Hosea 10:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ Esiloongaloongwe syeeng'we esyo sichia ohukiingibwa siyirwe Asiria koti omutuulu eyiri omuloobera mutuki muhunuufu. Abaandu ba Yisiraeli bachia ohuchalaaswa mani bamale badiirwe esoni, hulw'omunyira kubaloondakana nakwo.

EBBAIBBO EMBOOSI YA NASAAE

⁶ Esiloongaloongwe syeeng'we esyo sichia ohukiingibwa siyirwe Asiria koti omutuulu eyiri omuloobera mutuki muhunuufu. Abaandu ba Yisiraeli bachia ohuchalaaswa mani bamale badiirwe esoni, hulw'omunyira kubaloondakana nakwo.

Hosea 10:6 Iomraidhean Croise

2 Abatuki 17:3

Salimanesa, omutuki wa Asiria yaseeta Hosea ohumulwaania. Yayiingira Hosea, mani yaamuhola yaachaaka ohumutoosaanga omusolo.

Yobbu 18:7

Owali n'akeenda neende amaani, bulaanu yeendeherera sa haandi endekeha chae cheene nicho echimukwiisa aasi.

Yisaaya 1:29

Mani esoni chichia ohubadiira hulw'emisaala kimweenamiraanga; neende hulw'endalo chimwayanaanga eyiri emisaambwa.

Yisaaya 30:3

Sakira obuliindi bw'omutuki wa Misiri yi muli bwahabadiise esoni, haandi ohweesika ohuliindwa neende Misiri, hwahabaleetere amasira.

Yisaaya 45:16

Abo abahola ebiloongaloongwe bibeenamira, boosi-boosi yibakiire, esoni chahabadiire mani baateng'eng'ala endaalo ch'obulamu bwaabwe choosi.

Yeremia 48:13

Abamoabbu bahadiirwe esoni hulwa Kemosi, nasaae waabwe; koti lu Abaisiraeli badiirwa esoni hulwa Bbeteli, yibali nibeesika muno.

Yeremia 7:24

Nae nibahaya ohuwulira oba ohutekeeresa, ohutusaho baloondakana neende amakesi kaabwe keene, neende ebiholwa by'emyooyo kyaabwe mibi. Mani mubweyaango bw'ohusuda mu moni, bakaluha sa enyuma.

Esekeeli 16:28

“Wahola obucheke neende Abasiria bosi, olwohuba ewe haba soonyala ohwiikuta daawe. Mubwadyeeri bweene oholere nabo obucheke, nae kata neende abo bosi soonyalire ohwiikuta daawe.

Esekeeli 36:31

Ao niwo yi mwaheechulisire ebiima byeeng'we bibi neende ebiholwa byeeng'we bibi, mani mwesyuule hulw'ebyonoono byeeng'we neende eby'emisiro bi mwahola byoosi.

Hosea 4:19

Abo bachia ohudumuulwa baweeo neende omuyaka, mani bachia ohudiirwa esoni hulw'ebiyaanwa byaabwe by'obukafwiiri ebyo.

Hosea 4:7

“Obuungi bw'abalaamisi eng'we koti abwaaka, niwo yi mweesi mwaaka ohwonoona mu moni waange, mani sakira ese njia ohukaluuhania oluyaali lweeng'we lube esoni.

Hosea 5:13

“Mani Yisiraeli niyeecha yaabona ohulwaala huyali naali nahwo, haandi Yuda yesi niyeecha yaabona amakoonjo kae omweene, mani Yisiraeli yeecha yaachia Asiria ohusaba omutuki muhunuufu oyo obuhoonyi, nae yaahaya ohunyala ohubawonia daawe, kata sa ohunyala ohuwonia amakoonjo kaabwe.

Hosea 8:6

Omuisiraeli mubaachi ngaandi niye owahola ebiloongaloongwe ebyo, nae haba si nasaae niye kata nabudiidi! Esurusi yinamirwaanga mu Samaria yichia ohusaasakulwamo ebituundu-tuundu!

Mika 6:16

Olwohuba muloondakana neende ebiima bibi bya Omuri, neende ebiholwa by'enyuumba y'Ahabbu; haandi muholera hu makesi kaabwe. Mani eng'we abaandu baange, njia ohubasihirisa, haandi abaandu boosi bachia ohubalekeeresa. Buli abuundu, abaandu bachia ohubanyekaanga sa.