Esy'Abaleefi 7:2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

² Esisolo sihoyera esiyaanwa sino sihoyere ohwiitirwa hu lwaande lw'emukulu w'alutaari, yi bisolo by'ebiyaanwa bisaambwa byaawa biitirwaanga, mani amabaanga kasyo kanyulaanyusirwa hu nyaande chine choosi ech'alutaari.

EBBAIBBO EMBOOSI YA NASAAE

² Esisolo sihoyera esiyaanwa sino sihoyere ohwiitirwa hu lwaande lw'emukulu w'alutaari, yi bisolo by'ebiyaanwa bisaambwa byaawa biitirwaanga, mani amabaanga kasyo kanyulaanyusirwa hu nyaande chine choosi ech'alutaari.

Esy'Abaleefi 7:2 Iomraidhean Croise

Yisaaya 52:15

olwo nilwo luyahawukise ebyaalo biingi. Abatuki bahahaywe esy'ohulomaloma, mani baliteng'eng'ala sa; olwohuba bahabone esiindu sibatababoolereraangaho daawe, haandi bahamanye esiindu sibatawuliraangaho.”

Esekeeli 36:25

Njia ohubaanyusiraho amaachi, mani mbalabye mbatuseho obuchaafu bwoosi, neende ohwiinamira ebiloongaloongwe.

Esekeeli 40:39

Nae mu siseenge esyo, syotulaho hu wiingire mu lwaanyi, mwalimo emeesa chine; chibiri hu lwaande lulala, haandi chibiri hu lwaande luundi. Hu meesa chino, nihwo hu basiinjiraangaho ebisolo byoohu yaanayo nibisaambwa nibiri ebilaamba, neende eby'ebiyaanwa bi bayaana hulw'ebyonoono, neende ebiyaanwa ohumalao omusaango.

Esy'Abaleefi 1:11

Ahoyere ohusiitira hu lwaande lw'emukulu olwa alutaari, nae abalaamisi nabo nibo ababa nibachia ohunyulaanyusa amabaanga kasyo hu nyaande chine choosi echa alutaari.

Esy'Abaleefi 1:3

“Naaba niyoobba eng'oombe yae ohuba esiyaanwa sy'ohusaambwa, ahoyere ohuleetaanga esurusi yitaaliho obufwoolwa bwoosi. Ahoyere ohuyileetaanga hu mulyaango kw'Eyeema ly'Ohubaao hw'Omwaami, hu Omwaami anyale ohumusiima.

Esy'Abaleefi 1:5

Aba achia bulaanu ohwiitira abweene ao esurusi eyo, hu bulaanu abalaamisi b'Arooni abo banyale ohuyira mu moni w'Omwaami amabaanga, bakanyulaanyuse hu nyaande chine choosi ech'alutaari yiri mu siruwa sy'Eyeema elyo.

Esy'Abaleefi 14:13

Omulaamisi wuno ahoyere ohuchia mani yeetera ekoondi lino yi bisolo by'ebiyaanwa by'esyonoono biitirwaanga, haandi neende yi biyaanwa bisaambwa byaawa yi biitirwaanga. Ahoyere ohuhola atyo, olwohuba esiyaanwa sy'ohutuunga ekobi, koti sa lu siyaanwa sy'esyonoono lu siri, bichiira omulaamisi, nihaandi byosi byoolerefu muno.

Esy'Abaleefi 3:2

Omuundu oyo ahoyere ohuchichaanga ageeng'a omuhono hu mutwe kw'esisolo esyo, mani asiitira hu siruwa sy'Eyeema ly'Ohubaao hw'Omwaami. Mani hu mulaamisi w'Arooni yeemeo achie anyulaanyuse amabaanga ako hu nyaande chine choosi ech'alutaari

Esy'Abaleefi 3:8

ahoyere ohutechaanga omuhono kwae hu mutwe kwalyo oba okwayo, mani aliitira oba ayiitira mu moni w'Eyeema. Ao abalaamisi bahoyere ohuchichaanga mani baanyulaanyusa amabaanga hu nyaande chine choosi echa alutaari

Esy'Abaleefi 4:24

Ahoyere ohuchia yaabukula omuhono kwae mani yaakuta hu mutwe kwayo, mani ayiitire hu lwaande lw'emukulu lw'alutaari, yi bisolo by'ebiyaanwa by'ohusaambwa biwa biitirwaanga. Esiyaanwa sino siba siri esiyaanwa sy'ohumalao esyonoono esyo.

