Hosea 3:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ Mani ni mu ngira yino yoong'ene, nimwo mu baandu ba Yisiraeli bahoyere ohumenyeramo, ohumala esiha sireeyi nibataali neende omutuki yeesi oba omwiimirisi yeesi, ataali ohuyanaangayo ebiyaanwa byoosi, oba nibataali neende amakutu k'amakina moolerefu, ataali ebiloongaloongwe oba ataali ebiloongaloongwe byoosi eby'ohwehoonyerwaanga mu bulakusi.

EBBAIBBO EMBOOSI YA NASAAE

⁴ Mani ni mu ngira yino yoong'ene, nimwo mu baandu ba Yisiraeli bahoyere ohumenyeramo, ohumala esiha sireeyi nibataali neende omutuki yeesi oba omwiimirisi yeesi, ataali ohuyanaangayo ebiyaanwa byoosi, oba nibataali neende amakutu k'amakina moolerefu, ataali ebiloongaloongwe oba ataali ebiloongaloongwe byoosi eby'ohwehoonyerwaanga mu bulakusi.

Hosea 3:4 Iomraidhean Croise

Ohuchaaka 31:19

Labbani yali n'achiire ohubeka hu makoondi obwooya, mani niyali n'asisiiri ebweene eyo, Rakeeli yeeba banasaae bohu lwaanyi lwa laatang'ene.

Ohuchaaka 31:34

Bulaanu Rakeeli yali naabukuule banasaae bomu lwaanyi mani naabateere mu sibiihiro syohu sisaala sy'engamia, mani yaamala yeehalaho. Labbani yakoonya mu yeema mwoosi mani yaahaya ohunyolaho esiindu syoosi.

Ohuchaaka 49:10

Yuda niye ochia ohudiraanga endawusi y'obutuki, noomba endawusi y'abatuki ohutula mu makulu kae, ohwoola omweene butuki lu yaheechere; mani oyo niye yi baandu bahawulire.

2 Samueli 6:14

Daudi, niyali niyefwaalire engubo y'elaasi yoong'ene ohwebodoohania esibuno, yahina neende amaani kae koosi ohuberesa Omwaami oluyaali.

2 Abatuki 23:24

Yosia haandi yatusa elako ohumalao abalakusi, abalosi neende banasaae bomu lwaanyi neende ebiloongaloongwe neende eby'omusiro byoosi ebyanyoolehanaanga mu syaalo sya Yuda neende mu Yerusalemu, hu anyale ohwomiisa emboosi ch'Amalako chali mu sitabo si omulaamisi Hilikia yaduuhana mu Nyuumba ya Nasaae.

2 Ebyomubiha 15:2

mani yaachia ohubukaanana neende Omutuki Asa. Yahuumula n'alaanga ati, “Ewe tekeeresa, ewe Omutuki Asa, alala neende abaandu boosi aba Yuda neende Bbenjamini! Omwaami ali naang'we mwesi nimusisiiri nae. Nikali mbwe muchia ohumukoonyaanga, aba achia ohubakanyaanga mumunyoole, nae nimucha ohumweekabulaho, aba achia yesi ohubajwang'aanga.

Ohutula 28:4

Baboolere bahole esituundu sibwiiha hu sirifu, engubo y'ohweboya mu sibuno, ey'ohwefwaalamo niyereera, esaati liriho ekemo esone, eyohuboya hu mutwe, neende olusibiro lwoomusibuno. Bahoyere baholere Arooni mwaanamao, neende abaana bae basyaani, ebyefwaalo by'obulaamisi bino, hu banyale ohuuhalaabanira koti abalaamisi.

Ohutula 28:6

“Bahoyere ohuhola engubo yoohusirifu ey'obwooya bwa bbulu, papo, neende ranjaai, obuwuusi bufwaane neende esaabbu, neende elaasi nyirifu muno, nibayiluhiireho ebinyirisa.

