Esy'Abaleefi 4:26 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

²⁶ Bulaanu ahoyere ohuchia mani yasaambira amasinya kayo koosi hu alutaari, koti sa lwaaba nasambaanga amasinya k'ebisolo biitwa koti ebiyaanwa by'ohukobola alala. Mani mu ngira yino, omulaamisi oyo aba n'amalire ohuyaana esiyaanwa sy'esyonoono sy'omwiimirisi oyo, mani aba achia ohuleherwaangamo.

EBBAIBBO EMBOOSI YA NASAAE

²⁶ Bulaanu ahoyere ohuchia mani yasaambira amasinya kayo koosi hu alutaari, koti sa lwaaba nasambaanga amasinya k'ebisolo biitwa koti ebiyaanwa by'ohukobola alala. Mani mu ngira yino, omulaamisi oyo aba n'amalire ohuyaana esiyaanwa sy'esyonoono sy'omwiimirisi oyo, mani aba achia ohuleherwaangamo.

Esy'Abaleefi 4:26 Iomraidhean Croise

Esy'Abaleefi 4:20

Ahoyere ohuholaanga hu surusi yino, ebiindu nasilala, koti bi yahahoyere ohuholaanga hu surusi y'esiyaanwa sy'esyonoono, mu ngira yino, anyala ohuhola esiyaanwa sy'abaandu bano boosi, banyala ohuleherwamo esyonoono esyo.

Ohubala 15:28

Naali hu alutaari bweene, omulaamisi aba achia ohuholerayo omuduunga kw'ohulabiswa ohwoosa omuundu oyo ohutula hu syonoono syae, mani amale aleherwemo.

Esy'Abaleefi 5:10

Bulaanu aba achia ohuloondiaho ohuyaana eyoni lyoohubiri koti esiyaanwa sy'ohusaambwa syaawa, ohuloondakana neende amalako kachiiraho. Mani mu ngira yino, nimwo mu mulaamisi aba achia ohuyaaniramo esiyaanwa sy'esyonoono sy'omusaacha oyo, mani anyale ohuleherwamo.

Esy'Abaleefi 4:35

Bulaanu haandi aba achia ohutusaangamo amasinya koosi, koti sa lu masinya katuswaanga mu koondi liitwaanga koti esiyaanwa sy'ohukobola alala, mani akasaambireenge hu alutaari eyo alala neende ebiyaanwa by'ebyohulya ebiba nibibereeswe Omwaami. Mani mu ngira yino nimwo mu mulaamisi aba nayaanire esiyaanwa sy'esyonoono sy'omusaacha oyo, mani aleherwaangamo.

Esy'Abaleefi 4:31

Bulaanu aba achia ohutusaangamo amasinya koosi, koti sa lu masinya katuswaanga mu bisolo biitwa koti ebiyaanwa by'ohukobola alala, mani haandi ahoyere ohubechaanga naali niye ochia yaabisaambiraanga hu alutaari, hu bulaanu esaami yino yinyala ohusangaasaanga Omwaami. Mani mu ngira yino yiti, nimwo mu mulaamisi aba achia ohuba nayaanire esiyaanwa sy'esyonoono sy'omusaacha oyo, oba achia ohuleherwaangamo.

Esy'Abaleefi 3:5

Abalaamisi bahoyere ohuchichaanga baasaambira bino byoosi hu alutaari, alala neende ebiyaanwa bisaambe. Olwohuba esaami y'esiyaanwa sino esy'ebyohulya, yisangaasa Omwaami.

Esy'Abaleefi 6:7

Mani omulaamisi oyo aba achia ohuyaana esiyaana esyo esy'esyonoono sy'omuundu oyo, mani anyale ohuleherwamo.

Esy'Abaleefi 5:18

Ahoyere ohuleeta eyiri omulaamisi, esiyaanwa sy'ohutuunga ekobi, esiyaanwa sy'ekoondi emiiku, oba embusi ehole, buli situla nga haba sisiriho obufwoolwa bwoosi. Bulaanu ebbeyi y'esisolo esyo yihoyere ohuheengwao ohweema hu bbei yiba niyafukiirirwa ohukulirwaho. Omulaamisi bulaanu aba achia ohuyaana esiyaanwa sy'esyonoono si muundu oyo aba naaholere meechuhana, mani aleherwemo.

