Hosea 1:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Omwaami niyalomaloma eyiri Yisiraeli ehabi litaangira ohubitira mu Hosea, yaboolera Hosea ati, “Ewe chia mani odeehye; omuhasi wao yoochia ohudeeya oyo achia ohuba otaali omweesikwa, nihaandi abaana bosi bachia ohuba sa koti ng'inaabwe. Mu ngeri nasilala eyo yityo, nilwo lu baandu baange boola baandeha mani beehola abataali abeesikwa daawe.”

EBBAIBBO EMBOOSI YA NASAAE

² Omwaami niyalomaloma eyiri Yisiraeli ehabi litaangira ohubitira mu Hosea, yaboolera Hosea ati, “Ewe chia mani odeehye; omuhasi wao yoochia ohudeeya oyo achia ohuba otaali omweesikwa, nihaandi abaana bosi bachia ohuba sa koti ng'inaabwe. Mu ngeri nasilala eyo yityo, nilwo lu baandu baange boola baandeha mani beehola abataali abeesikwa daawe.”

Hosea 1:2 Iomraidhean Croise

2 Ebyomubiha 21:13

Mubweyaango bw'ebyo, ewe waloondakana neende esyohuboneraho sy'abatuki ba Yisiraeli mani waayira abaandu ba Yuda neende Yerusalemu mu hutaba abeesikwa eyiri Nasaae, koti sa Ahabbu neende abamulondaangaho bayiraanga Yisiraeli mu butaali obweesikwa. Ewe haandi weeta bamwaanamaao, abali abaandu balai ohuhuhira.

Esabbuli 106:39

Mu ngeri yityo, mani nibeehola ab'omusiro hulw'ebiholwa byaabwe ebyo, haandi nibatula hu Nasaae waabwe.

Esabbuli 73:27

Olwohuba, abo boosi abali eyale ohutula yooli, bachia ohusihirira; ewe niiwe otechaanga enjakamo eyiri abo abataali ab'obwadyeeri yooli.

Yeremia 2:13

Olwohuba abaandu baange baholere ebyonoono bibiri: baandulireho Ese, esulo y'amaachi k'obulamu, mani abeene nibeyabira ebidiba, ebidiba byaadiha, ebitanyala ohubaamo amaachi kata nabudiidi.

Yeremia 2:20

Omwaami aboola ati: “Olwohuba ohutula hale-na-haandi, mwekaana obunyala bwaange mani mwanjeemera;” nimuboola muti, Sihuchia ohuhalaabanira. Eee, mani nimwiinamira banasaae baandi hu buli sigulu sileeyi neende aasi wa buli musaala mubisi.

Yeremia 2:23

Munyala mutye ohuboola muti, Haba sihunyasiihe, haba sihwiinamiraanga ba Bbaali? Bone koti lu mubitire mu hooho; manye bi muholere Muli koti engamia ndaaga eyidaha esaacha, eyiiruha niyijeemere ohudiirwa.

Yeremia 3:9

Olwohuba yali naadaha obucheke muno, yanyaasa esyaalo, niyeenamira amakina neende emisaala.

Esekeeli 6:9

mani eng'we abahabe nibawonereo, bahanjichulise nibali eyomu byaalo bi bayirwamo mu buwaambe. Bahamanye koti lu ndafunaka-funaka emyooyo kyaabwe kitaali emyeesikwa, ekyaandulaho, neende emoni chaabwe chaofula echakera nibakaluuhanira eyiri ebiloongaloongwe byaabwe nibabiinamira nibaandulaho. Abeene baheebwaabe nibabweene ebyonoono bi bahola, neende eby'omusiro byaabwe byoosi.

Hosea 2:7

Achia ohuloondanaanga neende abadya bae nae haba saachia ohunyala ohubakaana daawe. Mani hu anyale ohwoola yaboola ati, “Ese njia ohwekobolerayo eyiri wamwaange wataangira yi ndali ni ndi bulai ohuhira koti lu ndi bulaanu.”

Hosea 3:1

Omwaami yeecha yamboolera ati, “Ewe chia haandi weekese obuheeri eyiri omuhasi oyo oli ohuyiranaanga neende abasaacha baandi oyo. Ohoyere ohumuheera koti sa lu ese siiheera sa abaandu ba Yisiraeli, kata neende nibakaluuhana baachia eyiri banasaae baandi, haandi nibadahana neende ohuyiraanga ebiyaanwa byaabwe bya keeki ch'enduli nyomu eyiri ebiloongaloongwe.”

Hosea 5:3

Ese manyire bulai bweene koti Yisiraeli yifwaana haba saanyala ohundeekisaho daawe. Yali otaali omweesikwa, mani abaandu bae haba sibayera ohunyinamiraanga daawe.”

Mariko 1:1

Chino nicho Emboosi Ndai chilomaloma hu Yesu Kristo, Omwaana wa Nasaae.

Amalako Kohubiri 31:16

Omwaami yaboolera Musa ati, “Bona, oli aambi ohufwa obe alala neende bakuuka yao. Nae n'omalire ohufwa, abaandu bano haba sibachia ohuba abeesikwa yi ndi haandi bachia ohufunaka endagaano yaange yi ndahola nabo. Bahandehe ao mani bachaaka ohwiinamira banasaae bomu syaalo si bali aambi ohwiingiramo.

2 Petero 2:14

Nae neende emoni chaabwe bewuunja buli siindu neende obucheke mani beekoomba buli muundu yi babona. Obwekoombi bwaabwe bw'ohuhola ebyonoono haba sibuyenjeera. Bakwiisa abaandu bakata mu muteego haandi baheera ohuhola ebiindu by'okuliira. Bali koti abaandu ba Nasaae yamala ohubwaaba!

Ohubwiihulirwa 17:5

Nae hu bweeni bwae, hwali nihwandiikwaho eliita liri neende amahuluundu kali mu syaama mbwe: “Bbabbilooni Sihunuufu, ng'ina bairani boosi, neende abakosoobania enjirana boosi mu syaalo muno.”