Hosea 3:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Omwaami yeecha yamboolera ati, “Ewe chia haandi weekese obuheeri eyiri omuhasi oyo oli ohuyiranaanga neende abasaacha baandi oyo. Ohoyere ohumuheera koti sa lu ese siiheera sa abaandu ba Yisiraeli, kata neende nibakaluuhana baachia eyiri banasaae baandi, haandi nibadahana neende ohuyiraanga ebiyaanwa byaabwe bya keeki ch'enduli nyomu eyiri ebiloongaloongwe.”

EBBAIBBO EMBOOSI YA NASAAE

¹ Omwaami yeecha yamboolera ati, “Ewe chia haandi weekese obuheeri eyiri omuhasi oyo oli ohuyiranaanga neende abasaacha baandi oyo. Ohoyere ohumuheera koti sa lu ese siiheera sa abaandu ba Yisiraeli, kata neende nibakaluuhana baachia eyiri banasaae baandi, haandi nibadahana neende ohuyiraanga ebiyaanwa byaabwe bya keeki ch'enduli nyomu eyiri ebiloongaloongwe.”

Hosea 3:1 Iomraidhean Croise

2 Samueli 6:19

mani haandi yaamala yaakabula abaandu boosi ebyohulya. Yanyala ohuberesaanga buli musaacha haandi neende buli muhasi mu Yisiraeli, omugaati, esidonye sy'enyama esaambe, alala neende ekeeki chiindi. Mani buli muundu yeweerao yeekobolera ewae.

2 Abatuki 13:23

Nae Omwaami yabakwiira esisa, yaabalehera. Yabakwiira, olwohuba yali niyahola endagaano neende Abburahamu, Yisaka neende Yakobbo, mani haba siyahabasihiriise; noomba yaabasukuna ohutula mu moni wae ohwoola buti.

1 Ebyomubiha 16:3

Haandi yakabula buli musaacha neende buli muhasi mu Yisiraeli, omugaati neende esipaande sy'enyama, neende esitole sy'emisabbiibbu myoomu kiswaakirwe.

Nehemia 9:31

Kata katyo, ohweema koti esisa syao siri esihunuufu, ewe haba si wanyalaanga ohubajwaang'a, kata sa ohubasihirisaanga daawe. Ewe oli Nasaae w'esibooyi haandi ow'esisa sibitiirifu!

Esabbuli 123:2

Koti lu abahalaabani batingaala Omwaami waabwe, haandi koti abahalaabani bahasi batingaala omuhuluundu waabwe, olwo nilwo lu fwesi huhutingaala, ewe Omwaami Nasaae weefwe, ohwoola lu olitukwiira esisa.

Ohutula 32:6

Mani echuli-chuli mu ludaalo lwaloondaho, abaandu baleeta ebisolo bati ba biite mani babisaambe koti ebiyaanwa, nae ebisolo biindi bibe eby'ohuliibwa sa koti esy'ohuwaayo sy'obusaangirani. Abaandu beehala aasi mani bachaaka ohulya neende ohung'wa, ebyatuliramo ohumeera neende ohuyirana.

Olweembo Luhira mu Nyembo 2:5

Ngobosemo amaani neende emisabbiibbu myoomu mani wunjoong'olose neende amapeera! Kambweere hulw'ohwekoomba.

Yisaaya 45:22

“Kobole yi ndi mani muwonisibwe, eng'we abaandu bomu syaalo syoosi! Olwohuba Niise Nasaae, haandi abulao owuundi.

Yeremia 3:20

Nae koti omuhasi otaali omweesikwa lu aleha wamwe, nilwo lu eng'we ab'enyuumba ya Yisiraeli mutabeere abeesikwa yindi, Ese Omwaami, Niise oboola.”

Yeremia 31:20

“Yisiraeli, niiwe omwaana waange omuheerwa, niiwe omwaana waange owuusaangaasa. Olwohuba buli lu hwoolobya, mba hwiichulisa sa. Mani sakira huchuunirwa omwooyo; mubwadyeeri bweene, njia ohuhukwiira esisa. Omwaami niye oboola.

