Mika 4:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Omwaami achia ohuheengera ebyaalo emisaango, haandi achia ohukaya obusoolo akatikaati w'abaandu baangi. Embaanga chi babeere nibehoonyera ohwiitanira, bachia ohuchitaanya chibe embako ch'ohulimira, haandi amafumo kaabwe bachia ohukretaanya kabe engeso. Mani sibulao esyaalo syahayuule ebilwaaniso ohuseeta esyaalo siindi, haandi haba siyahabeeo ohweeka eby'amaye daawe.

EBBAIBBO EMBOOSI YA NASAAE

³ Omwaami achia ohuheengera ebyaalo emisaango, haandi achia ohukaya obusoolo akatikaati w'abaandu baangi. Embaanga chi babeere nibehoonyera ohwiitanira, bachia ohuchitaanya chibe embako ch'ohulimira, haandi amafumo kaabwe bachia ohukretaanya kabe engeso. Mani sibulao esyaalo syahayuule ebilwaaniso ohuseeta esyaalo siindi, haandi haba siyahabeeo ohweeka eby'amaye daawe.

Mika 4:3 Iomraidhean Croise

Esabbuli 46:10

“Mulehere ao ohulwaana, mani mumanye muti niise Nasaae. Fumisibwa mu byaalo byoosi, fumisibwa mu syaalo!”

Esabbuli 46:9

Akera amaye kawaao ohutula hu syaalo; afunaka obuyiingo, haandi yakodia efumo, mani yahubula omuliro hu ngabo.

Esabbuli 72:3

Leha engulu chinyale ohubaaho obuyiinda bw'abaandu, haandi ebigulu byosi neende obuluungifu!

Esabbuli 72:7

Mu ndaalo chae, obuluungifu buhoya bwabaao mu buungi, haandi omuleembe kwosi kwaabaao, ohwoolera elalira lu mwoosi kuliweerao!

Esabbuli 82:8

Siingira Ewe Nasaae, yiichia oheengere esyaalo omusaango; olwohuba ebyaalo byoosi byao nibyo!

Esabbuli 96:13

olwohuba Omwaami ali ohwiichia ohutuka esyaalo. Achia ohuheengera esyaalo omusaango. Achia ohuheenga omusaango mubwadyeeri haandi ataali ohwehubbira daawe.

Esabbuli 98:9

mu moni w'Omwaami, olwohuba yeechia ohuheengera esyaalo omusaango. Omwaami achia ohuheengera esyaalo omusaango mu buluungifu, yahaheengere abaandu omusaango mubwadyeeri.

Yisaaya 2:4

Omwaami achia ohuheengera ebyaalo emisaango, haandi achia ohukaya obusoolo akatikaati w'abaandu. Engaanga chi babeere nibehoonyeraanga ohwiitanira, bachia ohuchiitaanya chibe embako chohulimira emikuunda, haandi amafumo kaabwe bachia ohukaholaanga kabe engeso chikesa eekesa. Mani sibulao esyaalo syahadiira ebilwaaniso ohuseeta esyaalo siindi daawe, haandi haba siyahabeeo ohweeka eby'amaye daawe.

Yisaaya 25:3

Mani abaandu b'amaani bachia ohuhwiisamo oluyaali; haandi ebiko by'ebyaalo byaalaba bichia ohuhutichaanga.

Yisaaya 51:5

Njia ohwiicha bwaangu muno ohubanunula, ebiha by'ohuyiingiri hwaange bisudire aambi. Ese Omweene Niise ochia ohutuka abaandu baange. Ebyaalo by'eyale biniindire njiche, mani biniindire neende esuubi ohubiwonia.

Yisaaya 60:12

Olwohuba esyaalo neende obwaami ebyahahae ohuhuhalaabanira byahasihiriswe. Ebyaalo ebyo byahasihirisirwe elalira.

