Esy'Abaleefi 5:13 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹³ Mani mu ngira yino nimwo mu mulaamisi aba achia ohuyaaniramo esiyaanwa sy'esyonoono sy'omuundu oyo, mani anyale ohuleherwamo esyonoono esyo. Nae ebidoong'ere byoosi biba eby'omulaamisi, koti ebiyaanwa by'emere.

EBBAIBBO EMBOOSI YA NASAAE

¹³ Mani mu ngira yino nimwo mu mulaamisi aba achia ohuyaaniramo esiyaanwa sy'esyonoono sy'omuundu oyo, mani anyale ohuleherwamo esyonoono esyo. Nae ebidoong'ere byoosi biba eby'omulaamisi, koti ebiyaanwa by'emere.

Esy'Abaleefi 5:13 Iomraidhean Croise

Hosea 4:8

Muyiindiyalira mu bibi by'abaandu baange, mani sakira mwekoomba sa muti bemeedeenge sa batyo ohwonoona.

Esy'Abaleefi 2:10

Ebiyaanwa biba nibidoong'ereo biba bichia ohuba eby'abalaamisi; biba biri ebyoolerefu muno, koti lu biba nibitusirwe hu byohulya biyaniirwe Omwaami.

Esy'Abaleefi 2:3

Emere yiba niyidoong'ereho hu siyaanwa sy'emere eyo yiba yoosi ey'abalaamisi. Njolerefu muno niyo, koti lu yiba niyitusirwe hu ebyohulya biba nibiyaaniirwe Omwaami.

Esy'Abaleefi 4:20

Ahoyere ohuholaanga hu surusi yino, ebiindu nasilala, koti bi yahahoyere ohuholaanga hu surusi y'esiyaanwa sy'esyonoono, mu ngira yino, anyala ohuhola esiyaanwa sy'abaandu bano boosi, banyala ohuleherwamo esyonoono esyo.

Esy'Abaleefi 4:26

Bulaanu ahoyere ohuchia mani yasaambira amasinya kayo koosi hu alutaari, koti sa lwaaba nasambaanga amasinya k'ebisolo biitwa koti ebiyaanwa by'ohukobola alala. Mani mu ngira yino, omulaamisi oyo aba n'amalire ohuyaana esiyaanwa sy'esyonoono sy'omwiimirisi oyo, mani aba achia ohuleherwaangamo.

Esy'Abaleefi 4:31

Bulaanu aba achia ohutusaangamo amasinya koosi, koti sa lu masinya katuswaanga mu bisolo biitwa koti ebiyaanwa by'ohukobola alala, mani haandi ahoyere ohubechaanga naali niye ochia yaabisaambiraanga hu alutaari, hu bulaanu esaami yino yinyala ohusangaasaanga Omwaami. Mani mu ngira yino yiti, nimwo mu mulaamisi aba achia ohuba nayaanire esiyaanwa sy'esyonoono sy'omusaacha oyo, oba achia ohuleherwaangamo.

Esy'Abaleefi 5:10

Bulaanu aba achia ohuloondiaho ohuyaana eyoni lyoohubiri koti esiyaanwa sy'ohusaambwa syaawa, ohuloondakana neende amalako kachiiraho. Mani mu ngira yino, nimwo mu mulaamisi aba achia ohuyaaniramo esiyaanwa sy'esyonoono sy'omusaacha oyo, mani anyale ohuleherwamo.

Esy'Abaleefi 5:12

Ahoyere ohubuleeta eyiri omulaamisi, ochia ohububukulaho oluyu lulala, lube koti esilolero syeekesa mbwe bwoosi bu bereeswe Omwaami, hu bulaanu yeemeo anyale ohusaambira hu alutaari koti esiyaanwa sy'esyohulya. Sino siyaanwa sy'ohumalao esyonoono esyo.

Esy'Abaleefi 5:14

Haandi Omwaami yeemao yaaberesa Musa amalako kano.

Esy'Abaleefi 5:16

Ahoyere ohutuunga omutuungo kwaaba niyahaywa ohutuunga, haandi ahoyere ohumeedaho omutuungo kuundi okwa amahumi kabiri hu buli emia (100) ndala. Ahoyere ohubukula emituungo kino kyoombi mani yaachia yaakidiisa omulaamisi, mani omulaamisi oyo yayaanayo esisolo koti esiyaanwa sy'esyonoono sy'omuundu oyo, mani aleherwemo esyonoono esyo.

Esy'Abaleefi 5:4

Omuundu yeesi n'adoondobana sa mani yaahola esyeyamo, kata neende asyahaba nisidiira hu siindu siina syeene, embaanga yimuhaya sa esiha syeene syaaba niyechulisiramo ati hane s'abeere n'amaliriire ohuhola atyo.

Esy'Abaleefi 5:5

Omuundu yeesi n'ahirwa omusaango, ahoyera ohweyolobya esyonoono esyo,

Esy'Abaleefi 5:6

mani n'atuunga omutuungo okuchiana neende esyonoono syaaba naaholere, ahoyere ohuleeta eyiri Omwaami ekoondi edwaasi, oba embusi edwaasi koti esiyaanwa. Omulaamisi aba achia ohuba n'ayaanira esiyaanwa sy'esyonoono sy'omusaacha oyo.

Esy'Abaleefi 7:6

Buli muundu w'esisaacha mulwiibulo lulaamisi, niye ohoyere ohusilyaaho, nae kata katyo sihoyere ohuliirwa Abuundu Woolerefu woong'ene, olwohuba siba nisiri esyoolerefu muno.

1 Abakoriito 9:13

Eng'we haba simumanyireho muti abo abaandiikwa ohuhalaabana mu Nyuumba ya Nasaae bahoyere ohunyoola ebyohulya byaabwe ohutula mu Nyuumba ya Nasaae eyo, haandi muti abo abahalaabanira hu alutaari bosi ohukabana hu biyaanwa bitusirwe?

1 Samueli 2:28

Ohutula mu nono choosi cha Yisiraeli, ndadoolamo edaala lyae ohubeechaanga abalaamisi baange, ohuhalaabaniraanga hu alutaari, ohunioohesaanga obubbaani, haandi ohwefwaalaanga engubo yilaangwa yiti efodi, ohundeteebaangaho. Haandi ndababeresa obunyala bw'ohuyiraanga omukabo hu biyaanwa bisaambirwa hu alutaari.