Luka 1:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² haandi koti abo abataangira ohweboneraho abeene, mani bahalaabanira emboosi eyo batudiisa,

EBBAIBBO EMBOOSI YA NASAAE

² haandi koti abo abataangira ohweboneraho abeene, mani bahalaabanira emboosi eyo batudiisa,

Luka 1:2 Iomraidhean Croise

Mariko 1:1

Chino nicho Emboosi Ndai chilomaloma hu Yesu Kristo, Omwaana wa Nasaae.

Mariko 16:20

Nae abeeki bae, bachia mani baayaala Emboosi Ndai buli abuundu, nae Omwaami yaholera alala nabo, niyomiisa emboosi chaabwe neende ebilolero bisiira emboosi echo. Amiina.] [ 9 Abahasi baacha eyiri Petero neende eyiri abeecha bae bababoolera mu bwiimbikiti ebyo byoosi bi bababoolera. 10 Ebyo nibyawa, Yesu mweene yatuma abeeki ohuchia ebukwe neende emuumbo ohubayirira emboosi njoolerefu haandi ey'endaalo choosi ey'obulamu butaakama.]

Mariko 4:14

Omuwaanyi w'emwo niye owaanya emboosi ya Nasaae.

Luka 24:48

Niing'we abaloli b'ebiindu bino.

Yowaana 15:27

Haandi eng'we mwesi muli abaloli baange, olwohuba mubeere naange ohutula hu njaako.

Yowaana 16:4

Nae ebyo mbabooleere, hu bulaanu esiha syabyo nisyahoole, munyale ohwiichulisa muti ndamala ohubibaboolera. “Bino haba sindababooleraho muhuchaaka, olwohuba ndali siisiiri naang'we.

Ebiholwa 1:3

Yesu yeyekesa eyiri abatume mu ngeri nyiingi koti lu yali omulamu, n'amalire ohusaandisibwa neende ohufwa haandi mu mbaka y'endaalo amahumi kane, yababonehera naalomaloma hu Bwaami bwa Nasaae.

Ebiholwa 1:8

Nae muchia ohunyoola amaani Mwooyo Mwoolerefu n'amalire ohubeehaho; muchia ohuba abaloli baange mu Yerusalemu neende mu Yudea mwoosi, neende Samaria, neende ohwoola yi syaalo syaakamira.”

Ebiholwa 14:25

Nibaba nibamalire ohuyaala emboosi ya Nasaae mu Periga, beeha baachia mu Atalia;

Ebiholwa 16:6

Babita mu situundu sy'esyaalo esyo esilaangwa siti Firigia haandi neende mu Galatia, nibamalire ohukaanisibwa neende Mwooyo Mwoolerefu obutalomalomaho emboosi yoosi nibali mu Asia.

Ebiholwa 17:11

Nae bulaanu, Abayudaaya bano bali abawulisi ohuhiraho abo abali mu Tesalonika, olwohuba bano baakaanira bulai emboosi neende ohudaha ohuhoongo muno, nibewuunja nibakeraania bulai ebyandiiko byoolerefu buli ludaalo, ohubona ebiindu bino nibyali nibiri bityo.

Ebiholwa 26:16

Kata katyo, ewe siingira weeme hu makulu kao; olwohuba ese huboneheere hulw'esifune sino siti, ohuhudoola ochie wuhalaabanire, haandi otuse obuloli bw'ebiindu bi wamala ohuumbonamo, neende ebyomu bi njia ohuhuboneheraangamo,

Ebiholwa 4:20

Olwohuba efwe huli neende ohulomaloma bi hwabona neende bi hwaulira.”

Ebiholwa 8:4

Nae bulaanu, abaandu bali niberuuhe nibasalaanire bachaaka ohukeendanaanga nibayaala Emboosi eyo.

Abarooma 15:16

ey'ohuba omuhalaabani wa Kristo Yesu ohuholera Abateende. Halaabana koti omulaamisi ninjaala Emboosi Ndai eyitula eyiri Nasaae hu Abateende banyale ohuba esiyaanwa sifukiirirwa eyiri Nasaae, esimubeereswa neende Mwooyo Mwoolerefu.

1 Abakoriito 4:1

Yino niyo engeri yi muundu yeesi ahoyere ohubaasiramo: Huli abahalaabani ba Kristo, haandi ababiihi b'ebyaama bya Nasaae.

Abaibburania 2:3

Bulaanu huba huchia ohweewonia hutye, nihulekeeresa obuwonia buhunuufu buno? Omwaami mweene niye owataangira ohulaangirira obuwonia buno, haandi abo abamuwulira batwomiisira bati bwadyeeri nibwo.

1 Petero 5:1

Bulaanu koti ese syeesi ndi omwaayi muhuluundu w'omukaanda kw'abafukiiriri, haandi koti omuundu owabona ohusaanda hu Kristo yali nahwo, haandi koti omuundu yeesi ochia ohukabana hu luyaali luchia ohuboneha, hubbira omulaanga eyiri abeemeresi b'emikaanda ch'abafukiiriri abali mweeng'we.

2 Petero 1:16

Efwe ababeekesa obunyala bw'Omwaami Yesu Kristo neende ohwiichia hwae, haba sihweema hu ngano chi hwataao sa, nae oluyaali lwae hwalubonera elalira neende emoni cheefwe.