Hosea 1:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Chino nichio emboosi chi Omwaami yaberesa Hosea omwaana na wa Bbeeri, mu biha bi Wusia, Yotamu, Ahasi, neende Hesekia bali nibali abatuki ba Yuda, neende Yerobboamu omwaana wa Yehoasi niyali naali omutuki wa Yisiraeli.

EBBAIBBO EMBOOSI YA NASAAE

¹ Chino nichio emboosi chi Omwaami yaberesa Hosea omwaana na wa Bbeeri, mu biha bi Wusia, Yotamu, Ahasi, neende Hesekia bali nibali abatuki ba Yuda, neende Yerobboamu omwaana wa Yehoasi niyali naali omutuki wa Yisiraeli.

Hosea 1:1 Iomraidhean Croise

2 Abatuki 13:13

Yoasi yafwa, Yerobboamu wohubiri yaamukaluha mu makulu koti omutuki wa Yisiraeli. Yehoasi yasiihwa mu Samaria yi basiihaanga abatuki ba Yisiraeli baandi.

2 Abatuki 14:16

Yehoasi yaafwa, mani bamusiiha mu Samaria alala neende abatuki ba Yisiraeli; mani Yerobboamu omwaana wae naamukobola mu makulu koti omutuki.

2 Abatuki 14:23

Mu mwaaka kw'ehumi neende hataanu okw'obutuki bwa Amasia omwaana wa Yoasi, omutuki wa Yuda, Yerobboamu omwaana wa Yehoasi, omutuki wa Yisiraeli yachaaka ohutukira mu Samaria, mani naatuka Yisiraeli ohumala emyaaka amahumi kane neende mulala.

2 Abatuki 15:32

Mu mwaaka kwa habiri kw'obutuki bwa Peeka omwaana wa Remalia, omutuki wa Yisiraeli, Yotamu omwaana wa Wusia, omutuki wa Yuda, yachaaka ohutuka.

2 Abatuki 15:5

Omwaami sakira yayaambya Wusia obulwaae; mani omutuki yaaba omugeenge ohwoola lu yafwiira. Yabechaanga mu nyuumba yae yeeng'ene. Omusyaani wae Yotamu niye owabechaanga mu dooho, naatuka abaandu bomu syaalo esyo.

2 Abatuki 15:7

Mani Wusia naafwa, nibamusiiha alala neende bakuukaang'ene mu siko sya Daudi. Yotamu omwaana wae niye owamukaluha mu makulu koti omutuki.

2 Ebyomubiha 27:1

Yotamu yeehaswa ohuba omutuki naali neende emyaaka amahumi kabiri neende kitaanu (25), mani yaanyala ohutukira mu Yerusalemu ohumala embaka y'emyaaka ehumi neende kisaasaba (16). Ng'ina yali Yerusa, omuhaana wa Sadoki.

2 Ebyomubiha 28:1

Ahasi yeehaswa ohuba omutuki naali neende emyaaka amahumi kabiri kyoong'ene, mani yaanyala ohutukira mu Yerusalemu ohumala embaka y'emyaaka ehumi neende kisaasaba. Haba siyanyala ohuloondakana neende ehola ndai y'Omutuki Daudi kukaang'ene; nae, yaholaanga ebitasaangaasa Omwaami

2 Ebyomubiha 29:33

haandi baleeta esurusi emia chisaasaba (600) neende amakoondi elifu chidatu (3,000) ohuba ebiyaanwa by'abaandu ohulya sa.

Yisaaya 1:1

Ohuboneherwa hwa Yisaaya omwaana w'Amosi, hu yaboneramo ebiindu bidiira hu Buyudaaya neende Yerusalemu mu ndaalo cha Wusia, Ahasi, Yonataamu neende Hesekia, abatuki ba Buyudaaya.

Yisaaya 7:1

Mu ndaalo echio, Ahasi omwaana wa Yotamu, omwiichuhulu wa Wusiya, niyali n'atuka Buyudaaya, Resini omutuki wa Siria, neende Peka omwaana wa Remalia, niyali n'atuka Yisiraeli, aliwo baseeta Yerusalemu nibadaha ohusilwaania, nae nibibahaya ohusiwaamba.

Yeremia 1:2

Omwaami yalomaloma neende Yeremia, mu mwaaka kw'ehumi neende chidatu, Yosia omwaana w'Amooni naali omutuki wa Buyudaaya.

Yeremia 1:4

Olwoola, Emboosi y'Omwaami yaanjichira niyiboola yiti:

Esekeeli 1:3

Eyomu Bbabbilooni hu ndulo w'Omwaalo kwa Kebbari, Omwaami yalomaloma naange mani amaani kw'Omwaami nikaanjichaho.

Yoeli 1:1

Chino nicho emboosi chi Omwaami yaberesa Yoeli, omwaana wa Petueli.

Amosi 1:1

Chino nicho emboosi chia Amosi, mulala hu baayi ba Tekoa. Bino byoosi bidiira hu Yisiraeli bi Nasaae yeekesa Amosi, Wusia naali omutuki wa Buyudaaya, neende Yerobboamu, omwaana wa Yoasi, naali omutuki wa Yisiraeli, emyaaka kibiri musisi niyisisiiri ohuba hu syaalo.

Yona 1:1

Olwoola, emboosi yo Omwaami yeechera Yona omwaana wa Amitai, niyiboola yiti,

Mika 1:1

Mu ndaalo cha Yotamu, Ahasi, neende Hesekia, abatuki bomu Buyudaaya, Omwaami yaberesa Miika owomu siko sya Moreseti emboosi chino echidiira hu Samaria neende Yerusalemu.

Sekaria 1:1

Mu mwoosi kwa hataanu-na-hadatu okw'omwaaka kwa habiri Dario naali omwaami wa Perisia, Omwaami yatusa emboosi yino niyehoonyera omunabbi Sakaria, omwaana wa Bberekia haandi omwiichuhulu wa Yido.

Yowaana 10:35

Bulaanu, Nasaae yabalaanga abaandu abo ati banasaae, abo ba mboosi ya Nasaae yeechera (haandi ebyandiiko byoolerefu haba sibinyala ohuhalakwa).

Abarooma 9:25

Sino nisyo sy'aboola mu sitabo sya Hosea: “Abatali abaandu baange njia ohubalaanga ‘Abaandu baange.’ Esyaalo si ndali nitaheera Njia ohusilaanga ‘Esiheerwa syaange.’

2 Petero 1:21

Olwohuba abulao omunabbi owali aholere omulimo kw'obunabbi niyedahiire omwene, nae abanabbi balomalomaanga ebitula eyiri Nasaae, Mwooyo Mwoolerefu n'abeeheremo.