Esy'Abaleefi 6:10 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁰ Mani omulaamisi, naaba niyefwaalire esyefwaalo sy'elaasi, haandi neende esinyaasa esiimbikiti esy'elaasi, ahoyere ohuchia yaatusaho ekohe ly'obuchuude elyo, eliba nilidoong'ere hu alutaari, mani naalita endulo w'alutaari eyo.

EBBAIBBO EMBOOSI YA NASAAE

¹⁰ Mani omulaamisi, naaba niyefwaalire esyefwaalo sy'elaasi, haandi neende esinyaasa esiimbikiti esy'elaasi, ahoyere ohuchia yaatusaho ekohe ly'obuchuude elyo, eliba nilidoong'ere hu alutaari, mani naalita endulo w'alutaari eyo.

Esy'Abaleefi 6:10 Iomraidhean Croise

Esabbuli 20:3

Omwaami ahoya yechulisa ebiyaanwa byao byoosi, haandi yasiima ebiyaanwa byao bisaambwa!

Esabbuli 37:20

Nae ababi bachia ohusihirira; abasuku b'Omwaami bali koti oluyaali lw'abaayi, bahamao koti lu omwoosi kuduumuuha kuhamaangao mu bbaanga.

Esekeeli 44:19

Nae nibanaabecheenge nibatula erwaanyi ohuchia mu lwaanyi lw'erwaanyi eyiri abaandu, banefwaaluleengemo mberi engubo chaabwe ech'ohuhalaabaniramo, bachibiiha mu biseenge byoolerefu, mani befwaala engubo chiindi, hu ngubo chaabwe njoolerefu chihaye ohuholaanga esyonoono hu baandu daawe.

Esy'Abaleefi 1:13

Omuundu oyo haandi ahoyere ohwoosa bulai ebituundu biri mukati byoosi, haandi neende ebinama by'adaho, hu bulaanu omulaamisi oyo ayire esiyaanwa esyomu moni w'Omwaami, mani asisaambire syoosi hu alutaari. Esaami eyo, ey'esiyaanwa sy'esyohulya sino hu yiba yichia ohuba eyisangaasa Omwaami.

Esy'Abaleefi 1:9

Omuundu oyo ahoyere ohwoosa bulai ebituundu biba mukati byoosi, alala neende ebireenge by'adaho byoosi, mani omulaamisi oba n'ahoyere ohuba hu mulimo esiha esyo, niye oba naachia ohusaamba esiyaanwa esyo syoosi siweere hu alutaari. Mani esaami y'esiriiro siyaanwa sino yiba yichia ohuba eyisangaasa Omwaami.

Esy'Abaleefi 16:4

Niyamala ohuboola atyo, Omwaami yatusa ebilagiro biloondaho bino: Arooni n'asisiiri ohwiingira Abuundu Ahiramo Obwoolerefu, ahoyere mberi ohweyokaanga bulai, mani yefwaala ebyefwaalo by'obulaamisi biloondaho bino: Ekaanju ly'elaasi, neende esinyaasa sy'elaasi, olusibiro alala neende enjuunga.

Esy'Abaleefi 2:11

Abulao esiyaanwa sy'emere syoosi syooba noochia ohuyira eyiri Omwaami esiba siholeerwemo eemera; haba siohoyera ohwehoonyeraanga eemera lyoosi, oba obuuhi, mu siyaanwa sy'esyohulya sy'Omwaami.

Esy'Abaleefi 21:22

Omuundu koti oyo anyala yaalia ebyohulya biba nibiyaanirwe yiindi, esiyaanwa sy'ebyohulya byoolerefu, haandi neende kata esiyaanwa sihiramo obwoolerefu sy'esyohulya,

Esy'Abaleefi 4:12

mani abikiinga byoosi abitusa erwaanyi w'ekaambi, abiyira abuundu yi diini yibona koti anyirifu, yi bachuhaanga ekohe, mani eyo niyo yaaba anachichaanga abisaambiraangayo neende omuliro kw'ehwi.

Esy'Abaleefi 6:11

Naamala atyo, achia yafwaalulamo engubo echio choosi mani yafwaala echiindi mani yaakiinga ekohe elyo yaalitusa erwaanyi w'ekaambi yaaliyira abuundu ataali aw'omusiro.

Esy'Abaleefi 6:18

Mani hulw'endaalo choosi echiicha, buli muundu w'esisaacha omwiichuhulu w'Arooni, niye ohoyere ohulichaanga sino siyaanwa, nisiri koti omukabo kwaabwe okuchiiririra okw'ebyohulya okuyaanwa eyiri Omwaami. Mani omuundu yeesi odiiraho hu siyaanwa sy'esyohulya esyo, aba achia ohunyaalwa neende amaani k'obwoolerefu bwasyo.

Esy'Abaleefi 6:22

Endaalo choosi echiicha, esiyaanwa sino sichia ohuyaanwaanga neende buli mwiichuhulu w'Arooni oba naali ohuhalaabanaanga koti Omulaamisi Muhuluundu. Sihoyere ohusaambibwaanga bulaamba siwa, koti esiyaanwa sy'Omwaami.

Esy'Abaleefi 8:2

“Bukula Arooni alala neende abaana bae, obaire ena mulyaango w'Eyeema ly'Ohubaao hwaange, mani oleete ebyefwaalo by'obulaamisi, neende amafuta kaawulaanga, esurusi endoto ey'esiyaanwa sy'esyonoono, amakoondi amamiiku kabiri, haandi neende esimweero siichuule emigaati kitaabbaahirwe.

Ohubala 16:21

“Weseendeho weemere eyale neende abaandu bano, mani male mbasihirise mu meengisania.”

Ohubala 16:35

Mani Omwaami yatuma omuliro kwali nikweereba mani nikusaamba abasaacha bala emia chibiri neende amahumi kataanu (250) abali nibaleetere obubbaani.

Ohubwiihulirwa 19:14

Amaye koosi akali Muukulu kali nikamuloondaho, nikeruhira hu faraasi charachaari haandi nibefwaalire engubo ch'elaasi ndafu muno.

Ohubwiihulirwa 19:8

Amalire ohubeeresebwa engubo ch'elaasi ndafu chimilamilana ohwefwaala.” (Engubo ch'elaasi nicho ebiholwa bilai by'abaandu ba Nasaae.)

Ohubwiihulirwa 7:13

Mulala hu baandu bahuluundu yeecha yandeeba ati, “Bano baandu siina nibo abefwaalire amaganjuula ka rachaari, haandi batula yeena bweene?”