Esy'Abaleefi 4:29

Ahoyere ohuchia yaata omuhono kwae hu mutwe kwaayo, mani yaamala yayiitira hu lwaande lw'emukulu lw'alutaari, yi beeteraanga ebisolo by'ebiyaanwa by'ohusaambwa biwa.

Esy'Abaleefi 4:33

Achia ohubukulaanga omuhono kwae mani akuta hu mutwe kwalyo, mani aliitira hu lwaande lw'emukulu lw'alutaari, yi beeteraanga ebisolo by'ebiyaanwa by'ohusaambwa biwa.

Esy'Abaleefi 5:16

Ahoyere ohutuunga omutuungo kwaaba niyahaywa ohutuunga, haandi ahoyere ohumeedaho omutuungo kuundi okwa amahumi kabiri hu buli emia (100) ndala. Ahoyere ohubukula emituungo kino kyoombi mani yaachia yaakidiisa omulaamisi, mani omulaamisi oyo yayaanayo esisolo koti esiyaanwa sy'esyonoono sy'omuundu oyo, mani aleherwemo esyonoono esyo.

Esy'Abaleefi 5:7

Nae omuundu oyo naaba n'atanyala ohuyaana ebyo byoosi, aba anahoyera ohuleeta eyiri Omwaami amaguugu kabiri oba amabburuuku kabiri akafwa omutuungo okwo, buli lala nga lifwa esiyaanwa sy'esyonoono, nae eliindi lifwa esiyaanwa sy'ohusaambwa syaawa.

Esy'Abaleefi 5:9

mani amale anyulaanyuse amabaanga kaandi kalyo hu lwaande lulala olw'alutaari. Amabaanga kadoong'aho kaba kachia ohudaasirwa mu bweemero bw'alutaari eyo kaweemo koosi. Esiyaanwa sino siba siri esiyaanwa sy'ohumalao esyonoono esyo.

Esy'Abaleefi 6:25

ohuberesa Arooni alala neende abaana bae amalako akadiira hu biyaanwa by'esyonoono bino biti. Esisolo siba nisichia ohuyaanwa koti esiyaanwa sy'esyonoono, sihoyere ohwiitirwa hu lwaande lw'emukulu lw'alutaari, yi bisolo by'ebiyaanwa bisaambwa byoosi yi biitirwaanga. Esiyaanwa sino siba siri esiyaanwa syoolerefu muno.

Esy'Abaleefi 6:7

Mani omulaamisi oyo aba achia ohuyaana esiyaana esyo esy'esyonoono sy'omuundu oyo, mani anyale ohuleherwamo.

Ohubala 6:12

neende ohuyaanayo ebiha byaabwe eyiri Omwaami koti abanasareeti. Ebiha biba nibyamala ohubitao haba sibiba nibisiibalibwa daawe, olwohuba efwiiri lyaabwe liba nilyali nilyalabiswa, liba nilyamala ohubahwaho omukwoobo. Nae koti esiyaanwa sy'ohutuunga ekobi, bahoyere ohuleeta ekoondi yere ely'omwaaka mulala kwoong'ene.

Abaibburania 11:28

Efukiirira niyo eyakera Musa yataao esidyaalo sya Paasaka, haandi yaalagira ati, amabaanga kabahibwe hu njiki, hu malaika w'ohufwa ahaye ohwiita abaana ba Abaisiraeli baamberi.

Abaibburania 12:24

Mwiichire eyiri Yesu, owatekeha Endagaano Njaaha, neende eyiri amabaanga keediswa akasuubisa ebiindu bilai muno ohuhiraho amabaanga ka Abbeli.

1 Petero 1:2

Mwadoolwa neende esichiiririrwa si Nasaae Seefwe mweene yamanyira elalira ati, Mwooyo Mwoolerefu abahole mube aboolerefu, hu munyale ohuwulira Yesu Kristo mani aboose neende amabaanga kae. Lehe embabaasi neende omuleembe bibe ebyeeng'we mu bwiichufu.