Filimooni 1:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ Saba Nasaae endi ohuholera alala hwao neende Abakristo baandi, huhuhoonye ohwemeeda ohumanya ebilai byoosi bi hunyoola mu bulala neende Kristo.

EBBAIBBO EMBOOSI YA NASAAE

⁶ Saba Nasaae endi ohuholera alala hwao neende Abakristo baandi, huhuhoonye ohwemeeda ohumanya ebilai byoosi bi hunyoola mu bulala neende Kristo.

Filimooni 1:6 Iomraidhean Croise

Matayo 25:16

Omuundu yi baba “etalaata” chitaanu, yachia bwaangu yaachurusiramo, mani yanyoola etalaata chitaanu chiindi.

Matayo 5:16

Mani eng'we mwesi mulehe obulafu bweeng'we bwaaduhire abaandu hu banyale ohubona ebilai bi muhola mani bafumie Nasaae Seeng'we oli Muukulu.

1 Abakoriito 14:25

eby'omuungiso byomu mwooyo kwae biba bicha ohukisulwa; mani bikere, akwiire aasi obweeni bwae, nalaama Nasaae haandi n'aboola ati hane Nasaae abalimo.

1 Abakoriito 16:9

olwohuba omulyaango mutabaafu kumalire ohunjikulirwao ohuhola omulimo kw'amaani, haandi baliyo abaanyiingania abaangi.

Abafilipi 4:8

Mani nimaliirisa, basyaange, esiindu syoosi esyadyeeri, esiindu syoosi esy'oluyaali, esiindu syoosi esihoyera, esiindu syoosi esichweenufu, esiindu syoosi esidahibwa, esiindu syoosi esy'esisa, nikali mbwe aliwo obuluungifu bweene, nikali mbwe aliwo esiindu syoosi esihoyera ohukinisibwa, muhoyere ohubaasaanga hu biindu bifwaana koti bino.

Abakolosaayi 1:9

Mani, ohutulira elalira hu ludaalo lu hwawulirira hu buheeri obwo, hutaalehaho ohubasabiraanga, nihwekoomba huti, mwesi mwiichusibwe neende ohumanya naadaha mu makesi k'omwooyo neende ohumanyaanga,

Abakolosaayi 3:10

haandi mwamala ohwefwaala obulamu buyaaha, obuli ohweyobululaanga mu humanya ebichiana neende efwaani y'omuloongi wabwo.

Tito 3:14

Haandi yoomisira abaandu beefwe oti bahoyere ohweeka ohuholaanga ebiindu bilai, hu banyale ohuba abeetekefu ohuhoonyaanga mu bidinyu bikwaao bwaangu, bahayeenge ohubechaanga sa ao nibabula obuhoonyi bwoosi.

Abaibburania 6:10

Nasaae haba siyehubbira. Haba saacha hwiibirira omulimo kumwahola, oba obuheeri bu mwamala ohweekesa mu buhoonyi bumwatusa nimuhoonya abaandu bae, haandi bu musyemeeda ohuhoonya Abakristo basyeeng'we.

Yakobbo 2:14

Basyaange, silai siina si muundu ali nasyo n'aboola ati, “Ndi neende efukiirira”, nae ebiholwa byae haba sibyekesaho bityo? Efukiirira yae eyo yoong'ene yinyala ohumuwonia?

Yakobbo 2:17

Nilwo lu siri neende efukiirira: niyiba yoong'ene ataali ebiholwa biyisiira, efukiirira eyo yiba efu.

1 Petero 2:12

Ebiima byeeng'we eyiri abakafiiri bihoyere ohuba ebilai, kata neende nibateemaho ohubayaasa bati muli abahola-mbi, bachia ohubona ebiholwa byeeng'we bilai, mani bafumie Nasaae hu Ludaalo lw'ohwiicha hwae.

1 Petero 3:1

Mu ngeri nasilala, eng'we abahasi badeeha muwulireenge abasaacha beeng'we, hu mani nibalimo mwaabo abatafukiirira emboosi ya Nasaae, ebiima bilai by'abahasi baabwe binyale ohubahola babe abafukiiriri.

1 Petero 3:16

Nae muholeenge mutyo neende obuloonga nimubeesamo oluyaali, haandi lindeenge ebibaaso by'emyooyo kyeeng'we bulai. Haandi abaandu nibalomaloma bubi hu saambo ndai chi muli nachio mu Kristo, lehe banyoole esoni hu biindu bi balomaloma.

2 Petero 1:8

Ebyo byoosi nimuba nabyo mani byemeede obuungi, byahabahole ohuba ab'obuhoonyi, haandi abahola ebiholwa bilai mu humanya Omwaami weefwe Yesu Kristo.