Esy'Abaleefi 8:23 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

²³ Nibamala batyo, Musa yalibukula mani yaachia yaliita, yaabukulaho hu mabaanga kalyo, yaachia yaakabaha hu mbuliiriro y'ohutwi hw'omuhono muluungi hw'Arooni, haandi neende hu lwaala lusaacha lw'omuhono kwae muluungi, haandi hu lwaala lusaacha olw'ohukulu ohw'olwaande lw'omuhono omuluungi.

EBBAIBBO EMBOOSI YA NASAAE

²³ Nibamala batyo, Musa yalibukula mani yaachia yaliita, yaabukulaho hu mabaanga kalyo, yaachia yaakabaha hu mbuliiriro y'ohutwi hw'omuhono muluungi hw'Arooni, haandi neende hu lwaala lusaacha lw'omuhono kwae muluungi, haandi hu lwaala lusaacha olw'ohukulu ohw'olwaande lw'omuhono omuluungi.

Esy'Abaleefi 8:23 Iomraidhean Croise

Ohutula 29:20

Liite, mani omale obukuleho amabaanga kaandi okabahe hu mbuliiriro ch'amatwi k'Arooni neende abaana bae, neende hu njala saacha ech'amahono kaabwe maluungi haandi neende hu njala saacha ch'amakulu maluungi. Mala otyo mani owaanye amabaanga kadoong'ereho hu nyaande chine choosi ech'alutaari.

Ohutula 29:21

Haandi bukulaho hu mabaanga akali hu alutaari, neende amafuta kaawula, mani omale okanyulaanyuse hu Arooni neende hu ngubo chae, haandi neende hu basyaani bae alala neende engubo chaabwe. Ye, abaana bae, alala neende engubo chaabwe, byoosi biba bicha ohuba nibiyaanirweyo eyiri ese omweene.

Esy'Abaleefi 14:14

Omulaamisi wuno ahoyere ohubukulaho hu mabaanga k'ekoondi yere elyo, mani yaabaha hu mbuliiriro y'ohutwi hw'omuhono muluungi hw'omuundu oyo ochia ohulaangirirwa ohuba nataali ow'omusiro kwoosi eyiri abaandu koti lu miduunga kiba nikiri, hu lwaala lusaacha lw'omuhono omuluungi, haandi hu lwaala lusaacha lw'ohukulu hw'omuhono omuluungi.

Esy'Abaleefi 14:17

Haandi ahoyere ohubukulaho hu mafuta kali mu syaaba syae esyo, haandi neende hu mabaanga kaandi, k'ekoondi yere, mani abibahe hu mbuliiriro y'ohutwi hw'omuhono muluungi, hu lwaala lusaacha lw'omuhono muluungi, haandi neende hu lwaala lusaacha lw'ohukulu hw'omuhono muluungi kw'omuundu yi bachia ohulaangirira ohuba n'ali omulafu koti lu miduunga kiri.

Esy'Abaleefi 14:25

Mani aba achia bulaanu ohwiita ekoondi doto elyo, mani abukuleho amabaanga kalyo, akabahe hu mbuliiriro y'ohutwi hw'omuhono muluungi kw'omuundu oyo, haandi hu lwaala lusaacha lw'omuhono muluungi, haandi neende hu lwaala lusaacha lw'ohukulu hw'omuhono muluungi.

Esy'Abaleefi 14:28

Haandi ahoyere ohubukulaho hu amafuta ako mani yaakabaha abuundu nasilala ala yaaba naabahiremo amabaanga kala, Hu mbuliiriro y'ohutwi hw'omuhono muluungi hw'omuundu oyo, neende hu lwaala lusaacha lw'omuhono muluungi kw'omuundu oyo, hu lwaala lusaacha lw'ohukulu hw'omuhono muluungi kwae.

Esy'Abaleefi 7:37

Nae bino nibyo amalako akadiira hu biyaanwa bisaambwa byoosi, ebiyaanwa by'emere, ebiyaanwa by'esyonoono, ebiyaanwa by'ohutuunga ekobi, ebiyaanwa by'ohwaawula, alala neende ebiyaanwa by'ohukobola alala.

Abarooma 12:1

Basyaange, ohweema hu sisa siingi si Nasaae yatudiirira, mbekweeda nimboola endi: Muweeyo emibiri kyeeng'we eyiri Nasaae kibe koti esiyaanwa silamu, esyoolerefu, haandi esisangaasa Nasaae. Ohwo nihwo ohwiinamira Nasaae hwomu mwooyo hu muhoyere ohumuberesa.

Abarooma 6:13

Haandi mutakanyaanga ohuberesa esituundu syoosi sy'emibiri kyeeng'we eyiri esyonoono syasyehoonyera ohuhola ebichiiririrwa byasyo bibi. Ohutusaho, mweyaaneengeyo eyiri Nasaae, koti abo abamala ohutusibwa mu hufwa baaleetwa mu bulamu, haandi mweyaaneengeyo mweesi eyiri Nasaae, abehoonyere hulw'ebichiiririrwa biluungifu.

Abarooma 6:19

(Ndehoonyera enomanoma ya buli ludaalo, hulw'obukata bweeng'we koti abaandu lu bamanyiramo.) Hale mwali nimweyaanayo abeene elalira ohuba abahalaabani b'obucheke neende mu hwonoona, hulw'ebichiiririrwa bibi. Mu ngeri nasilala, bulaanu muhoyeerwe ohweyaanayo abeene elalira ohuba abahalaabani b'obuluungifu hulw'ebichiiririrwa byoolerefu.

1 Abakoriito 1:2

Eyiri omukaanda kw'abafukiiriri okuli Koriiti, eyiri abo abalabisirwa mu Kristo Yesu, abalaangwa ohuba abaluungifu, alala neende abo boosi abali buli abuundu woosi nibalangaanga eliita ly'Omwaami weefwe Yesu Kristo, haandi sidubaanie oli Omwaami waabwe haandi oweefwe fwesi:

1 Abakoriito 1:30

Oyo niye enjaako y'obulamu ohubitira mu Yesu Kristo, oyo yi Nasaae mweene yahola ohuba amakesi keefwe, obuluungifu bweefwe, haandi kata niye ohwooswa neende ohununulwa hweefwe;

1 Abakoriito 6:20

wamala ohukulwa neende obukusi buhoongo. Mani sakira ohoyere ohuberesa Nasaae oluyaali mu mubiri kwao.

Abafilipi 1:20

Esiindu sihira ohwekoomba neende ohusuubira muno nisyo siti, haba siinjia huhaywa ohwooseresa omulimo kwaange, nae endi ebiha byoosi kata bulaanu buti, njia ohuba neende esinani siingi esiteeta oluyaali lwa Kristo mu mubiri kwaange, kata andahabao omulamu oba niifwa.

Abafilipi 2:17

Kata amabaanga kaange kahaba nikachuhibwa aasi hu siyaanwa sy'ohweyaanayo sy'efukiirira yeng'we eyiri Nasaae. Nisiba sityo, ndi omusangaafu ohukabana esangaalo lyaange naang'we mweesi.

1 Abatesalonika 5:22

haandi mweebwabeenge esibi sya buli ngeri yoosi.

Abaibburania 2:10

Syali sihoyera Nasaae, owaloonga haandi oliinda buli siindu, ohuberesa Yesu obunyala bw'ohuyira abaandu mu buwonia ohubitira mu husaanda hwae, hwaanyale ohukera abaana baangi bakabaneho hu luyaali lwae.

Abaibburania 5:8

Kata neende niyali Omwaana wa Nasaae, yeekera mu husaanda hwae ohuba omuwulisi.