Hosea 8:10 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁰ Nae bulaanu, ese njia ohubabuusa alala, mani male mbasaandie. Mu siha esidiidi muno, bachia ohuba nibali ohwekonioleraanga mubuchuuni, omutuki muloobera w'Asiiria naanaba naabafwiinyirira.

EBBAIBBO EMBOOSI YA NASAAE

¹⁰ Nae bulaanu, ese njia ohubabuusa alala, mani male mbasaandie. Mu siha esidiidi muno, bachia ohuba nibali ohwekonioleraanga mubuchuuni, omutuki muloobera w'Asiiria naanaba naabafwiinyirira.

Hosea 8:10 Iomraidhean Croise

2 Abatuki 14:26

Olwohuba Omwaami yali naabweene ohusaanda hw'Abaisiraeli ohwali ohubi muno ohwo. Olwohuba yabulahoo omuundu kata mulala owubahoonya.

2 Abatuki 17:3

Salimanesa, omutuki wa Asiria yaseeta Hosea ohumulwaania. Yayiingira Hosea, mani yaamuhola yaachaaka ohumutoosaanga omusolo.

2 Abatuki 17:4

Nae omutuki wa Asiria niyafuumbula ati Hosea achia ohumulyaamo olukwe; olwohuba Hosea yali naatumire bawamwaanda eyiri So, omutuki wa Misiri, mani niyaakama ohutooyaanga omusolo eyiri omutuki wa Asiria koti lu yali naaholaanga buli mwaaka; sakira omutuki wa Asiria yamudiira yaamwiikalira mu jeela.

1 Ebyomubiha 5:26

Mani Nasaae naahola Puli omutuki wa Asiria, eliita ly'eliindi nilyo Tigilati-Pileseeri, ohuseeta esyaalo syaabwe. Yayira mu buwaambe enono cha Rubbeeni, Gaadi, neende Manaase ch'ebukwe mani nibamenya endaalo choosi mu Hala, Habbori, neende Hara, haandi neende hu lwaasi lw'Omwaalo kwa Gosani.

Yisaaya 10:8

olwohuba omutuki w'Asiiria yehuduumbasa n'aboola ati, “Abeemerera amaye kaange nabwaami nibo.

Yisaaya 30:2

Abo abachia Misiri ohusaba obuhoonyi, nibatandeteebereho. Beesikire amaani ka Misiri, bachiire eyiri omutuki wa Misiri ohusaba abaliinde.

Yisaaya 36:13

Mani Rabbusake n'asiingira niyeema mani nahuumulira mu kono ly'aakulu mu lulimi Luyiibburania ati: “Wulire omutuki muhuluundu, omutuki wa Asiria by'aboola!

Yeremia 42:2

baaboolera Yeremia omunabbi bati: “Leha amaliro keefwe koole yooli, mani osabe Omwaami, Nasaae wao. Sabira abaandu bano boosi abadoong'ao (olwohuba efwe abalichiingi abaangi, hudoong'ereo abadiidi muno, koti lu mweene obona).

Esekeeli 16:33

Abasaacha nibo ababeresaanga abahasi bacheke ebiyaanwa hu bakona nabo; nae ewe, niiwe obereese abasaacha bahudaha ebiyaanwa, noobakulirira hulw'obucheke bwao beeche yooli nibatula hu buli lwaande.

Esekeeli 16:37

Mani sakira, bona, njia ohubuusa alala abaandu bawadaha boosi, ba wasaangaalira alala nabo, alala neende abo boosi ba wasyuula. Njia ohuhufwaalulamo engubo chao mani babone esyeekenye syao syoosi.

Esekeeli 22:20

Koti lu baandu bahabuusa alala ebikina-kina birimo efeesa, oba omugasa, oba ebichuma, oba ebbaati mani baabita mu tanuuru, mani babibwaanaho omuliro kubisaanguluse; nilwo lu syesi njia ohubabuusa, ninjichuule etima neende obwaalaba bwaange, mani mbasaangulusire mu tanuuru lyaange.

Esekeeli 23:5

“Ohola n'asisiiri omuhasi waange, yemeeda ohuholaanga obucheke mani niyeechula obwekoombi eyiri Abasiria abeecha bae.

Esekeeli 26:7

Olwohuba Omwaami Nasaae aboola ati: “Bona, njia ohuleeta Nebukadineesa, omutuki wa Bbabbilooni, omutuki ahira abatuki boosi amaani, yeechie aseete Tiiro. Yahatule emukulu, yeechie neende eye hoongo muno, yeechie neende efaraasi neende ebigaari, neende abeerusi b'efaraasi.

Hosea 10:10

Ese mweene njia ochia ohuseeta abaandu bonooni bano, mani male mbasaandie. Ebyaalo bichia ohubeehuung'aanira alala, mani bachia ohusaandisibwa hulw'ebibi byaabwe biingi ebyo.

Hosea 12:2

Omwaami ali neende ohwekanyiirisa hwaleeta hu baandu ba Yuda; haandi achia ohusaandya Yisiraeli hulw'engira yi baandu bae beehola. Achia ohubatuunga ebiindu bi bahola.

Hagai 2:6

Olwohuba Omwaami w'Obunyala aboola ati: Sidoong'ere esiha sidiidi muno, mani ndengaanie ekulu neende esyaalo, neende enyaanja neende abuundu woomu.