Hosea 4:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Mani sakira esyaalo esyo sichia ohwoomerera, mani buli siindu syasimenyaho sifwe. Ebisolo byoosi, neende amayoni koosi, kata neende eng'eeni, byoosi bichia ohufwa.”

EBBAIBBO EMBOOSI YA NASAAE

³ Mani sakira esyaalo esyo sichia ohwoomerera, mani buli siindu syasimenyaho sifwe. Ebisolo byoosi, neende amayoni koosi, kata neende eng'eeni, byoosi bichia ohufwa.”

Hosea 4:3 Iomraidhean Croise

Yisaaya 33:9

Yibbulao olima eloba, esyaalo syadoong'a esihaya. Ebichaha bya Lebbanooni bihoohere; ehooho ly'eloba lai lya Saroni lyeeholere esiparara. Haandi mu Bbasani neende hu lugulu lwa Karimeeli, emisaala kibuluungusa amasaafu.

Yeremia 12:4

Esyaalo syahoome ohwoola liina, haandi obunyaasi bwomu siino bwaahooha? Olwohuba ebyonoono by'abaandu bikerere ebisolo alala neende amayoni byaafwa. Olwohuba abaandu baboola bati, Nasaae haba saabona ebiindu bi huhola.

Yeremia 23:10

Olwohuba esyaalo siichulemo abaandu batomiirira hu Omwaami. Abaandu balira olwohuba Omwaami yalaama esyaalo, haandi olwaayiro lwoomereere. Abaandu bano b'ebiima bibi, haandi beehoonyera bubi obunyala bwaabwe.

Yeremia 4:25

Ndatingaala, nae bone, yabulao omuundu, neende amayoni koosi akali nikabburuuhe.

Yeremia 9:10

Mani nimboola endi: “Njia ohulira amasika niindirira engulu, haandi njerenjesere obwaayiro bwomu siparara, olwohuba bwoomere mani abulao obubitamo; haandi ohwaana hw'eng'oombe haba sihuwuliirihanamo. Amayoni neende ebisolo biiruuhemo, byawaao.”

Yeremia 9:9

Mubaasa muti haba siinjia hubasaandya hulw'ebiindu bino? Mubaasa muti haba siinjia ohwetuunga omweene hu syaalo koti sino? Ese, Omwaami, Niise olomaloome.”

Esekeeli 38:20

Eng'eeni chomu nyaanja, neende amayoni kabburuha aakulu, neende ebisolo byomu siino, neende ebiindu byambaakira hu loba, neende abaandu bali hu syaalo boosi, byahateengerehere mu moni waange nibitiire. Engulu chahasukunwe aasi, enyaanda chahaadihe chaakwa aasi, neende buli sida syoohu siko syahalikuhe syaakwa aasi.

Yoeli 1:18

Ebisolo bibiinduha, eng'oombe chiheheerwe, olwohuba obunyaasi buwulao. Kata amayiicho k'amakoondi kosi kasaanda.

Amosi 1:2

Mani Amosi n'aboola ati: “Omwaami abuluula naali hu Lugulu lwa Siyooni, ekono lyae libuliirihana nilitula mu Yerusalemu. Obwaayiro bw'abaayi bwooma, haandi aakulu w'olugulu lwa Karimeeli huhooha.”

Amosi 5:16

Mani sakira Omwaami, Nasaae w'Obunyala, Omwaami aboola ati: “Wahabeeo ohuubba wuui mu ngira choosi; haandi hu ngira choosi bahaboole bati, ‘Katunyoole!’ Bahalaange abalimi ohulira; haandi abo babakula ohulira bahabalaange ohuchereenjesa.

Amosi 8:8

Esyaalo syahatengerehe hulw'esiholwa esyo, haandi buli muundu oli mu syaalo yaheyendeherere. Mani esyaalo syoosi syahatuumbuhe koti omwaalo kwa Naili, mani situumbuha haandi nisiibira haandi, koti omwaalo kwa Naili kwa Misiri.”

Nahumu 1:4

Ayiikaanga enyaanja, mani yoomerera! Akeraanga emyaalo nikyoomerera. Emikuunda kya Bbasani kyaalala, Olugulu lwa Karimeeli lufwaana nasiloobaloba, mani ebimuli bya Lebbanooni bibbuuruuha.

Sefania 1:3

abaandu boosi neende ebisolo byoosi, amayoni neende eng'eeni. Ese njia ohuleetao ohukwa hw'ababi. Njia ohusihirisa buli muundu yeesi, mani abuleo oluwonamo yeesi. Ese Omwaami niise olomaloome.

Sekaria 5:4

Omwaami w'Obunyala bwoosi aboola ati achia ohutuma esibwaabo sino sisalaane, mani sinyale ohwiingiraanga mu buli nyuumba y'omwiibi yeesi, haandi neende mu nyuumba y'oyo owechuba naabacha. Sicha ohudoong'aanga mu nyuumba chaabwe mani sichileheenge nichiri amakuunda sa.”