Hosea 8:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Omwaami aboola ati, “Lisa esing'ora! Abasuku mbao bali ohwiihirira ohwoola hu loba lyaange koti eeswi! Abaandu baange bamalire ohuhalaka Endagaano yi ndahola nabo, haandi bamalire ohujeemera enjekesa yaange.

EBBAIBBO EMBOOSI YA NASAAE

¹ Omwaami aboola ati, “Lisa esing'ora! Abasuku mbao bali ohwiihirira ohwoola hu loba lyaange koti eeswi! Abaandu baange bamalire ohuhalaka Endagaano yi ndahola nabo, haandi bamalire ohujeemera enjekesa yaange.

Hosea 8:1 Iomraidhean Croise

2 Abatuki 18:27

Nae Rabbusake yababoolera ati, “Mubaasa muti omwaami waange yaandumire ohulomaloma emboosi chino neende omwaami weeng'we alala neende eng'we mweeng'ene? Nae haba si yaandumire ohuboolera emboosi chino neende abasaacha baandi beehaale hu sida abo bosi, abanoole ohulya obunyaka bwaabwe bweene neende ohung'wa amaanyi kaabwe keene?”

Yisaaya 18:3

“Tekeerese, eng'we abaandu bamenya hu syaalo, abaandu bali hu syaalo syoosi, nimubona ebbeendera niyisiingisiirwe hu ngulu, tingaaleenge! Eturumbete niyihubbwa, wulireenge!”

Yisaaya 24:5

Abaandu banyaasire esyaalo; olwohuba bafunaake amalako k'Omwaami, haandi haba sibooseresa by'alagira, mani bafunaake endagaano yae eyitaakama.

Yisaaya 58:1

Omwaami aboola ati: “Yayuhira mu kono ly'aakulu koti lu onyala. Siingisa ekono lyao koti eturumbete; oboolere abaandu baange ebyonoono byaabwe, weekese ab'enyuumba ya Yakobbo ebyonoono byaabwe.”

Yeremia 31:32

Endagaano yino haba siyahabe koti endagaano yi ndahola neende bakuuka yaabwe, lu ndabadiirira emihono, niimbatusa mu syaalo sya Misiri. Kata andahaba nindali koti omusaacha waabwe, haba sibaliindaho Endagaano eyo.

Yeremia 34:18

Abaandu bahalaka Endagaano yaange, haandi baahaya ohudiira amalako k'endagaano yi ndahola nabo, nibabita akatikaati w'ebituundu bibiri byaakanirira by'esurusi.

Yeremia 4:13

Bone, omusuku wao nguyo yeecha koti esireesi, ebigaari byae biri koti esiifuusye; efaraasi chae chiiruha muno ohuhiraho eeswi. Chitwakaanire, olwohuba husihiriire!

Yeremia 4:5

Mulaangirire mu Buyudaaya neende mu Yerusalemu, nimuboola muti: “Muhubbe eturumbete mu syaalo; musiingise ekono mani muboole muti, Mwebuuse alala, hwiingire mu biko byasitwa.

Yeremia 48:40

Omwaami aboola ati: “Bone, esyaalo siseeta Moabbu koti eeswi yibburuha bwaangu, niyibambuule embaya chayo;

Yeremia 49:22

Bone, omusuku yahaseete Bbosura koti eeswi, niyibaambuule embaya chalyo. Hu ludaalo olwo, abasikaari b'amaani ba Edomu bahatye koti omuhasi olumwa engasi.”

Yeremia 51:27

“Yanihe ebbeendera hu syaalo, hubbe eturumbete mu byaalo, tekehe ebyaalo ohulwaania Bbabbilooni. Laange obwaami bwa Araraati, Mini neende Asikenaasi, ohuseeta Bbabbilooni. Doole omuhoongo oneemirire ohusiseeta. Leete efaraasi nyiingi koti ebidiiyiha by'esike.

Yeremia 6:1

Eng'we abeechuhulu ba Bbenjamini, mwiiruhe mweewonie. Mutule mu Yerusalemu. Muubbire eturumbete mu Tekoa. Musiingise ahalolero hu Bbetihakereemu; olwohuba esyonoono neende ohusihirira hw'amaani biicha nibitulira emukulu.

Esekeeli 11:4

Mani sakira, Ewe omwaana w'omuundu laangirira, laangirira nobanyeka.”

Esekeeli 16:59

Eee, Omwaami Nasaae aboola ati: “Njia ohuhuyira koti lu ohoyera, ohulekeeresa esyo siweyama ohuhola, mani noofunaka endagaano.

Esekeeli 17:3

lehe bamanye bi Ese Omwaami Nasaae mboola: Eeswi hoongo muno, eyiri neende embaya hoongo muno, neende amooya maleeyi ak'eraangi nyiingi, yeechia hu bigulu bya Lebbanooni, mani niyakulaho esaga ly'aakulu lyeene ly'omuseengese.