Amaliro 2:9

Ebiruwa byasyo bibiire mu loba; mani ebyuuma by'emitaliimbo chabyo bifunaakwe. Abatuki neende abachweenufu basyo bulaanu bali mu buwaambe. Amalako haba sikasihoonya daawe. Abanabbi basyo haba sibasinyoola ohuboneherwa daawe ohutula eyiri Omwaami.

Esekeeli 19:14

Omuliro kutulire hu sisina syakwo; mani nikusaamba amasaga kakwo neende ebyaamo byakwo. Amasaga kakwo haba sikasisiiri amoomu, sikacha hubaachwamo emikwaajo ky'abatuki. Luno nilwo olweembo lw'engisa; balweembere nibaluloonda-loondamo.”

Esekeeli 20:32

Neende esyo esiri mu bibaaso byeeng'we simuboola muti ‘Lehe hube koti ebyaalo biindi, koti abaandu bomu byaalo biindi, abeenamira emisaala neende amakina, haba sisichia ohuholehana daawe.’

Esekeeli 21:21

Olwohuba omutuki wa Bbabbilooni yeemere mu masang'aangira, yi ngira echo choombi chibukaananira naadaha ohumanya ngira siina yeene yaanadiire. Adeengaania obusaale, mani yeteeba hu musaambwa chae abomu daala. Ahebera esini sy'esolo siyaanwayo koti esiyaanwa.

Esekeeli 21:31

Mbamaliireho etima lyaange; libasaambe koti enjeserye ch'omuliro. Njia ohubadiisa mu mahono k'abaandu baalaba koti ebisolo, abamanyihaane mu husihirisa.

Hosea 13:10

Eng'we abeene mwesabira omutuki neende abeemirisi, nae abeene abo nga batanyalaho ohuwonia esyaalo?

Hosea 13:11

Mu tima lyaange, ese ndali ndamala ohubaberesa abatuki, mani mu bwaalaba bwaange haandi ndeecha ndaabamalao.

Hosea 2:11

Ese njia ohutaao enjakamo eyiri ebidyaalo byae byoosi ebyabuli mwaaka neende ebyabuli mwoosi, haandi neende emiholo kya Sabbaato neende emihung'aano kyae kyoosi ky'esinadiini.

Esy'Abaleefi 8:7

Musa yaabukula Arooni, yaamufwaala esaati neende ekaanju, mani yaamuboya olusibiro lwebodoohania esibuno. Yabukula esipaande syohu sirifu yasiboyera ehoba chiahwo chali chialuhwa neende esiroonyo, yachibodoohania esibuno syae.

Sekaria 10:2

Abaandu baandi beteeba hu biloongaloongwe neende abalakusi, nae amakaluso ka banyoola n'obubacha buhaya haandi obusiru buhaya. Abaandi mbwe bakalula ebilooto, nabo babakosa sa; ohuguma hu bababeresa hubulamo obuhoonyi. Mani abaandu bayikaana buli abuundu koti amakoondi kakotere. Bali mu madinyu olwohuba babula omweeresi yeesi.

Sekaria 13:2

Esiha syeene esyo, ese njia ohutusao ameeta k'ebiloongaloongwe byoosi mu syaalo muno, mani abuleo oyo yeesi ochia ohunyala ohukechulisaangaho daawe. Ese njia ohumalao oyo yeesi ochia ohwelangaanga mbwe ali omunabbi, haandi maleo neende obwekoombi bw'ohwiinamiraanga ebiloongaloongwe bwoosi.

Luka 21:24

bachia ohwiitwa neende obusoonjo bw'engaanga haandi bayirwe mu jeela mu byaalo biindi byoosi; mani Yerusalemu sichia ohuseenakirwa mu makulu neende Bateende, ohwoola lu ndaalo ch'Abateende chiriweera.

Yowaana 19:15

Nabo bemeeda ohwaayulira aakulu nibaboola bati, “Mumumaleo, mumumaleo, mumubaambe hu musalabba!” Pilato yabateeba ati, “Omutuki weeng'we niye yi mba maamba hu musalabba?” Mani Abalaamisi bahuluundu nibamukobolamo bati, “Efwe hubula omutuki wuundi ohutusaho Kaisaari.”

