Hosea 3:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Nae kata katyo, esiha sichia ohwiicha, abaandu ba Yisiraeli nibachia haandi ehabi liindi ohukaluuhana eyiri Omwaami Nasaae waabwe, haandi neende eyiri omwiichuhulu wa Daudi omutuki waabwe. Mani ao niwo yibahanyalire ohutya Omwaami oyo, mani banyale ohunyolaanga ebiyaanwa byae bilai ebyo.

EBBAIBBO EMBOOSI YA NASAAE

⁵ Nae kata katyo, esiha sichia ohwiicha, abaandu ba Yisiraeli nibachia haandi ehabi liindi ohukaluuhana eyiri Omwaami Nasaae waabwe, haandi neende eyiri omwiichuhulu wa Daudi omutuki waabwe. Mani ao niwo yibahanyalire ohutya Omwaami oyo, mani banyale ohunyolaanga ebiyaanwa byae bilai ebyo.

Hosea 3:5 Iomraidhean Croise

1 Abatuki 12:16

Mani abaandu baabona bati omutuki oyo saadaha ohuwulira akaabwe, bachaaka ohwehuuma nibaboola bati, “Daudi yeehe aasi neende edaala lyae lyosi! Siina syeene sibatuholeraho? Eng'we abaandu ba Yasiraeli hweekobolere engo! Lehe Rehobboamu yeeholeho omweene!” Mani batyo, abaandu ba Yisiraeli beehalaka,

Yisaaya 17:7

Ebiha ebyo nibyahoole, abaandu bahate omwooyo hu Muloongi waabwe, mani bakaluuhane baachia eyiri Omwoolerefu wa Yisiraeli.

Yisaaya 2:2

Mu ndaalo chiichayo echo olugulu lu beenamiraho Omwaami lwahabe olugulu luhira mu ngulu choosi obuhunuufu, mani lwaaba aakulu w'ebigulu biindi byoosi; mani ebyaalo byoosi byechaanga nibyebuusira yi luli,

Yisaaya 2:3

haandi abaandu baheeyiheenge nibeecha nibaboola bati: “Mwiiche, lehe huchie huniine hu lugulu lw'Omwaami, eyiri enyuumba yohwiinamiraangamo Nasaae eya Nasaae wa Yakobbo; hunyale ohweekaanga ebiindu byaadaha huhole haandi hukeendereenge mu ngira chae.” Olwohuba amalako k'Omwaami kachia ohutulaanga mu Siyooni, neende emboosi y'Omwaami yichia ohutulaanga mu Yerusalemu.

Yisaaya 60:5

Wahabone esyo mani waasangaala, wahateengerehe mani weehoya. Olwohuba obuyiinda bw'ebyaalo byoosi bwaheeche yooli, mani bwaahubbwomoohaho nibubitira mu nyaanja.

Yisaaya 9:13

Nae Abaisiraeli haba sibefunaka baakaluha eyiri Omwaami kata ayahaba niyabasaandya, kata bakoonya Omwaami w'Obunyala.

Yeremia 23:5

Omwaami aboola ati: “Bone, esiha syahoole, mani ndoole omutuki muluungifu ohutula hu lwiibulo lwa Daudi. Omutuki oyo niye owahatuke neende amakesi haandi yahahole ebyadyeeri neende eby'obuluungifu mu syaalo.

Yeremia 30:24

Etima lyaalaba ly'Omwaami haba silyahaakame ohwoola lu lyahooserese esyo siridaha ohuhola esichiiririrwa sy'ebibaaso byae. Ebiha byahoole lu baandu bahamanyireho sino bulai.

Yeremia 30:9

Nae bahahalaabanire Omwaami Nasaae waabwe neende omwiichuhulu wa Daudi yindahabatereo hu bwaami.

Yeremia 33:17

Olwohuba Omwaami aboola ati: “Mulwiibulo lwa Daudi, endaalo choosi, mwahabecheengemo omutuki wa Yisiraeli.

Yeremia 33:9

Mani esiko sino sichia ohusaangaasa mani siinjisemo oluyaali neende efuma. Abaandu bomu byaalo boosi bahatye haandi bateengereha nibahawulire ebiindu bilai bi ndahaholere abaandu bomu Buyudaaya.”

Esekeeli 16:63

Njia ohuhulehera ebyonoono byoosi bi wahola, olwo mani obiichulise esoni chihudiire, bihuhae kata esy'ohulomaloma, hulw'ohwemwaayamwaaya.” Nilwo lu Omwaami Nasaae aboola.

