Hosea 10:12 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹² Mani ndeecha ndaboola endi, ‘Eng'we mwelimiire abeene obulime bukonera obwo, mani mumale mutaakemo obuluungifu, mani munyale ohukesa ehabi chi ohweyaanayo hweeng'we yiindi, huchia ohubaleetera. Esiha sino nisyo esyeeng'we ohukaluuhana yi ndi, ese Omwaami weeng'we, mani hu syeesi nyemeo nyale ohwiicha yi muli mani male mbwomoole ehabi hu eng'we.’

EBBAIBBO EMBOOSI YA NASAAE

¹² Mani ndeecha ndaboola endi, ‘Eng'we mwelimiire abeene obulime bukonera obwo, mani mumale mutaakemo obuluungifu, mani munyale ohukesa ehabi chi ohweyaanayo hweeng'we yiindi, huchia ohubaleetera. Esiha sino nisyo esyeeng'we ohukaluuhana yi ndi, ese Omwaami weeng'we, mani hu syeesi nyemeo nyale ohwiicha yi muli mani male mbwomoole ehabi hu eng'we.’

Hosea 10:12 Iomraidhean Croise

Esabbuli 105:4

Chiicheenge eyiri Omwaami nimudaha obuhoonyi; mumwiinamireenge butoli-toli.

Esabbuli 72:6

Ahoya yaaba koti efula yikwa hu bunyaasi bw'omuboka, haandi koti olunyirira luchuhiiriraanga eloba!

Engaado 11:18

Omuhola-mbi yebacha omweene ati achia ohunyoola omusaara, nae oyo ohola ebiluungifu, anyoola omusaara kw'elalira.

Engaado 18:21

Olulimi luli neende obunyala bw'ohuleeta ohufwa oba obulamu, mani omuundu abecheenge omwetekefu ohufukiirira bi alomalome bileeta.

Omuyaali 11:6

Yanyaanga emwo yao echuli, haandi neende engoloobe yosi. Olwohuba haba s'omanyire oba y'owaanyire echuli oba engoloobe, eyiriina eyinaahule bulai, oba choombi chinaabe endai mu ngeri nasilala.

Yisaaya 30:23

Mani buli lu munatakeenge emwo yeeng'we, Omwaami anaakwiseenge efula, mani yimera, yihula. Munyoole ekesa elai haandi eliingi. Ebyaayo byeeng'we binayireenge mu lwayiro luhoongo.

Yisaaya 31:1

Chibaakaanire abo abachia Misiri ohukoonya obuhoonyi nibeesika efaraasi chayo! Abeesika ebigaari byayo olwohuba mbwe biingi nibyo haandi abeesika abeerusi b'efaraasi echio olwohuba mbwe b'amaani muno, nae haba sibesika Omwoolerefu wa Yisiraeli kata sa ohweteeba hu Omwaami!

Yisaaya 32:20

Nae muli neende ehabi eng'we abataaka hu ndulo w'emyaalo, eng'we abali neende obwayiro buli abuundu yimwayira eng'oombe neende esuhiri nimutahungiire.

Yisaaya 44:3

Olwohuba ndahachuhe amaachi mu syaalo syomeranu, haandi emyaalo kyahahulukuse hu loba lyoomu. Mani ndahate Mwooyo waange hu baandu b'olwiibulo lwao, haandi ndahaberese abeechuhulu bweeng'we ehabi yaange.

Yisaaya 45:8

“Ewe ekulu, kwiisa obuluungifu, mani leha bwaanuhe ohutula aakulu bukwe aasi koti efula; leha esyaalo siikuhe, mani obuwonia bumeremo haandi leha obuluungifu bwosi bumeremo; Ese Omwaami, Niise oloongereo esyo.

Yisaaya 48:18

“Oba niwawulira ebilagiro byaange! Ao mani wahabeere neende omuleembe kuhulukusa koti omwaalo, haandi obuluungifu bwao bwahabeere koti efwiinda ch'enyaanja.

Yisaaya 5:6

Njia ohuyileha yisihe; haba siinjia huhalakiraanga emisabbiibbu oba ohwakaangamo daawe. Mani oluyoongo neende amawa nibyo ebyahamereengemo; haandi njia ohulagira amaleesi kahaye ohukwiisamo efula.

