Luka 2:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ Mani Yosefu yesi yatula mu Galilaaya, mu siko sya Nasareeti, yacha Yudea, mu siko sya Daudi, esilaangwa siti Bbetilehemu, olwohuba yali ow'enyuumba haandi ow'olwiibulo lwa Daudi,

EBBAIBBO EMBOOSI YA NASAAE

⁴ Mani Yosefu yesi yatula mu Galilaaya, mu siko sya Nasareeti, yacha Yudea, mu siko sya Daudi, esilaangwa siti Bbetilehemu, olwohuba yali ow'enyuumba haandi ow'olwiibulo lwa Daudi,

Luka 2:4 Iomraidhean Croise

Ohuchaaka 35:19

Rakeeli yafwa, mani nibamusiiha hu ngira yicha Ewufuraati (oba Bbetilehemu).

Ohuchaaka 48:7

Olwohuba nindali niindula Padani, Rakeeli maakoo yafwiira hu ngira, nisisiiri ohwoola Ewufuraati; mani nimusiiha hu ngira yichia Ewufuraati (niyo, Bbetilehemu). Sino syanjunia muno omwooyo.”

Mika 5:2

Omwaami aboola ati: Nae ewe, Bbetilehemu Efuraati, niiwe ohiramo obudiidi mu nono chia Yuda. Nae omutuki wa Yisiraeli achia ohutula mu ewe, oyo yi huchaaka hwae hwaliwo ohutula hale, ohutula mu ndaalo cha hale muno.

Matayo 1:20

Nae niyali nasibaasa atyo, malaika w'Omwaami yaamubonehera mu silooto yaamuboolera ati, “Yosefu mwaana wa Daudi, otatya ohubukula Maria yaaba omuhasi wao. Olwohuba enda eyo haba siyomusaacha daawe. Yayinyoola hulw'obunyala bwa Mwooyo Mwoolerefu.

Matayo 2:23

nae niyoola eyo, yamenya mu siko silaangwa siti, Nasareeti. Ao nilwo lu bi banabbi balomaloma byoolerera biti, “Yahalaangwe Omunasareti.”

Luka 2:3

Mani buli muundu yeesi yacha ohubalibwa, mu siko syae.

Luka 2:5

ohuchia ohubalibwa neende Maria, yi yali afukiirisaanie nae ohudeehisania. Maria oyo yali ali asito.

Luka 4:16

Yesu yoola e Nasareeti, yi yali yahusirwa; mani yaacha mu sinagoogi, koti lu yali yanala ohuholaanga, hu ludaalo lwa Sabbaato. Mani yeecha yaasiingira ohusoma;

Yowaana 1:46

Natanaeli yamuboolera ati, “Mani siliwo esiindu silai syoosi esinyala ohutula Nasareeti?” Nae Filipo yamuboolera ati, “Ewe yiicha obone.”

Yowaana 7:42

Ebyandiiko byoolerefu sibiboola biti Kristo achia ohutula mulwiibulo lwa Daudi, haandi atule Bbetilehemu, esiko si Daudi yalimo?”

Ruusi 1:19

Mani bemeeda ohukeenda ohwoola lu boola mu Bbetilehemu. Mani niboola, esiko syoosi syesiinduha, mani abahasi abali mu bweene omwo bachaaka ohuuka nibaboola bati, “Bwadyeeri nibwo mbwe wuno niye Naomi mweene?”

Ruusi 2:4

Mani luunyuma hooho, Bboasi mweene yeecha yoola ao naatula mu Bbetilehemu, mani naheesa abapakasi abo. Yabaheesa ati, “Omwaami abe naang'we!” Nabo baamukobolamo bati, “Omwaami ahuberese omukisa!”

Ruusi 4:11

Mani abeemirisi abo alala neende abaandu baandi baliwo baboola bati, “Eee, efwe huli abaloli. Omwaami ahoya yaahola omuhasi wao oyo yaaba koti Rakeeli neende Leya, abeebulira Yakobbo abaana abaangi muno. Ewe wesi ohoya weehola omuyinda mu nono ya Efuraimu, haandi waamanyihana mu Bbetilehemu ayakiire.

Ruusi 4:17

Abahasi bali nibabasibirana beecha mani baakuliha omwaana oyo bati, Obbedi. Bachia baabooleraanga buli muundu bati, “Eng'we, Naomi yebuule omwaana musyaani!” Mani Obbedi oyo niye owaba laatang'ene Yese, owali laatang'ene Daudi.

1 Samueli 16:1

Omwaami yaboolera Samueli ati, “Wahachuunirwe Saulo ohwoola liina? Ese ndamala hale ohumujwaang'a ohuba omutuki wa Yisiraeli. Nae bulaanu, bukula amafuta ka olifa mani ochie Bbetilehemu, eyiri omusaacha olwaangwa Yese, olwohuba ndoolere mulala hu baana bae ohuba omutuki.”

1 Samueli 16:4

Samueli yahola esyo si Omwaami yamuboleere ohuhola mani n'achia Bbetilehemu. Abeemirisi b'esiko bamubukaanira nibateengereha mani nibateeba bati, “Ewe omuboni, wiichire huno olw'omuleembe kose?”

1 Samueli 17:12

Daudi yali omwaana wa Yese Omuwefuraate ohutula Bbetilehemu mu Buyudaaya. Yese yali neende abaana basyaani bataanu-na-badatu. Mu biha bi Saulo yali omutuki, Yese yali n'akofuule muno.

1 Samueli 17:58

Saulo yamuteeba ati, “Omuraaga ewe, oli omwaana wa naanu?” Daudi yakobolamo ati, “Ndi omwaana wa Yese omuhalaabani wao, ohutula Bbetilehemu.”

1 Samueli 20:6

Lataao naamanya ati haba siindiwo, muboolere oti: “Daudi yandekongooyere mulehe achie Bbetilehemu, olwohuba abomu daala lyaabwe boosi bachia ohuyaana esiyaanwa si bayanaanga buli mwaaka.