Esekeeli 38:16

Waheechie mani oseete abaandu baange Abaisiraeli nooli koti esireesi sidiirire hu syaalo. Esiha nisyahoole, ndahahutume oseete esyaalo syaange, mani ebyaalo binyale ohuumanya, nibyahabone koti lu hwehoonyeere ewe Googi, ohweekesa koti lu ndi omwoolerefu.

Esekeeli 38:8

Nae endaalo yiingi nichibitireo, wahaseetwe. Nae mu myaaka kiichayo, wahaseete esyaalo sya Yisiraeli esyawoniswa ebiita. Esyaalo syadoong'a ao nisiri koti ekuunda ohumala emyaaka miingi muno, nae bulaanu abaandu baamwo boosi bakobooswe nibatuswa mu byaalo biingi, haandi nibali mu muleembe hu ngulu ch'esyaalo sya Yisiraeli esyo nibataali neende ohutya hwoosi.

Hosea 1:11

Abaandu ba Yuda, alala neende abaandu ba Yisiraeli bachia ohwoola bakobolaneho. Bachia ohunyala ohwedoolera omwiimirisi mulala, mani haandi hu ehabi liindi banyale ohuhula-hulana mani bayiindirire mu syaalo syaabwe. Eee, oludaalo lwa Yesireeli luchia ohuba oludaalo luhunuufu!

Hosea 11:10

“Abaandu baange bachia ohunondaanga nihuumula koti edalang'i, eyiri abasuku baabwe. Bachia ohubbibbirihana nibeecha yi ndi ohutula emuumbo.

Hosea 5:15

“Ese njia ohujwaang'a abaandu baange, ohwoola lu balinyala ohusaanda ebiyeraana neende ebyonoono byaabwe, mani bachaaka ohwichaanga nibaangoonya abeene. Awuundi, mu husaanda hwaabwe ohwo, bachia ohunyala ohuteemaho ohungoonyaanga.”

Hosea 5:6

Babukulaanga amakoondi kaabwe abeene, haandi neende eng'oombe chaabwe abeene, ohuchia nibabiyaanayo koti ebiyaanwa eyiri Omwaami, nae byaahayaho esiindu syoosi esilai sibanyoolamo daawe. Haba sibanyala ohumwakaana daawe, olwohuba oyo yamala ohubatulaho hale bweene.

Hosea 6:1

Abaandu baboola bati, “Eng'we, mwiiche hukobole eyiri Omwaami! Atunyaalire, nae achia ohubona ati atuwonia; atunyubuluule, nae achia ohutuboya amakoonjo keefwe, kose haba?

Amosi 9:11

Omwaami aboola ati: “Oludaalo lwahoole mani siingise esikaali sya Daudi syakwa haandi ndereese ebida byasyo byanyaasiha, mani mbyoombahe buyaaha bikoboleo koti lu byali hale.

Mika 4:1

Mu ndaalo chiichayo echio, olugulu lu nyuumba ya Nasaae yoombahwahwo lwaheehole olugulu luhiramo mu ngulu choosi obuhunuufu, mani lwaaba aakulu w'ebigulu biindi byoosi; ebyaalo byoosi byaheebuusire yi luli,

Ohubala 24:14

Bbalamu yaboolera Bbaraki ati, Ese bulaanu mbano ngobola engo eyiri abaandu baange, nae nitawaao, ndi ohuhulabula ebiindu bi, abaandu ba Yisiraeli bachia ohuhola abaandu bao mu ndaalo chiicha.

Abarooma 11:25

Basyaange, buliwo obwadyeeri bw'esyaama bu ndaha mumanye, hu muhaye ohubaasa muti muli abakesi. Obwadyeeri obwo buli buti, esyeejo sy'abaandu Baisiraeli haba sisichia hubaao endaalo choosi, nae sichia ohubaao ohwoola lu baandu Abateende boosi bachia ohwiicha eyiri Nasaae.

Abarooma 2:4

Kose awuundi oli ohulekeeresa esisa syae siingi, neende ohudiira kaala, alala neende ohwesimiirisa hwae. Mubwadyeeri, omanyire oti Nasaae w'esisa, olwohuba ateemaho ohubona ati weyolobya.

Amalako Kohubiri 4:30

Nimunabecheenge mu budinyu, ebiindu bino byoosi nibibakwaaho endaalo nichibitireo, munakoboleenge eyiri Omwaami Nasaae weeng'we mani muwulira emboosi chae.