Esy'Abaleefi 4:34 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³⁴ Mani omulaamisi aba achia ohubukulaanga olwaala lwae, mani alwiiniha mu mabaanga k'esisolo esyo, mani abaha amabaanga hu bituundu byooki ebiri hu buli soonda y'alutaari, haandi amala achia abukula amabaanga kadoong'ereho, akachuha mu bweemero bw'alutaari eyo.

EBBAIBBO EMBOOSI YA NASAAE

³⁴ Mani omulaamisi aba achia ohubukulaanga olwaala lwae, mani alwiiniha mu mabaanga k'esisolo esyo, mani abaha amabaanga hu bituundu byooki ebiri hu buli soonda y'alutaari, haandi amala achia abukula amabaanga kadoong'ereho, akachuha mu bweemero bw'alutaari eyo.

Esy'Abaleefi 4:34 Iomraidhean Croise

Yisaaya 42:21

Omwaami, ohweema hu buluungifu bwae bw'ohuwonia abaandu, yasangaala ohufumia amalako kae mani abaandu bakeesemo oluyaali.

Esy'Abaleefi 4:18

Ahoyere haandi ohuchichaanga mani ata amabaanga kaandi hu bituundu byooki ebiri hu soonda cha alutaari y'obubbaani, mukati w'Eyeema, mani achuha akadoong'ere akomu bweemero bw'alutaari yehoonyerwaanga ohusambaanga ebiyaanwa, eyiri mu siruwa sy'Eyeema.

Esy'Abaleefi 4:25

Omulaamisi bulaanu aba achia ohwiicha mani abukule olwaala lwae mani alwiinihe mu mabaanga k'esisolo esyo, mani akate hu bituundu byooki biri hu soonda chia alutaari eyo, mani haandi achuhe akaba nikadoong'ereho aasi w'obweemero bw'alutaari eyo.

Esy'Abaleefi 4:30

Omulaamisi haandi aba achia ohubukulaanga olwaala lwae alwiiniha mu mabaanga k'esisolo esyo, mani abaha amabaanga hu bituundu byooki ebiri hu buli soonda, mani haandi abukula amabaanga kadoong'ereho koosi, akachuha hu bweemero bw'alutaari eyo.

Esy'Abaleefi 4:7

Haandi achia ohutechaanga amabaanga kaandi hu bituundu byooki ebiri hu buli soonda chiri hu alutaari y'obubbaani eyiri mu Yeema. Achia haandi ohuchuhaanga amabaanga kaba nikadoong'ereo koosi, hu bweemero bw'Alutaari yehoonyerwaanga mu husaamba ebiyaanwa, eyiri hu siruwa sy'Eyeema.

Yowaana 17:19

Ese ndeyaanayo omweene y'oli hulwaabwe, hu bosi abeene banyale ohweyaanayo mubwadyeeri.

Abarooma 10:4

Olwohuba Kristo yaakamia Amalako, hu buli muundu yeesi ofukiirira anyale ohuholwa ohuba omuluungifu neende Nasaae.

Abarooma 8:1

Mani bulaanu abaandu bali mu Kristo Yesu babulaho omusaango.

Abarooma 8:3

Bi lako litanyala ohuhola hulw'obukata bw'omubiri, Nasaae nae yabihola. Yaheengera esyonoono siri mu mubiri kwaange omusaango kwaasihira, n'atuma Omwaana wae mudeerwa, oweecha neende efwaani y'omuundu muhola-mbi, hwaanyale ohusihirisa esyonoono.

2 Abakoriito 5:21

Olwohuba hulweefwe, yamuhola yaaba esyonoono otaholaho esyonoono syoosi, hu bulaanu ohubitira mu mweene oyo, hunyale ohweehola obuluungifu bwa Nasaae.

Abaibburania 10:29

Bulaanu mubaasa muti omuundu olekeeresa Omwaana wa Nasaae, mani yaayira amabaanga k'endagaano ya Nasaae akamwoosaho esyonoono koti esiindu sibulamo obuhoonyi, haandi onyoolesa Mwooyo w'embabaasi, haba saachia hunyoola husaandisibwa huungi muno hwahoyerwa?

Abaibburania 2:10

Syali sihoyera Nasaae, owaloonga haandi oliinda buli siindu, ohuberesa Yesu obunyala bw'ohuyira abaandu mu buwonia ohubitira mu husaanda hwae, hwaanyale ohukera abaana baangi bakabaneho hu luyaali lwae.

1 Petero 2:24

Omweene yakiinga ebyonoono byeefwe mu mubiri kwae hu musalabba, hu hunyale ohuba abafwa eyiri esyonoono, nae hube abalamu eyiri obuluungifu. Ohweema hu bikoonjo byae mwanyoola ohuwonisibwa.

1 Petero 3:18

Olwohuba Kristo yafwa hulw'ebibi ehabi lala lyoong'ene, omuundu mulai yafwiira ababi, hwaanyale ohubaleeta eyiri Nasaae. Yeetwa mu mubiri, nae abweene ao yaabereswa obulamu mu mwooyo.