Yisaaya 54:14

Obuluungifu buchia ohuhuhola ow'amaani; mani wahawone ohufwiinyirirwa, olwohuba yibulao esichia ohuhutiisaho haandi; amatiichasi haba sikachia husudaho aambi naawe daawe.

Yisaaya 55:6

Koonye Omwaami nasiinyolehana, mumulaange, n'asisiiri aambi.

Yeremia 50:4

Omwaami aboola ati: “Ebiha ebyo nibyahoole, abaandu bomu Yisiraeli neende abaandu bomu Buyudaaya baheeche nibalira amasika, nibakoonya Omwaami Nasaae waabwe.

Esekeeli 34:26

“Njia ohubaberesa ehabi, haandi bahabecheenge mu loba lyeebodohaania esigulu syaange syoolerefu. Njia ohubakwiisiraanga efula mu biha bidahihana; yicha ohubeechaanga efula y'ehabi.

Hosea 12:6

Mani bulaanu, eng'we abeechuhulu ba Yakobbo, mwesike Nasaae weeng'we mani mumukobolere. Mube abatiiririrwa haandi abahola esihoyera, mani muliindirire Nasaae weeng'we ohubaaho neende syaahola, nimwesimiriise.

Hosea 14:1

Eng'we kobole eyiri Omwaami, Nasaae weeng'we, baandu ba Yisiraeli eng'we. Esibi syeeng'we sibaholere mweegumula mani mwaamala mwaakwa.

Hosea 6:3

Lehe huteemeho ohumanyaanga Omwaami oyo. Aba achia ohwichaanga yi huli obutakosa koti sa buli ludaalo luhyechaanga, haandi obutakosa koti efula yihola amadiba yikwichaanga hu syaalo huno.”

Hosea 8:7

Mani nibataaka emboo, bachia ohukesa esifuusye! Omukuunda kw'emere okutaangala haba sikunyalaanga ohutulamo omugaati kwoosi daawe. Nae kata nikuba nikunyalire ohuhola kutyo, abakeni boong'ene nibo ababa nibachia ohunyala ohukulya bakumalirane.

Amosi 5:15

Musyuuleenge ebibi, muheereenge ebilai. Mani muteeo obwadyeeri mu biko byeeng'we. Awuundi Omwaami, Nasaae w'Amaye, alikwiira esisa Abaisiraeli bahadoong'eo.

Amosi 5:4

Olwohuba Omwaami aboolera Abaisiraeli ati: “Mwiiche yi ndi mani munaabecheenge abalamu.

Amosi 5:6

Muchie eyiri Omwaami mani munaabecheenge abalamu. Mani Omwaami ahaye ohusihirisa enyuumba ya Yosefu koti omuliro, mani kusaambe abaandu bomu Bbeteli, naabulao onyala ohukusimya.

Amosi 5:8

Omwaami niye owaloonga eng'ining'ini cha Pileyade neende Orioni. Niye okaluuhania esiirima syaaba esideete. Haandi ebiha bibeere esideete, abikaluuhania byaaba esiro. Niye olaanga amaachi komu nyaanja, mani yaakachuha hu syaalo. Eliita lyae nilyo Omwaami.

Luka 13:24

“Muteemeho muno ohwiingirira mu mulyaango mudiiyu; olwohuba mbaboolera endi, abaandu baangi bachia ohuteemaho ohwiingira nae haba sibachia hunyala.

Ebiholwa 2:18

eee, haandi hu bahalaabani baange basaacha neende abahalaabani baange bahasi mu ndaalo echo, njia ohubachuhaho Mwooyo waange; mani bachia ohutuumbulaanga ebichia ohubaao.

2 Abakoriito 9:10

Oyo oberesa omuwaanyi emwo, neende ebiindu byohulya, achia ohubaberesa haandi ameede efuni yeeng'we haandi ameede ekesa ly'obuluungifu bweeng'we.

Yakobbo 3:18

Haandi abo abaleeta omuleembe banyoolamo obwadyeeri bwataakwa mu mireembe kino.