Hosea 2:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Nae naatahola atyo, ese mweene njia ohumufwaalulamo engubo chae choosi mani mulehe abe syeekenye syeene koti lu yali niyaheebulwa. Ese njia ohumuhola abe koti eloba lyoomu lyasuuna, mani yoole ohufwa obuluwo.

EBBAIBBO EMBOOSI YA NASAAE

³ Nae naatahola atyo, ese mweene njia ohumufwaalulamo engubo chae choosi mani mulehe abe syeekenye syeene koti lu yali niyaheebulwa. Ese njia ohumuhola abe koti eloba lyoomu lyasuuna, mani yoole ohufwa obuluwo.

Hosea 2:3 Iomraidhean Croise

Ohutula 17:3

Nae abaandu bali neende obuluwo bubitiirifu mani bemeeda sa ohwekanyiirisira Musa. Baboola bati, “Ewe lwasiina watutusa mu Misiri? Ohutwiita efwe alala neende abaana beefwe boosi, neende ebiindu bilamu byeefwe byoosi obuluwo?”

Yisaaya 33:9

Yibbulao olima eloba, esyaalo syadoong'a esihaya. Ebichaha bya Lebbanooni bihoohere; ehooho ly'eloba lai lya Saroni lyeeholere esiparara. Haandi mu Bbasani neende hu lugulu lwa Karimeeli, emisaala kibuluungusa amasaafu.

Yisaaya 47:3

Abaandu bahahubone nooli syeekenye, bahahubone niwiisirwe aasi esoni nichihudiirire. Njia ohwetuunga, mani abulao omuundu wahawoneo.

Yisaaya 64:10

Ebiko byao byoolerefu, byeholere esiparara, Siyooni syeholere esiparara, Yerusalemu syeholere ekuunda.

Yeremia 12:10

Abeemirisi baangi banyaasire endalo yaange y'emisabbiibbu, baseenakiire obulimo bwaange. Esyaalo syaange silai basiholere esiparara sibulamo abaandu.

Yeremia 13:22

Nae nimweteeba mu myooyo kyeeng'we muti, ‘Lwasiina ebiindu bino bitukwiireho’ olwohuba esyonoono syeeng'we sihoongo muno sibwihuule engubo chao, mani sakira musaanda muno.

Yeremia 13:26

Ese Mweene niise owahababwiihule engubo cheeng'we mani esoni chibadiire.

Yeremia 14:3

Abahunuufu bamwo batuma abahalaabani baabwe hu mwaalo; bachia hu sulo chaabwe, nae baahaya ohunyoolayo amaachi, mani baakobola esyoongo nichibulamo amaachi. Esoni chibadiira bawaamo amaani mani nibebwiiha mu moni.

Yeremia 17:6

Ali koti omusaala kuli mu siparara, haandi haba saabona esilai syoosi. Achia ohumenya mu bituundu byomu sichiimi, mu siroongo sitaalimo abaandu.”

Yeremia 2:31

Mani eng'we, Abaisiraeli b'endaalo chino, wulire emboosi chi Ese Omwaami mboola. Ndeehola esiparara yi muli, oba esyaalo sy'esiirima sidiiraane? Eng'we abaandu baange, lwasiina muboola muti, Huli abalehuule ohuhola buli siindu si hudaha, haba sihuchia hukobola yooli?

Yeremia 2:6

Haba sibetebanaho abeene-na-beene bati, Omwaami ali yeena? Oyo owatutusa mu syaalo sya Misiri, n'atwimiriramo mu sichiimi, mu syaalo sy'ebiparara neende ameena, mu syaalo sy'esiminyu neende esiirima sya titititi, mu syaalo si muundu atabitamo, esyaalo sitaalimo omuundu?

Yeremia 22:6

Olwohuba Omwaami aboola ebidiira hu dooho ly'omutuki wa Buyudaaya ati: “Eyiri ese, edooho ly'omutuki wa Buyudaaya, lai muno koti elyomu syaalo sya Gileadi, haandi koti olugulu lwa Lebbanooni. Nae njia ohulihola libe ekuunda, esiko sitaalimo abaandu.

Yeremia 4:26

Ndatingaala, nae bone, eloba lai lyali nilyeeholere esiparara, neende ebiko byasyo byoosi byali nibisihiriiswe olwohuba Omwaami yali n'anyoleere muno.

Yeremia 51:43

Ebiko byasyo byeeholere esitiisa, esyaalo sy'esminyu neende esiparara omutaali amaachi, esyaalo si baandu batamenyamo, haandi si muundu atanyala ohubitamo.

Yeremia 51:5

Olwohuba Ese Omwaami, Nasaae w'Amaye haba sindebwaaba abaandu ba Yisiraeli neende aba Buyudaaya; nae esyaalo sy'Abakalidaaya syonoona eyiri Omwoolerefu wa Yisiraeli.

Esekeeli 16:22

Mani mu huhola eby'omusiro neende eby'obucheke bwao ebyo byoosi, haba siwechulisaho endaalo cho buyere bwao, koti lu wali esyeekenye, nisibulao esiindu siwebwiihire, haandi niwefuufula mu mabaanga kao.”

Esekeeli 19:13

Bulaanu omusabbiibbu okwo kutaakirwa haandi mu siparara, mu syaalo syomu haandi esibulamo amaachi.

Hosea 13:15

Kata neende Yisiraeli niyikinaakina koti omuboka, ese njia ohuleeta omuyaaka kw'ebukwe omubafu muno ohutulira mu siparara, mani kuchia ohwoomeresa amadiba keeng'we koosi, neende esulo cheeng'we choosi. Kuchia ohunyala ohumalao buli siindu syoosi esy'ebbei.

Hosea 2:10

Ese njia ohumufwaalula adoong'e syeekenye syeene mu moni w'abadia bae abo mani abuleo oyo yeesi ochia ohunyala ohumuwonia ohutula mu bunyala bwaange daawe.

Ohubwiihulirwa 17:16

Enjika ehumi chl obweene echo, haandi neende esisolo esyo, boosi bachia ohusyuula omuhasi muyirani oyo. Bachia ohumung'uula buli siindu syali nasyo syoosi, mani bamale bamulehe naali syeekenye syeene. Bachia ohulya omubiri kwae, mani bamale bamusihirise neende omuliro.

Abakayi 15:18

Bulaanu Samusoni yachaaka ohuwulira obuluwo nibumuluma, mani yalirira Omwaami n'aboola ati, “Ewe niiwe owumbereese ohuyiingira hw'amaani huno; nae bulaanu mbano ndi koti ochia ohufwa sa obuluwo, mani maambwe njirwe neende Abafilisiti bakafiiri bano?”