Nehemia 1:10 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁰ “Ewe Omwaami, bano boosi bahalaabani bao, abao ewe omweene. Ewe niiwe owabanunula neende obunyala bwao bw'amaani neende amaani.

EBBAIBBO EMBOOSI YA NASAAE

¹⁰ “Ewe Omwaami, bano boosi bahalaabani bao, abao ewe omweene. Ewe niiwe owabanunula neende obunyala bwao bw'amaani neende amaani.

Nehemia 1:10 Iomraidhean Croise

Esabbuli 136:12

Yehoonyera omuhono kwae omukolole kw'amaani; olwohuba obuheeri bwae butakaama bw'endaalo choosi.

Esabbuli 74:2

Yichulisa omukaanda kwao, kuwedoolera hale muno, kuwanunula ohutula mu buhalaabani buwaambe, oti kube oluyia lwao lw'obusihirano! Yichulisa Olugulu lwa Siyooni, yi wamenyaanga.

Esabbuli 89:14

Esisaala sy'Obwaami bwao syeema hu buluungifu neende obwadyeeri. Oholera hu buheeri neende obweesikwa.

Ohutula 13:14

Mani mu biha biicha mu moni, omwaana wao naaba n'ahuteebaanga bi muholo kuno kweekesa, oba onaamukoboleengemo oti, ‘Omwaami niyehoonyera obunyala bwae bw'amaani muno, yatutusa mu Misiri, esyaalo si hwalimo koti abawaambe.

Ohutula 13:16

Mani ohuhola huti, sichia ohuba esiichuliso, koti esiindu esyeboywa hu muhono kwao oba hu bweeni bwao; sino sitwiichulisaanga siti, Omwaami oyo niye owatutusa mu Misiri neende obunyala bwae bw'amaani muno.’ ”

Ohutula 13:3

Musa yaboolera abaandu ati, “Mwiichuliseenge oludaalo luno lu mwatulira mu Misiri, esyaalo simwalimo koti abawaambe. Luno nilwo oludaalo lu Omwaami yabatusiramo neende obunyala buhoongo muno. Kubulao omugaati mubbaahe kwoosi okucha ohuliibwaanga.

Ohutula 13:9

Ohuhola muti, sichia ohuba esiichuliso, koti esiindu si waboya hu muhono, oba mu bweeni bwao; sichia ohubeechulisaanga ohutuumbulaanga mu mboosi, haandi neende ohwehaliirisaanga amalako k'Omwaami mandiike, olwohuba Omwaami oyo niye owabatusa mu Misiri niyehoonyera obunyala bwae bw'amaani muno.

Ohutula 15:13

Ewe omweesikwa mweene mu byosuubisa, wanyala ohwiimirira abaandu bawali noomalire ohununula; ewe omweene neende amaani kao, wabagooba waboosa hu loba lyao lyoolerefu.

Ohutula 32:11

Kata katyo Musa nae yachaaka sa ohwekweeda Omwaami Nasaae wae n'aboola ati, “Omwaami, lwasiina onyoolerera abaandu bao sa obwakiire ao, abaandu ba ewe omweene wanunula sa mu Misiri, niwehoonyera obunyala buungi butyo, haandi neende amaani kao kakiire ao katyo?

Ohutula 6:1

Omwaami yaboolera Musa ati, “Bulaanu, ochia ohubona esiindu siinjia ohuhola omutuki oyo. Njia ohumuyiika alehuule abaandu baange bechiire. Mubwadyeeri bweene, njia ohumuyiika omweene yoole ohubabirikisa n'abatusa mu syaalo syae.”

Ohutula 6:6

Chia oboolere Abaisiraeli oti ndi ohubaboolera endi, ‘Ese niise Omwaami; Mani njia ohubanunula haandi male mbaboolole ohutula hu buwaambe bweeng'we eyiri Abamisiri. Njia ohusiingisa omuhono kwaange kuhiramo amaani, mani kuleete ebinyaaso bilulu muno eyiri Abamisiri, mani mbaonie.

Ohutula 6:7

Njia ohubahola mube abaandu baange beene, naange njia ohuba Nasaae weeng'we. Ao niwo yi muchia ohuumanyira muti hane niise Omwaami, Nasaae weeng'we niinjia ohubaboolola mbatuse mu buwaambe bwoomu Misiri.

Yisaaya 64:9

Mani Ewe Omwaami, otatunyoolerera muno daawe, haandi otatwoolobya hulw'ebyonoono byeefwe endaalo choosi. Efwe fweesi koti lu otubona, huli abaandu bao.

Amalako Kohubiri 15:15

Mwiichuliseenge muti mwesi mwaliho abawaambe mu syaalo sya Misiri, mani Omwaami Nasaae weeng'we yabanunula; sakira mbalagira sino enyaanga yino.

Amalako Kohubiri 9:29

Olwohuba abaandu bano baandu bao nibo haandi bao beene, ba watusa mu Misiri neende obunyala bwao buungi neende amaani kao.’ ”