Nehemia 1:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ Ewe ndewuunje mani wuumbone ewe Omwaami waange owulire ohwekongooya hwaange, koti lu ndasabira esideete neende esiro abahalaabani bao, abaandu ba Yisiraeli. Ese ndeeyama endi efwe fweesi, abaandu ba Yisiraeli, hwonoona. Bakuuka yaange, neende ese mweene hwonoona.

EBBAIBBO EMBOOSI YA NASAAE

⁶ Ewe ndewuunje mani wuumbone ewe Omwaami waange owulire ohwekongooya hwaange, koti lu ndasabira esideete neende esiro abahalaabani bao, abaandu ba Yisiraeli. Ese ndeeyama endi efwe fweesi, abaandu ba Yisiraeli, hwonoona. Bakuuka yaange, neende ese mweene hwonoona.

Nehemia 1:6 Iomraidhean Croise

1 Abatuki 8:30

Wuliraanga esaala chaange haandi neende esaala ch'abaandu bao nibalingalaanga abuundu ano nibasaba. Mu daala lyao eliri muukulu, tuwulireenge mani otuleheraangamo.

1 Abatuki 8:47

wuliraanga esaala ch'abaandu bao abo. Nae nibali eyomu syaalo esyo beeyolobya haandi bahwekweeda, nibeefunaka koti lu baba nibali abonooni, haandi ababi, wuliraanga esaala chaabwe, Ewe Omwaami.

2 Ebyomubiha 28:10

Haandi muli ohuhola abasaacha neende abahasi ba Yerusalemu neende Yuda ohuba abawaambe beeng'we. Ewe haba soomanyireho oti ewe mweene wesi oli ohuholaanga ebyonoono mu moni w'Omwaami Nasaae wao daawe?

2 Ebyomubiha 29:6

Bakuuka yeefwe balichiingi abataali abeesikwa eyiri Omwaami, Nasaae weefwe mani baholaanga ebyamunyoolesaanga. Bamujwaang'a mani boobba emikoongo kyaabwe eyiri abuundu yi yamenya.

2 Ebyomubiha 6:40

“Bulaanu, Ewe Nasaae waange, tutingaale owulire ohusaba hu huholera abuundu ano.

Esira 10:1

Esira niyali hwaguunama yekongooye mu moni w'Enyuumba ya Nasaae, n'alira haandi niyeeyama ebyonoono bino, omukaanda omuhoongo muno okw'Abaisiraeli, abasaacha, abahasi, neende abaana, bamwebuungaho, nibalira ebilulu.

Esira 10:11

Bulaanu, eng'we mweeyolobye ebyonoono byeeng'we eyiri Omwaami, Nasaae wa bakuuka yeeng'we, mani muchaake ohuholaanga ebyo ebimusangaasa. Mwekabule mutule hu baandu bateende abamenya mu syaalo syeeng'we, haandi mweetuseho abahasi bateende.”

Nehemia 1:11

Tekeeresa bulaanu mani owulire ohwekongooya hwaange, haandi amasaayo k'abahalaabani bao baandi bosi, abo abekoomba ohuhwisaangamo oluyaali. Mberese obuyiingiri nyaanga yino, ohole omuhoongo wuno yangwiire esisa.” Mu ndaalo echo, ese ndali ni ndi omuchuhi w'efiini y'omuhoongo oyo.

Esabbuli 102:17

Omwaami achia ohuwulira esaala yaabo abali mu budahano, haba siyahalekeerese ohusaba hwaabwe.

Esabbuli 106:6

Hwonoona koti bakuuka yeefwe bonoona; hwahola ebyonoono bitahoyera.

Esabbuli 130:2

Ewe Omwaami, wulira amaliro kaange; Wulira koti lu saba obuhoonyi.

Esabbuli 32:5

Mani ndeecha ndahweyolobirisira ebyonoono byaange, haba sindahukisa ebyonoono byaange; ndaboola endi, “Njia ohweyolobya ebyonoono byaange eyiri Omwaami”; mani waandeheramo ebyonoono byaange.

Esabbuli 34:15

Omwaami aliinda abaluungifu, haandi awulira amaliro kaabwe.

Esabbuli 55:17

Engoloobe neende echuli, kata neende esideete akati, njia ohutuumbulaanga ohwekanyiirisa hwaange alala neende amaliro kaange, mani achia ohuwulira ekono lyaange.

Esabbuli 88:1

Ewe Omwaami Nasaae, omuwonia waange, ndira oludaalo lwoosi; haandi esiro njicha mu moni wao.

Yisaaya 6:5

Mani nimboola endi: “Chiinjakaanire! Olwohuba ngotere; olwohuba buli mboosi yi nomanoma haba siinjolerefu daawe, haandi ndamenya neende abaandu batalomaloma ebyoolerefu. Nae ese mbweene neende emoni chaange Omutuki, Omwaami w'Obunyala!”

Amaliro 5:7

Bakuuka yeefwe bahola bafwa hale; mani efwe huli ohusaanda hulw'ebyonoono byaabwe.

Luka 18:7

Nae Nasaae salikwiira abalobole bae, abamulirira esiro neende esideete? Mani aba achia ohuhiinda muno ohubahoonya?

Luka 2:37

mani yadoong'a koti omuhasi mufwiirwe olw'embaka y'emyaaka amahumi kataanu-na-kadatu-na-kine. Haba siyalehaho Enyuumba ya Nasaae, nae yabechaanga sa omwo nalaama, haandi nasiiba alala neende ohusaba esaala esiro neende esideete.

Abaefeso 2:3

Mu beene bano, nimwo mweefwe fweesi hwali hwamenya mu obwekoombi bw'emibiri kyeefwe, nihuloondakana neende obwekoombi bw'emibiri neende ebibaaso, mani ohweema hu byeene ebyo, mu bwiibulanwa hwali abaana b'egiili, koti sa abaandu baandi badoong'ereyo.

1 Timoteo 5:5

Omuhasi mufwiirwe owadoong'a yeeng'ene, nataaliho neende omuundu yeesi onyala ohumuliinda, aba ali koti owamala ohuta esuubi lyae lyoosi mu Nasaae mani ahoyere ohuchiiririra ohusabaanga neende ohwekwedaanga Nasaae esiro neende esideete.

2 Timoteo 1:3

Ndeebasa Nasaae yihalaabaniranga neende omwooyo mulala, koti lu bakuuka yaange bahola. Mweebasaanga buli lu hwiichulisa mu hulaama hwaange esiro neende esideete.

1 Yowaana 1:9

Nae nihweyama ebyonoono by'efwe eyiri Nasaae, achia ohwooseresa siyatusuubisa olwohuba mweesikwa haandi muluungifu. Achia ohutulehera ebyonoono byeefwe byoosi mani atulabye ohutula mu bibi byeefwe byoosi.

1 Samueli 15:11

“Ndeeyichulisa lwasiina ndahola Saulo ohuba omutuki. Akaluhaane n'andulaho haandi n'ahaya ohuwulira ebilagiro byaange.” Samueli yanyoolera muno, mani esiro syoosi yakona niyekongooya Omwaami.