Yisaaya 65:25

Aarara neende amakoondi madoto, byahalireenge alala. Edalang'i yahaaye obunyaasi koti eng'oombe; haandi olufu nilwo olwahabecheenge ebyohulya by'endemo. Hu ngulu chaange njoolerefu choosi, haba sihwahabecheengeho ebidinyu kata sa ohusihirira, Omwaami nilwo lu aboolere.”

Yisaaya 9:7

Ohwemeeda hw'obutuki bwae neende omuleembe ku yahaleete haba sibyahabeeho enjakamo. Yaheehale hu sisaala sy'obutuki sya Daudi, haandi yaatuka obwaami bwae, ohubutaao, neende ohubwomiisa hu bwadyeeri neende obuluungifu ohutula lu yahachaake ohutuka endaalo choosi. Omwaami w'Obunyala niye ochia ohuhola bino byoosi.

Hosea 2:18

Mu siha esyo syeene, nimwo muunjia ohuholeramo Endagaano neende ebisolo biteende byoosi, neende amayoni, hu bihaye ohunyaalaangaho abaandu baange. Ese haandi njia ohumalao ebilwaaniso by'ebiita byoosi bitule mu syaalo muno, engaanga choosi alala neende obuyiingo, mani ndehe abaandu baange boong'ene nibo ababa bamenyemo neende omuleembe neende obuliindi bulai.

Hosea 2:20

Ese njia ohwooseresa ebisuubise byaange, haandi huhole obe owaange, mani ao niwo yi ewe oba ochia ohuumanyira koti Omwaami.

Yoeli 3:2

Njia ohubuusa alala ebyaalo byoosi mani mbiihirise mu hooho lya Yehosafati, mani nibali eyo, ndahabaheengere omusaango hulw'ebiindu byoosi bi bahola abaandu baange, Abaisiraeli. Olwohuba babasalaania mu byaalo, mani nibakabanamo esyaalo syaange sya Yisiraeli.

Mika 5:15

Mu tima lyaange neende mu bwaalaba bwaange, njia ohwetuunga hu byaalo bitaambulira byoosi.

Sekaria 14:3

Ao niwo yi Omwaami achia ohutulira erwaanyi mani achaake ohulwaania ebyaalo biindi ebyo koti lu yali ni yabilwaaniaho hale.

Sekaria 8:20

Omwaami w'Obunyala aboola ati, “Esiha sichia ohwoola, si baandu ohutula mu biko bihunuufu bachia ohweyunaanga nibeecha mu Yerusalemu.

Sekaria 9:10

Omwaami aboola ati, “Ese njia ohutusa ebigaari bilwaana ebiita mu Yisiraeli yoosi haandi mbukule efaraasi choosi njituse mu Yerusalemu; obuyiingo bwehoonyerwaanga mu biita buchia ohunyaaswa. Omutuki weeng'we niye ochia ohuleetaangao omuleembe mu byaalo bikabuhaane; achia ohutuka ohutulira elalira hu nyaanja ndala ohwoolera elalira hu nyaanja yiindi, ohutulira elalira hu Mwaalo kwa Ewufuraate ohwoolera elalira yi syaalo syaakama.”

Ebiholwa 17:31

olwohuba yamala ohuchwichwiisa oludaalo lu yahaheengereho esyaalo omusaango mu buluungifu niyehoonyera omuundu yiyamala ohutaawo, haandi sino yamala ohusyomiisa eyiri abaandu boosi niyehoonyera ohumusyuusa ohutula mu bafu.”

Ohubwiihulirwa 19:11

Bulaanu ndaabona Ekulu niliikuuheo, mani ao ndaabona efaraasi ndafu. Omwiirusi wayo alaangwa Omweesikwa haandi Owadyeeri. Yehoonyera obwadyeeri mu hukaya emisaango, haandi neende mu hulwaana amaye kae.

1 Samueli 2:10

Abasuku b'Omwaami bachia ohusihirira; achia ohubaaduluhiraho n'ali muukulu. Omwaami niye ochia ohuheengera esyaalo syoosi omusaango; niye ochia ohuberesa omutuki amaani, haandi niye okera omutuki yi yadoola yayiingira.”