Hosea 11:8

“Ese ndahabalehuulira endye, ewe Yisiraeli? Ese ndahabajwaang'a endye, ewe Yisiraeli? Ese ndaabasihirise koti lu ndahola Adiima, oba ese ndaabahole koti lu ndahola Sebboyimu? Omwooyo kwaange haba sikuchia ohuunganya hole endyo daawe! Obuheeri bwaange yi muli bubitiirifu.

Hosea 2:5

Olwohuba ng'inaabwe yali omuyirani; oyo owabeebula yali yeehola eby'esoni. Olwohuba yeecha yaboola mbwe ati, Ese njicha ohwechiira sa neende abadya baange, abambechaanga ebyohulya byaange neende amaachi kaange, obwooya bw'amakoondi bwaange haandi neende elaasi, amafuta haandi ebing'weebwa byaange.

Hosea 4:11

Omwaami aboola ati, “Efiini, ehale neende enjaaha sidubaanie, niyo eyiri ohumala amakesi mu baandu baange!

Hosea 7:5

Hu ludaalo lw'omutuki ohuliiraho esidyaalo, bachia baahola omutuki oyo alala neende abakali bae bameera haandi baasiruwaswa neende amalwa.

Amosi 2:8

Buli abuundu wohwiinamiramo, beeyalisa aasi hu ngubo chi bamanani babasiingireho. Haandi mu nyuumba ya Nasaae waabwe, nimwo mu bang'weera amalwa kabatoosere hu bamanani.

Amosi 6:6

Eng'we bang'weeraanga efiini mu bikwaada, haandi mweebaha amafuta malai muno, nae haba simuchuunirwa ohusihiriswa hwa Yisiraeli.

Mika 7:7

Nae ese njia ohutingaalaanga eyiri Omwaami, njia ohuliindaanga Nasaae omuwonia waange. Nasaae waange achia ohuumbulira.

Sekaria 1:16

Mani ese mbano malire ohukobola mu Yerusalemu ohweekesa esiko esyo esisa. Enyuumba ya Nasaae yaange yicha ohukoboswa buyaaha, haandi esiko syosi syoombahwe buyaaha.”

Matayo 26:50

Yesu yaamukobolamo ati, “Wasyaange, siina esihuleetere?” Mani beecha baakwa hu Yesu mani baamudiira.

1 Abakoriito 10:21

Simunyala ohung'wa hu sikoombe sy'Omwaami haandi mwaang'wa hu sikoombe sy'emisaambwa. Simunyala ohuba silala neende emeesa y'Omwaami, haandi mwaaba silala neende emeesa y'emisaambwa.

1 Abakoriito 10:7

Mutaba abalaama emisaambwa koti lu baandi hu abo bali; koti lu syandiikwa siti, “Abaandu beehala aasi ohulya, neende ohung'wa, mani baasiingira ohuhina.”

1 Petero 4:3

Mwamala ohwehoonyera ebiha biingi nimuhola bi bakafiiri baheera ohuholaanga. Obulamu bweeng'we bwali bwaweera mubucheke, ohwekoomba hubi, obumeesi, obwekoombi bw'okuliira, obumeesi bw'omubidyaalo, neende ohwiinamira emisaambwa hubi.

Abakayi 10:16

Mani beetusamo banasaae baabwe bakeni abo, mani bachaaka ohwiinamiraanga Omwaami; mani yesi yachuunwa muno neende esibeera sya Yisiraeli.

Abakayi 9:27

Boosi batula erwaanyi baachia mu ndaalo ch'ebyaamo chaabwe, mani baanoka emisabbiibbu mani nibakihunyamo efiini, mani nibahola esidyaalo. Beengira mu nyuumba ya nasaae wabwe, mani baang'weera mu bweene omwo, haandi baaliira mu bweene omwo nibakachulira hu Abbimeleki.