Esy'Abaleefi 7:16 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁶ Nae omuundu yeesi n'aleeta esiyaanwa sy'ohukobola alala n'adaha ohwooseresa esyeyamo syoosi oba nisiba nisiri esyae omweene, koti esiyaanwa sy'ohweyaanayo hwae, haba sisiyikwa mbwe sihoyere ohuliibwa syoosi syaawa hu ludaalo lweene lwasiyaanirayo daawe, nae nisibaao esyo syoosi esidoong'aho, siba sihoyera ohuliibwa hu ludaalo luloondaho.

EBBAIBBO EMBOOSI YA NASAAE

¹⁶ Nae omuundu yeesi n'aleeta esiyaanwa sy'ohukobola alala n'adaha ohwooseresa esyeyamo syoosi oba nisiba nisiri esyae omweene, koti esiyaanwa sy'ohweyaanayo hwae, haba sisiyikwa mbwe sihoyere ohuliibwa syoosi syaawa hu ludaalo lweene lwasiyaanirayo daawe, nae nisibaao esyo syoosi esidoong'aho, siba sihoyera ohuliibwa hu ludaalo luloondaho.

Esy'Abaleefi 7:16 Iomraidhean Croise

Esabbuli 116:14

Njia ohumuberesa si ndamusuubisa mu lwiichuule lw'abaandu bae.

Esabbuli 116:18

Njia ohuberesa Omwaami ebiindu bi ndeeyama mu moni w'abaandu bae boosi,

Esabbuli 66:13

Mani njia ohwiicha nyingire mu nyuumba yao neende ebiyaanwa bisaambe; Ese njia ohuhutuunga ebyeeyamo byaange,

Ohutula 35:29

Abaandu ba Yisiraeli boosi abali nibekoomba ohuleetaho esiindu, baletaanga ebiyaanwa byaabwe eyiri Omwaami bihole omulimo ku mweene yali n'alagiire Musa ohuhola.

Engaado 7:14

“Nyaanireyo olwaleero ebiyaanwa by'ohusaasania, haandi malire ohwooseresa obweyamo bwaange;

Esekeeli 46:12

“Omutuki n'ayaanayo esiyaanwa si mweene atekeehe ohuyaana eyiri Omwaami, esiyaanwa sisaambwa nisiri esilaamba, oba esiyaanwa sy'ohusaasania, banaamwikulireengeo esiruwa syomu lwaanyi lwomuukati esyatingaala ebukwe. Anaatekeheenge esiyaanwa sisaambwa nisiri esilaamba oba esiyaanwa syae sy'ohukobola alala koti lw'aholaanga hu ludaalo lwa Sabbaato. Ebyo nibiweere, anaatuleenge erwaanyi, mani beekalao esiruwa sy'erwaanyi n'amalire ohutula.”

Esy'Abaleefi 22:23

Koti esiyaanwa syebihaya, onyala wayaana esisolo syadoondobana ohuhula, oba esyahula bubi, nae haba sisifukiirirwa mu hwooseresa esyeyamo daawe.

Esy'Abaleefi 22:29

Nooba n'oyaana esiyaanwa sy'ohweebasa eyiri Omwaami, loondakanaanga neende amalako koti lu kaboola hwoonyale ohufukiirirwaanga;

Esy'Abaleefi 23:38

Ebidyaalo bino bimeedwa sa hu Sabbaato bya buli ludaalo, nihaandi ebiyaanwa bino byosi bimeedwa sa hu biyaanwa by'eng'we by'olubeerera, neende ebiyaanwa by'eng'we by'ohwooseresa obweyamo bweeng'we, haandi neende ebiyaanwa by'ohwewaayo sa, bi muberesaanga Omwaami.)

Nahumu 1:15

Bone, wamwaanda ali ohwaakuhira hu ngulu naaleeta amakeni malai! Ali hu ngira yae ohuchia ohulaangirira obuyiingiri! Eng'we abaandu ba Yuda, huse ebidyaalo byeeng'we mani muberese Nasaae esiindu esyo si mwamulaka haandi mwaamuchwiichwiisira. Ababi haba sibachia ohufumaalira esyaalo syeeng'we haandi daawe. Abo bamala ohusihirisirwa elalira!

Ohubala 15:3

Eng'oombe surusi, ekoondi miiku, ekoondi dwaasi, oba embusi, binyala ohuyirwa eyiri Omwaami koti esiyaanwa sisaambwa syaakwa ekohe, oba koti esiyaanwa ohwooseresa esichubo syoosi, oba koti esiyaanwa sy'ohweyaanayo sa omweene, oba koti esiyaanwa hu muholo kw'esidyaalo kwa buli buhya; esaami y'ebiyaanwa y'ebyohulya bino yisangaasa Omwaami.

Amalako Kohubiri 12:11

Omwaani Nasaae weeng'we achia ohubeekesa abuundu yi yahabe n'adoolere ohwiinamirwaangao. Ao niwo yi muchia ohuyiraanga buli siindu si mbalagira: ebiyaanwa byeeng'we bisaambwa neende ebiyaanwa byeeng'we biindi, silala sy'ehumi syeeng'we neende ebiyaanwa bi muberesa Omwaami neende ebiyaanwa byoosi bi mwasuubisa nimweechubira Omwaami.

Amalako Kohubiri 12:17

Nae buli si muberesa Omwaami koti silala sy'ehumi, mutasiliraanga mu biko byeeng'we, kata asyahaba esy'engaano yeeng'we, oba esy'efini yeeng'we, oba esy'amafuta keeng'we, kata eng'oombe cheeng'we, oba ebyaayo byeeng'we bitaangira ohwiibulwa, oba esiyaanwa sisuubise syeeng'we si mweechuba ohuberesa Omwaami, oba esiyaanwa si muyaana nimwedahiire abeene, oba ebiyaanwa biindi bi mumuberesa.

Amalako Kohubiri 12:26

Nae ebiindu byoolerefu bi muli nabyo, neende ebyo bi mwasuubisa ohuyaanira Omwaami, munabibukulaanga mani mubiyira abuundu yi Omwaami achia ohudoola.

Amalako Kohubiri 12:6

Haandi nimuyira ebiyaanwa byeeng'we bisaambwa neende ebiyaanwa byeeng'we biindi, neende esituundu silala sy'ehumi, neende ebiyaanwa bi mwasuubisa Omwaami, neende eby'ebisolo bitaangira ohutula mu byaayo byeeng'we neende eng'oombe cheeng'we.