Nehemia 1:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ Mani ese nindawulira bino byoosi, ndeehala aasi mani ndaalira amasika. Ohumala endaalo echiyera hooho, ese ndalira mani ndaasira ohulya ebyohulya. Ndasabaanga sa Nasaae endi,

EBBAIBBO EMBOOSI YA NASAAE

⁴ Mani ese nindawulira bino byoosi, ndeehala aasi mani ndaalira amasika. Ohumala endaalo echiyera hooho, ese ndalira mani ndaasira ohulya ebyohulya. Ndasabaanga sa Nasaae endi,

Nehemia 1:4 Iomraidhean Croise

2 Samueli 12:16

Daudi yalaama Nasaae ati omwaana oyo aone. Yoola ohuhaya ohulichaanga esiindu syoosi, haandi buli siro yachichaanga mu siseenge syae mani amala esiro syoosi niyeyaliise sa mu bweeru buhaya.

2 Abatuki 22:19

Mani weeyolobya haandi weeyisa aasi mu moni waange, notaandula engubo chao haandi noolira, niwawulira koti lu ndatiisa-tiisa ohusaandya Yerusalemu alala neende abaandu basyo boosi. Bulaanu njia ohuhola abuundu ao abe ow'amatiichasi, haandi abuundu yi baandu bachia ohwehoonyeraanga koti esibwaabo. Nae mbuliire ohusaba hwao

2 Ebyomubiha 6:13

(Solomooni yali niyahola esiduuti sy'omugasa, mani niyasita akatikaati w'olwaanyi. Syali nisiri emiita chibiri neende otutoonyese tubiri (2.2) embeka choosi, nae emiita ndala neende otutoonyese tudatu (1.3) ohuniina aakulu. Yaniina hu siduuti sino, yaasigama aasi, abuundu yi buli muundu yali naanyala ohumubona bulai, mani yaasiingisa amahono kae aakulu eyiri ekulu.)

Esira 1:2

“Sino nisyo esilagiro sya Sairasi, Omutuki wa Perisia. Omwaami, Nasaae w'Ekulu, niye owaahola ndaaba omwiimirisi w'esyaalo syoosi, haandi yamala ohuumberesa obunyala bw'ohumwoombahira Enyuumba ya Nasaae mu Yerusalemu, mu Yuda.

Esira 10:1

Esira niyali hwaguunama yekongooye mu moni w'Enyuumba ya Nasaae, n'alira haandi niyeeyama ebyonoono bino, omukaanda omuhoongo muno okw'Abaisiraeli, abasaacha, abahasi, neende abaana, bamwebuungaho, nibalira ebilulu.

Esira 9:3

Mani ese nindawulira endyo, ndetaandulaho engubo chaange neende okusinye, ndeeyiya efwiiri neende ebirefu, mani ndeehala aasi ninjotoohe mu sasaakisi.

Esira 9:5

Mani esiha nisyoola esyohuyaanayo ebiyaanwa by'engoloobe, ndasiingira ndaatula yi ndali niinjihaale niindirira, nisyefwaalire engubo chaange chitaanduuhe, ndachia mani ndaasigama endyo niisaba mani ndaaniha amahono kaange eyiri Omwaami Nasaae waange.

Nehemia 2:20

Ese naange ndakobolamo sa endi “Nasaae wo Muukulu niye ochia ohutunyalira ohuhola. Efwe huli sa abahalaabani bae, mani huchia ohuchaaka ohwoombaha sa. Nae eng'we mubulaho obunyala bwoosi hu buyiinda bwoosi obuli mu Yerusalemu daawe, haandi eng'we haba simuliho neende omukabo kwoosi mu miduunga kwasyo.”

Nehemia 2:4

Omwaami oyo haandi yateeba ati, “Siina syeene syoodaha?” Ese ndekongooyere Nasaae wo Muukulu,

Esabbuli 102:15

Ebyaalo biindi byoosi bichia ohutya eliita ly'Omwaami; abatuki boosi abohu syaalo bahatye oluyaali lwae.

Esabbuli 136:26

Mweebase Nasaae owomu kulu; olwohuba obuheeri bwae butakaama bw'endaalo choosi.

Esabbuli 137:1

Aambi neende emyaalo kya Bbabbilooni, niyo yi hweehala nihulira amasika, nihweechulisa Siyooni.

Yona 1:9

Mani Yona naababoolera ati, “Ese ndi Omuibburania; haandi nyinamira Omwaami, Nasaae wo Muukulu, owaloonga enyaanja neende eloba.”

Sefania 3:18

koti abaandu basaangalaanga nibali hu sidyaalo.” Omwaami aboola ati, “Ese malire ohumalao ohutiisa hw'esaando haandi neende ohumalao ohudiirwa esoni

Abarooma 12:15

Musangaalireenge alala neende abo abali mu sangaalo, haandi mulireenge neende abo abali ohulira.