Hosea 8:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Ese ndasyuula esurusi y'esaabbu yiinamirwaanga neende abaandu bomu siko sya Samaria. Ese etima liinjita bwiita hulwaabwe. Byahoole liina, hu abo beemao boole ohwekaana ohwiinamiraanga ebiloongaloongwe ebyo?

EBBAIBBO EMBOOSI YA NASAAE

⁵ Ese ndasyuula esurusi y'esaabbu yiinamirwaanga neende abaandu bomu siko sya Samaria. Ese etima liinjita bwiita hulwaabwe. Byahoole liina, hu abo beemao boole ohwekaana ohwiinamiraanga ebiloongaloongwe ebyo?

Hosea 8:5 Iomraidhean Croise

2 Ebyomubiha 13:8

Bulaanu ewe heengao ohulwaania ohuyiingania obunyala bw'obwaami bu Omwaami yaberesa abeechuhulu ba Daudi. Ewe mbano oli neende eye bitiirifu, haandi oli neende esurusi njere ch'esaabbu chi Yerobboamu yeetanya ohubeechaanga banasaae bao.

Esabbuli 19:13

Haandi wonia omuhalaabani wao mu bibi byekoombwa byosi; otakanya byaanduka! Mani njia ohubulaho omusaango, haye ohuhola esyonoono sihoongo.

Engaado 1:22

“Eng'we abataali neende amakesi, mwahaake yeena ohudaha obutamanya? Nae abalekeeresi bahaake yeena ohusaangaliraanga mu bulekeeresi bwaabwe neende abasiru ohusyuulaanga ohumanya?

Yisaaya 45:20

Omwaami aboola ati, “Abeene mwebuuse mani mwiiche yi ndi, musude mweesi alala, eng'we abaonereo ab'ebyaalo biindi. Abaandu bakeenda nibakiingire ebiloongaloongwe byaabwe by'emisaala, haandi abekongooya nasaae otanyala ohuwonia, nibo abo abataalimo amakesi.

Yeremia 13:27

Ese mweene mbweene eby'omusiro bi muhola. Mbweene koti lu muchia ohwiinamira banasaae, mani mwaaba koti bamalaaya neende abacheke. Koti lu mwabeenamiraanga hu bigulu byomu siino. Chibaakaanire, Eng'we abomu Yerusalemu! Mwahoole yeena nimusisiiri ohuba aboolerefu?”

Yeremia 4:14

Ewe Yerusalemu, yosa omwooyo kwao, kuweemo ebyonoono, mani owone. Wahaake yeena ohubaasa ebibaaso bibi?

Yeremia 48:13

Abamoabbu bahadiirwe esoni hulwa Kemosi, nasaae waabwe; koti lu Abaisiraeli badiirwa esoni hulwa Bbeteli, yibali nibeesika muno.

Hosea 10:5

Abaandu bamenya mu siko sya Samaria bachia ohutichaanga haandi bachia ohuliraanga ohufwiirwa hw'esurusi y'esaabbu eyali mu Bbetafeeni. Abaandu basyo bahasirire haandi abalaamisi abahalaabanira esifwaanani bahasirire, oluyaali lwasyo nilusimalirweho.

Hosea 10:8

Esiyeembeho siri aakulu hu sigulu sy'Afeeni, yi baandu ba Yisiraeli beenamiraangayo ebiloongaloongwe, yichia ohunyaaswa. Amawa neende ebimera biindi bichia ohuhulira hu alutaari chaabwe echio. Abaandu bachia ohulangaanga engulu bati, “Eng'we mwiiche mutukise!” haandi neende ebigulu bati, “Eng'we mwiiche mutufuuniheho!”

Hosea 13:2

Bachia ohwemedaanga sa nibonoona, mu hwitaanyaanga ebiloongaloongwe by'ebichuma ohwiinamiraanga ebiloongaloongwe eby'efeesa, ebibaaswa sa neende ebibaaso by'abaandu, haandi ebiholwa sa neende amahono k'abaandu. Mani beecha babolaanga mbwe bati, “Yaneenge ebiyaanwa eyiri ebyeene ebyo!” Omuundu anyala atye ohukwa mu sirifu sy'ebiloongaloongwe ebyo ebifwaanana neende esurusi!

Hosea 8:6

Omuisiraeli mubaachi ngaandi niye owahola ebiloongaloongwe ebyo, nae haba si nasaae niye kata nabudiidi! Esurusi yinamirwaanga mu Samaria yichia ohusaasakulwamo ebituundu-tuundu!

Amosi 8:14

Abo abeechuba eyiri nasaae Asima wa Samaria, mani nibaboola bati: ‘Ewe, Daani, koti nasaae wao ali omulamu,’ haandi bati, ‘Koti engira ya Bberisebba yisisiiriwo,’ bahakwe, mani baahaya ohusiingira haandi.”

Mika 1:7

Ebiloongaloongwe bilai byasyo byoosi byahanyoonyobolwe mani byaasihiriswa; haandi ebiindu byasyo bisyanyoola byahasaambwe neende omuliro, mani ebiloongaloongwe byasyo byoosi bisihiriswe. Olwohuba byabinyoola ohuba mu mukabo kubereswa abahasi bacheke basyo. Mani byahabuuswe biyirwe abuundu waandi bibe koti omukabo kubaberesa abahasi bacheke.”

Ebiholwa 7:41

Bahola esiloongaloongwe sifwaana koti esurusi mu ndaalo echo, mani beemao bachaaka ohutusira esilongaloongwe esyo ebiyaanwa, haandi bamala bachaaka ohwehoyera emirimo ky'amahono kaabwe echo.

Amalako Kohubiri 32:22

Olwohuba etima lyaange lyaaduha koti omuliro, mani lisaamba ohwoolera elalira aasi w'Emakoombe, ohusihirisa esyaalo neende buli siindu si siriho, mani lyaadusa omuliro hu bwaalo bw'engulu.