Esekeeli 7:14

Bamalire ohuubba eturumbete, boosi beetekeehe; nae abulao ochia mu biita, olwohuba etima ly'Omwaami liri hu baandu boosi.

Hosea 4:6

Abaandu baange bafwiire baweere olw'ohuhaya ohuumanya. Abalaamisi eng'we, mwesi mwahaya ohuumanya daawe, nae mwalehana neende enjekesa yaange, mani syeesi ndehana naang'we, haandi syeesi siinjia hufukiirira abasyaani beeng'we babe abalaamisi baange daawe.

Hosea 5:8

Hubbira olwiika lw'ebiita mu Gibbeya! Lisira eturumbete mu Rama! Yayulira aakulu oluwuungu lw'ebiita mu Bbetafeeni! Muweere mu hulwaana, eng'we abasaacha ba Bbenjamini!

Hosea 6:7

“Nae mu meengisania bweene nibamala sa bati ohwiingirira mu syaalo mu Adamu, bahalakirao sa Endagaano yi ese ndali ndahola nabo.

Hosea 9:15

Omwaami aboola ati, “Obuholi bw'ebibi bwaabwe bachaakira mu Giligaali. Eyo niyo yi ese ndachaakira ohubasyuulaanga. Mani ohweema hu bibi bi bali nibaholaanga, ese njia ohubeerusa batule mu loba lyaange. Ese haba siinjia ohwemeeda ohubaheeraanga haandi daawe; olwohuba abeemirisi baabwe boosi bamala ohunjeemera.

Yoeli 2:1

Hubbeho eturumbete mu Siyooni; hubbeho embuungu hu Lugulu Lwaange lwoolerefu. Lehe abaandu bomu Buyudaaya boosi bateengerehe, olwohuba oludaalo lw'Omwaami lwiicha, luli aambi.

Yoeli 2:15

Hubbe eturumbete mu Siyooni; laangise esisiibo; haandi buuse alala oluhung'aano lwoolerefu.

Amosi 3:6

Banyala ohuubba eturumbete y'ebiita mu siko, mani abaandu baahaya ohutya? Esibi siinyala ohwoola hu siko, Omwaami n'ataasisiindiihe?

Amosi 8:3

“Hu ludaalo olwo, enyembo chomu dooho chaheehole amaliro.” “Emilaambo kyahabe emiingi muno; kyahasukunwe sa buli abuundu kaala.”

Amosi 9:1

Ndabona Omwaami niyeemere hu ndulo w'alutaari, mani n'aboola ati: “Huya neende amaani aakulu w'esiiro ch'Enyuumba ya Nasaae, omusiingi kwaao kudengaane. Likula esiiro echo mani chikwe hu mitwe ky'abaandu boosi. Mani abo abahadoong'eo, ndahabeetere mu biita. Abulao kata mulala hu baandu abo owaheeruhe, abulao kata mulala hu baandu abo owaheeyibe.

Habbakuuku 1:8

“Efaraasi chaabwe ch'embiro ohuhiraho eng'we, haandi njalaba ohuhiraho amabbwe kali enjala. Abalwaani bohu faraasi beecha nibeerusa nibatula mu byaalo by'eyale muno; efaraasi chaabwe chiri ohulimulula eloba. Beekobya koti eeswi chibweene esyohulya.

Sefania 1:16

oludaalo olweechulamo oluyoka lw'eturumbete ch'ebiita neende ohulira hw'ebiita ohw'abanamaye nibali ohuseeta ebiko by'engoba neende eminaara mileeyi.

Sekaria 11:1

Yikulao emilyaango kyao, ewe Lebbanooni, hu muliro kunyale ohusaamba nikukwiisira aasi emituumba kyao!

Sekaria 9:14

Omwaami achia ohuboneheraanga hu baandu bae; achia ohulasaanga obusaale bwae koti olumesu. Omwaami achia ohuubba eturumbete; Omwaami w'Obunyala achia ohuhuumbiraanga mu bifuusye bitulira emwaalo w'esyaalo.

Matayo 24:28

Olwohuba, yi mulaambo kuli, niwo yi ngosya chaheebuusire alala.

1 Abakoriito 15:52

mu siha sidiidi muno, koti mu hukwiisa emoni, hu huubbwa hw'eturumbete humaliirihayo. Olwohuba eturumbete yichia ohuubba, mani abafu bachia ohusyuuhisibwa, bahae ohufwaaho haandi, mani hu fweesi hukaluuhanisibwe.

Amalako Kohubiri 28:49

Omwaami yahabaleetere abaandu b'esyaalo siindi esy'eyale ohubaseeta, si baandu basyo balomaloma olulimi lu mutaamanyire. Bachia ohutula hu njakamo y'esyaalo. Bachia ohubakwaaho koti lu eeswi yiseeta mani yaakwa hu mwiinyu.