Abaibburania 10:26

Nihumalire ohumanya obwadyeeri, nae abeene hwaheengao ohwemeeda ohwonoona, mani humanye huti, abulao esiyaanwa siindi esichia ohumalao ebyonoono.

Abakayi 17:5

Mani omusaacha wuno Miika, yebukanira abuundu wae yeeng'ene ow'ohwiinamiraanga nasaae wae. Haandi yameedaho banasaae baandi neende engubo ehiiha, mani naamala niyeehasa mulala hu basyaani bae ohuba omulaamisi wae.

Abakayi 18:14

Mani bulaanu abasaacha bataanu bala abali ni bachiayo ohuhemeresa esyaalo syali nisyebodoohania Laisi beemao baaboolera abasyaabwe abo bati, “Mani eng'we mumanyireho muti abuundu ano mu nyuumba ndala hu chino mulimo esiloongaloongwe syabaachwa mu mbaao haandi esyaomwaho efeesa? Haandi mulimo neende ebiloongaloongwe biindi, haandi kata neende engubo ehiiha? Mani aliwo hooho esiindu si mubaasa muti hunyala ohuholaho?”

Abakayi 8:27

Gidioni yahola esiloongaloongwe sy'esaabbu, mani naasita mu Ofura, esiko syae syeengo. Abaisiraeli boosi beeruha Nasaae mani bachia beenamira esiloongaloongwe esyo. Esiholwa sino syeemao hane syaaba sa koti olukiriikiri lwa Gidioni neende ab'enyuumba yae boosi.

1 Samueli 14:3

(Omulaamisi yali naakiingire esyefwaalo silaangwa efodi yali Ahija, omwaana wa Ahituubbu, mwanaang'ina Yikabodi, omwaana wa Finehaasi, omwaana wa Eli, omulaamisi w'Omwaami mu Silo.) Abasaacha bano haba sibamanyire bati Yonatani yali aweereo.

1 Samueli 15:23

Obujeemu nisyo nasilala neende esyonoono sy'obulakusi, haandi esyeejo nisyo nasilala neende esyonoono sy'ohwiinamira ebiloongaloongwe. Koti lu ohayire ohuhola bi Omwaami yahulagira, Omwaami yesi ohwebwaabire ohuba omutuki.”

1 Samueli 2:18

Ao mani Samueli niyemeeda ohuhalaabanira Omwaami n'asisiiri omuyere, yefwaalaanga ekaanju lafu ely'elaasi.

1 Samueli 21:9

Ahimeleki nae yakobolamo ati, “Ndi neende olugaanga lwali olwa Goliati Omufilisiti, yi weeta mu Hooho lya Ela. Luli emukoongo w'efodi, luboyerwe mu ngubo. N'odaha olwo, luyire olwohuba lubulao oluundi ohutusaho olwo lwoong'ene.” Daudi yaboola ati, “Luumberese otyo. Olwohuba lubulao olugaanga luhira luno abuundu woosi!”

1 Samueli 22:18

Mani Saulo yeecha yaboolera Doegi ati, “Ewe chia obeete sa! Mani Doegi yaachia yabeeta boosi. Hu ludaalo lulala lweene olwo, yanyala ohwiita abalaamisi amahumi kataanu-na-kadatu neende bataanu abali nibali nibo abali nibahoyera ohukiingaanga engubo yomu sibuno.”

1 Samueli 23:6

Abbiataari omwaana wa Ahimeleki niyeeyiba mani yeyambaania hu Daudi mu Keila, yakiinga yaachia neende olusibiro lwomu sibuno.

1 Samueli 23:9

Daudi niyamanya ati Saulo yali naatekeha ohumuseeta, yaboolera Abbiataari omulaamisi ati, “Leeta esyefwaalo syohu sirifu ano.”

1 Samueli 30:7

Daudi yaboolera Abbiataari omulaamisi, omwaana wa Ahimeleki ati, “Ndeetere ano ‘efodi.’ ” Mani Abbiataari naaleeta efodi eyiri Daudi.