Hosea 11:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Nihaandi niise owataangira ohweekesa Yisiraeli amakeenda. Ndeecha ndaakata abaandu baange mu hwaaya, nae haba sibanyala ohumanyaho bati ndali ni ndi ese mweene owabaleraanga.

EBBAIBBO EMBOOSI YA NASAAE

³ Nihaandi niise owataangira ohweekesa Yisiraeli amakeenda. Ndeecha ndaakata abaandu baange mu hwaaya, nae haba sibanyala ohumanyaho bati ndali ni ndi ese mweene owabaleraanga.

Hosea 11:3 Iomraidhean Croise

Esabbuli 107:20

Nasaae yatuma emboosi yae, mani n'abawonia, haandi n'abanunula ohubatusa mu husihirira.

Ohutula 15:26

Yaboola ati, “Nimuchia ohuumbulirira elalira nimuholaanga ebyo bi mbaberesa ohuba ebyadyeeri, neende ohuliindaanga amalako kaange, mba siinja ohubasaandyaho neende amalwaae kandaleteraanga Abamisiri. Ese niise Omwaami mweene, haandi oyo obawonia.”

Ohutula 19:4

“Eng'we mwabona esiindu si Ese, Omwaami, ndahola Abamisiri, haandi koti lu ndabakiinga koti eeswi ehasi yikiingaanga emwiinyu yao hu mbaya, ndabaleeta ano yi ndi.

Ohutula 23:25

Nimuunyinamira, ese Omwaami, Nasaae weeng'we, mba njia ohubaberesa ehabi munyoole ebyohulya, neende amaachi haandi mbamaleho amalwaae keeng'we koosi.

Yisaaya 1:2

Wulira, ewe ekulu, haandi ewe esyaalo tekeeresa; olwohuba Omwaami niye olomaloome: Abaana bandanyoola ndahusa, nae baanjemeere.

Yisaaya 30:26

Hu ludaalo lu Omwaami yahaboyereho ebinyubulule by'abaandu bae, mani yawonia ebikoonjo byaabwe, omwoosi kwahaaduhe koti elyuuba, haandi obulafu bw'elyuuba bwahabe obuungi, koti obulafu bw'endaalo chitaanu-na-chibiri mu ludaalo lulala.

Yisaaya 46:3

“Tekeerese bi mboola, Eng'we ab'enyuumba ya Yakobbo, eng'we mweesi abadoong'ao hu nyuumba ya Yisiraeli, bandakiingaanga hu mabeka ohutula lumwibulwa, bandakiinga ohutula mu nda.

Yisaaya 63:9

Yabachuunirwa mu husaanda hwaabwe hwoosi. Niye omweene, ataali malaika wae, owabawonia. Mu buheeri bwae neende mu sisa syae, yabanunula. Yabaliinda mani yaabahoonyaanga mu bidinyu byaabwe ohutula hale.

Yeremia 30:17

Olwohuba njia ohubameedamo obulamu, haandi njia ohuwonia ebikoonjo beeng'we. Olwohuba abasuku beeng'we babalaanga bati mwasukunwa: ‘Siyooni syasukunwa, abulao osideebaho!’ Ese Omwaami, Niise oboolere.”

Yeremia 8:22

Mu Gileadi, mubulamo amalesi? Mubulamo omulesi yeesi? Siina esikayiire abaandu baange ohuwona?

Hosea 14:4

Mani Omwaami aboola ati, “Ese njia ohukobosa abaandu baange engo yiindi. Ese njia ohubaheera neende omwooyo kwaange kwoosi; sisisiiriho neende obunyoolefu bwoosi nabo daawe.

Hosea 2:8

Haba saachia ohunyala ohwiichulisaho mbwe niise oyo owamubechaangaho emere, amalwa, amafuta k'enaasi, haandi neende efeesa yoosi neende esaabbu yoosi yi yehoonyeraanga mu hwiinamiraanga Bbaali.

Hosea 7:1

“Buli lundahaanga ohuwonia Yisiraeli abaandu baange, haandi neende ohubahola abayiinda, biimbonanga byoong'ene ni obubi bwaabwe, neende ebyonoono bi bahola. Babachana abeene-na-beene; bahalaka nibeengira mu mayuumba mani nibeebana; banyaka abaandu hu makira.

Hosea 7:15

Kata neende nikali mbwe ni neese owabahusa mani ndaabadinya baaba neende amaani kakiire ao katyo, beecha bachaaka ohundeehoba.

Ebiholwa 13:18

Hu mbaka y'emyaaka amahumi kane, yabaliinda nibali mu siparara.

Amalako Kohubiri 1:31

neende mu siparara, yi mubweene Omwaami Nasaae weeng'we naabakiinga, koti omuundu yahakiinga omwaana wae, buli yi mwachiiraanga yoosi hu lukeendo lweeng'we ohwoola lu mwoolera abuundu ano.’

Amalako Kohubiri 33:27

Nasaae otaakama niye obakayirira, emihono kyae kitaakama niko ekibakaanira. Haandi asukuna erwaanyi abasuku beeng'we nimubona, mani n'aboola ati, “Sihirire.”

Amalako Kohubiri 8:2

Mwiichuliseenge koti lu Omwaami Nasaae weeng'we yabeemiriramo mu siparara emyaaka amahumi kane kino kyoosi, hu anyale ohubaloongoyasa, n'abateema ati anyale ohumanya ebiri mu myooyo kyeeng'we, abone nimunyala ohuloonda amalako kae kose haba.