuba aboolerefu mani mube abaange syeeng'ene, olwohuba ese niise Omwaami, nihaandi ndi omwoolerefu. Ndamala ohubakabula endulo, ohubatusa hu byaalo biindi, hu munyale ohuba abaange syeeng'ene.

Malaki 4:4

Mwiichulise ebyo bi omuhalaabani waange Musa yabeekesa koti amalako neende ebilagiro, bindamuberesera hu Lugulu lwa Sinai, abiberese Abaisiraeli.

Ohubala 5:21

Omwaami ahoya yaahola eliita lyao lyaaba esibwaabo mu baandu bao. Omwaami ahoya yabwaaba ebituundu by'obuhasi byao byehuuna alala mani enda yao yafwiimba.

Yowaana 1:17

Olwohuba Nasaae yaleeta amalako ohubitira mu Musa; nae embabaasi neende obwadyeeri byeecha ohubitira mu Yesu Kristo.

Yowaana 15:14

Eng'we muli abeecha baange nimuhola bi mbalagira.

Yowaana 7:19

Musa haba siyababeresa amalako daawe? Nae hweeng'we, abulao odiira amalako ako. Lwasiina mukiiya amakesi k'ohuunjita?”

Ebiholwa 11:23

Bbarinabba niyeecha yoola mu Atiokia, yabona embabaasi cha Nasaae chali nichiriyo, yasangaala muno; yaabasaba ati boosi badoong'e nibali abeesikwa eyiri Omwaami neende esichiiririrwa syomiifu;

Ebiholwa 17:34

Nae abasaacha baandi bamweyambaaniaho, mani bamala bafukiirira, mu beene abo Dionisio mulala hu eb'esiina silaangwa Areopago neende omuhasi olaangwa, Damari alala neende abaandu baandi bali nabo bosi.

Ebiholwa 23:21

Nae otabafukiirira daawe; olwohuba bali neende abasaacha babita amahumi kane abeliindiriirire ohumukwaaho, nibamalire ohweboya silala neende esichubo obutalyaaho kata sa ohung'waaho esiindu syoosi ohwoola lubanamala ohumwiita; mani bulaanu bamalire ohwetekehera elalira, baliindiriire sa ewe syonabaholere.”

Abarooma 12:9

Obuheeri bweeng'we buhoyere ohubechaanga obw'obwadyeeri bweene. Muhaye esibi, nae mwomiirire hu silai.

Amalako Kohubiri 33:4

Musa yatuberesa amalako, koti esy'engaanga muno eyiri esyaalo sya Yakobbo.

Amalako Kohubiri 5:1

Musa yalaanga Abaisiraeli boosi yaababoolera ati, “Eng'we Abaisiraeli, tekeerese, amalako neende ebilagiro bi mbaboolera enyaanga yino. Mubyeeke haandi mwehaliirise ohubyooseresaanga.

Amalako Kohubiri 5:32

Mani sakira mwehaliirise bulai muhole koti lu Omwaami Nasaae weeng'we abalagiire; ataali ohukanaakana hwoosi.