Hosea 3:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Mani ndeecha ndatuunga ebituundu ehumi neende bitaanu eby'efeesa, haandi neende ekilograamu emia ndala neende amahumi kataanu (150) echa amabere masuungu ohumuhwa.

EBBAIBBO EMBOOSI YA NASAAE

² Mani ndeecha ndatuunga ebituundu ehumi neende bitaanu eby'efeesa, haandi neende ekilograamu emia ndala neende amahumi kataanu (150) echa amabere masuungu ohumuhwa.

Hosea 3:2 Iomraidhean Croise

Ohuchaaka 31:41

Emyaaka amahumi kabiri kino kimbeere mu daala lyao; emyaaka ehumi neende kine ndahuhalaabanira hulw'abahaana bao, nae emyaaka kisaasaba ndahuhalaabanira hulw'ebisolo byao, mani wakaluuhania omusaara kwaange amahabi ehumi.

Ohuchaaka 34:12

Muheengereo ebiindu by'ohuhwa neende ebiyaanwa, mani njia ohubaba koti lu munaabe mumboolere, esihuluundu syeene siri mbwe muumberese omuhaana weeng'we abe omuhasi waange.”

Ohutula 22:17

Nae laatang'ene muhaana oyo naakayira omusaacha oyo ohumudeehya, kata katyo, omusaacha oyo aba ahoyere ohutuunga laatang'ene muhaana oyo eehwe yaakana neende yibahwechaanga omuhaana osisiirimo omubiri.

Yisaaya 5:10

Olwohuba endalo y'emisabbiibbu eya hekiteya ehumi, yahatuleengemo elita chitaanu-na-chidatu ech'efiini choong'ene, haandi elita emia ndala neende amahumi kataanu-na-kadatu (180) y'emisabbiibbu syahatuleengemo esideru silala syoong'ene.

Esekeeli 45:11

“Esikero sya efa, esipiima ebiindu byoomu, sibe nasilala neende esikero sy'ebbaati, esipiima ebiindu by'amaachi. Homeri nisyo esikero sihuluundu esy'ebikero ebyo byoombi. Esikero sya efa neende esy'ebbaati, buli silala sibecheengemo silala sy'ehumi sy'ehomeri.

Hosea 3:3

Ndaboolera omuhasi oyo endi, hulw'esiha sileeyi muno ahoyeere ohunyala ohuniinda n'atahola obudaamba oba naatayiranaangaho; endi haandi nae esiha sino syoosi syeesi mba njia ohuba niimuliindiriire sa.

Esy'Abaleefi 27:16

Nae omuundu yeesi n'ayaana esituundu siindi sy'eloba lyae eyiri Omwaami, obukusi buba buchia ohukerehwa ohweema hu buungi bw'emwo yiba niyinyala ohutaakwa mu situundu sy'eloba esyo, ohukeraania neende ebituundu by'efeesa ehumi hu buli ekiloguraamu amahumi kabiri ak'esimera silaangwa amabere masuungu.

Ruusi 4:10

Haandi ohumeeda ohwo, Ruusi Omumoabbu, omufwiirwe wa Mahiloni, yesi yeehola omuhasi waange. Sino siba sichia ohuliindira ebiindu by'omuundu wafwa mu lwaanyi lwae, mani olwaanyi lwae hu lunyale ohuchiiririra mu baandu bae, haandi neende mu siko sy'engo wae. Eng'we mbano niing'we abali abaloli, hu ludaalo luno.”

1 Samueli 18:25

Saulo yabalagira bachie baboolere Daudi bati: “Omutuki haba s'adaha esiindu siindi syoosi koti eehwe, ohutusaho ebihoba biheberwe hu Abafilisiti bafwiire emia ndala, koti ohwetuunga hu basuku bae.” (Yino niyo engeri yi Saulo yali naabaasa ati Abafilisiti banyala ohwiita Daudi.)