Nehemia 1:9 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁹ Nae kata katyo nimuchia ohunyala ohukobola mwiiche yiindi, munyale ohuholaanga ebyo byoosi bi mbalagira, mba njia ohubakobosa mu bweyaango bu ese mweene ndedoolera ohubechaanga yihoyere ohwiinamirwangamo, kata neende nimwahabe nimwasalaana nimwoola yi syaalo syaakama.”

EBBAIBBO EMBOOSI YA NASAAE

⁹ Nae kata katyo nimuchia ohunyala ohukobola mwiiche yiindi, munyale ohuholaanga ebyo byoosi bi mbalagira, mba njia ohubakobosa mu bweyaango bu ese mweene ndedoolera ohubechaanga yihoyere ohwiinamirwangamo, kata neende nimwahabe nimwasalaana nimwoola yi syaalo syaakama.”

Nehemia 1:9 Iomraidhean Croise

1 Abatuki 8:48

Nikali mbwe nibali mu syaalo esyo, mani beeyolobisira elalira, haandi bafunihira elalira, baanyala ohuhwekongooya nibalingaalire eyiri esyaalo sino, si ewe mweene waberesa bakuuka yeefwe, esiko sino si mweene wedoolera, haandi neende Enyuumba ya Nasaae yino yihwombahiire,

1 Abatuki 9:3

Mani Omwaami yaamuboolera ati, “Ese mbano mbuliire ohusaba hwao. Mani haandabye Enyuumba ya Nasaae yino yi woombahe ohuba abuundu yiinjia ohwiinamirwaangamo endaalo choosi pe. Njia ohusilambuulaanga, haandi neende ohusirindaanga ebiha byoosi.”

1 Ebyomubiha 16:35

Mumuboolere muti: “Tuwonie, Ewe Nasaae Omuwonia weefwe. Otubuuse alala; otutuse mu byaalo biindi, hunyale ohuhweebasaanga neende ohufumia eliita lyao lyoolerefu.

Esira 6:12

Nasaae oyo owadoola Yerusalemu ohuba abuundu ahoyeerwe ohwiinamirwaangamo ahoya yakwiisaanga buli mutuki yeesi kata sa esyaalo syoosi esiyiingania esilagiro sino mani yateemaho ohusihirisa Enyuumba ya Nasaae eyiri eyo. Ese, Dario, niise olagiire. Esilagiro syaange sihoyeerwe ohuwulirwa.”

Esabbuli 106:47

Ewe Omwaami Nasaae weefwe, tuwonie mani otubuuse alala otutuse mu byaalo biteende, hu hunyale ohuhweebasaanga haandi hufumie eliita lyao lyoolerefu.

Esabbuli 107:3

Yababuusa alala mani n'abatusa mu byaalo biingi, ohubatusa ebukwe neende emuumbo, ohutula emukulu neende emwaalo.

Esabbuli 147:2

Omwaami haandi ali ohwoombaha Yerusalemu buyaaha; abuusa alala Abaisiraeli basalaana.

Yisaaya 11:12

Omwaami yahasingisire ebyaalo ebbeendera, ohubeekesa ati ali ohubuusa alala abo abayirwa mu buboye ohutula mu Yisiraeli, haandi abuuse alala abo abasalaana ohutula mu Buyudaaya. Neende ohutula mu mbeka chine ech'esyaalo.

Yisaaya 27:12

Oludaalo olwo nilwahoole, Omwaami achia ohubuusa alala abaandu bae Abaisiraeli, ohutula hu Mwaalo Ewufuraate ohwoola hu haalo hali hu lwaaho lwa Misiri, koti lu muundu yahasereecha engaano n'atusamo omuhuuchi.

Yisaaya 56:8

Omwaami Nasaae, owabuusa alala abaandu ba Yisiraeli abali nibebwaabwa, aboola ati, “Njia ohubabuusira alala neende abaandu baandi ohumeeda hu bae abamala hale ohubuuswa.”

Yeremia 12:15

Nae niimalire ohubatusa mu syaalo syaabwe, ndahabakwiire esisa haandi. Ndahakobose buli muundu mu situundu syae neende mu syaalo syae syeene.

Yeremia 3:14

Mukobole, eng'we abaandu bataali abeesikwa, Omwaami niye oboola; Njia ohutusa mulala hu eng'we mu buli siko, neende babiri mu buli daala, mani mbaleete hu Lugulu Siyooni.

Yeremia 31:10

“Eng'we ebyaalo, wulire Emboosi y'Omwaami, mani muyilaangirire mu bisiinga by'eyale muno; muboole muti, ‘Oyo owasalaania Abaisiraeli, niye ochia ohubabuusa alala, mani abaliinde koti omwaayi oliindaanga ebyaayo byae.’

Yeremia 32:37

Bona, njia ohubuusa abaandu baange alala mbatuse mu byaalo byoosi bi ndabasalaanisiramo ninyooleere. Njia ohukobosa abaandu baange abuundu ano, mani mbalehe bamenyeo mu muleembe.

Yeremia 6:22

Omwaami aboola ati: “Bona, yiriwo abaandu bali ohwiichia nibatula mu syaalo sy'emukulu, esyaalo sihoongo esitula eyale.

Esekeeli 14:6

“Bulaanu boolera Abaisiraeli oti, Ese Omwaami Nasaae mboola endi: Mweyolobye mulehane neende ohwiinamira ebiloongaloongwe; haandi mulehane neende ohuhola eby'omusiro byeeng'we ebyo byoosi.

Esekeeli 36:24

Njia ohubabuusa alala nimbatusa mu byaalo byoosi, mbakobose mu syaalo syeeng'we syeene.

Esy'Abaleefi 26:3

“Nimumenya nimuloondakana neende amalako kaange, mani mwaawulira ebilagiro byaange,

Sekaria 8:7

Ese njia ohununula abaandu baange ohutula mu byaalo bi bairwaangamo,

Matayo 24:31

Mani achia ohutuma bamalaika bae ohuubba eturumbete neende ekono hoongo, mani babuuse alala abalobole bae ohutula mu mbeka ch'esyaalo choosi, ohutula hu lubeka lulala lw'ekulu ohwoola hu luundi.

Amalako Kohubiri 12:21

Nae abuundu yi Omwaami Nasaae weeng'we achia ohudoola ohumwiinamiramo naali eyale muno naang'we, munyala ohwiita esisolo syoosi ohutula mu ng'oombe cheeng'we oba mu byaayo byeeng'we bi Omwaami aliba n'ababereese, koti lu mbalagiire; haandi munyala ohubiliiraanga mu biko byeeng'we koti lu muba nimwekoomba.

Amalako Kohubiri 12:5

Nae mukoonyeenge abuundu yi Omwaami Nasaae weeng'we achia ohudoolamo ohutula mu nono cheeng'we choosi; eyo niyo yi baandu banaachicheenge ohwiinamira Omwaami Nasaae weeng'we.

Amalako Kohubiri 30:1

“Nae ebiindu bino byoosi, ehabi neende ebibwaabo, bi mbateere mu moni weeng'we, nibyahamale ohubakwaaho, mubiichuliseenge mu byaalo byoosi bi Omwaami Nasaae weeng'we yahabayire.