Esy'Abaleefi 5:16

Ahoyere ohutuunga omutuungo kwaaba niyahaywa ohutuunga, haandi ahoyere ohumeedaho omutuungo kuundi okwa amahumi kabiri hu buli emia (100) ndala. Ahoyere ohubukula emituungo kino kyoombi mani yaachia yaakidiisa omulaamisi, mani omulaamisi oyo yayaanayo esisolo koti esiyaanwa sy'esyonoono sy'omuundu oyo, mani aleherwemo esyonoono esyo.

Esy'Abaleefi 5:13

Mani mu ngira yino nimwo mu mulaamisi aba achia ohuyaaniramo esiyaanwa sy'esyonoono sy'omuundu oyo, mani anyale ohuleherwamo esyonoono esyo. Nae ebidoong'ere byoosi biba eby'omulaamisi, koti ebiyaanwa by'emere.

Esy'Abaleefi 1:4

Omusaacha oyo ageeng'anga omuhono kwae hu mutwe kwayo, hu yinyale ohufukiirirwa koti esiyaanwa si nyala ohumalao ebyonoono byae.

Esy'Abaleefi 4:19

Bulaanu ahoyere ohubukulaanga amasinya kayo koosi, mani akasaambiraanga hu alutaari eyo.

Esy'Abaleefi 12:8

Nae nikali mbwe omuhasi oli atyo naaba naatanyala ohunyoola ekoondi doto, mani aba achia ohunyala ohuleetaanga amabburuuku kabiri oba amaguugu kabiri, lala liba lichia ohubechaanga ely'esiyaanwa sisaambwa syaawa, nae eliindi liba lichia ohubechaanga ely'esiyaanwa sy'esyonoono, mani omulaamisi yeemeo anyale ohuhola omuduunga kw'ohumumalaho omusiro kwae okwo, hwaabe olabisibwe koti emiduunga kiba nikiri.

Esy'Abaleefi 14:18

Naamala atyo, bulaanu achia yaabukula amafuta kaba nikadoong'ereho hu syaaba sy'omuhono kwae, mani yaakachuha yaakamasira hu mutwe kw'omuundu oyo. Mani mu ngira yino, niyo yaaba achia ohuba naanyalire ohuhola omuduunga kw'ohulabiswa.

2 Ebyomubiha 29:24

Ebyo nibiweere, abalaamisi abo beeta embusi echio mani baachuha amabaanga kachio hu alutaari ohuba koti esiyaanwa esimalao esyonoono sy'abaandu boosi, olwohuba omutuki oyo yali n'alagiire ati ebiyaanwa bisaambwa, neende ebiyaanwa by'esibi biholerwe Yisiraeli yoosi.

Esy'Abaleefi 15:15

Omulaamisi oyo bulaanu achia ohubukulaanga lala mani aliyaana koti esiyaanwa sy'esyonoono, nae eliindi aliyaana koti esiyaanwa sy'ohusaamba syaawa. Mani mu ngeri yino nimwo mu mulaamisi aba anaba naaholeere omuundu wuno, omuduunga kw'ohumulabya koti lu miduunga kiba nikiri.

Esy'Abaleefi 17:11

Olwohuba obulamu bwa buli siindu silamu buli mu mabaanga, mani sakira, Omwaami yalagira ati, amabaanga koosi kahoyeere ohuchuhwaanga hu alutaari, hu kanyale ohumalaangao ebyonoono by'abaandu. Mani amabaanga kano, akeene akali obulamu niko akanyala ohumalao ebyonoono.

Esy'Abaleefi 19:22

mani omulaamisi aba achia ohuholera omuduunga kw'ohulabiswa, ohumalao esyonoono sy'omusaacha oyo, mani Nasaae aba achia ohumuleheramo.

Ohubala 15:25

Omulaamisi aba ahoyere ohuholera abaandu abo boosi omuduunga kw'ohulabya, mani hu banyale ohuleherwamo, olwohuba esisobyo esyo siba nisyali esitachiiririirwe daawe, haandi baba bamalire ohuleeta esiyaanwa syaabwe sy'esyonoono, koti esiyaanwa sy'ohulabisibwa eyiri Omwaami.

Esekeeli 43:22

Hu ludaalo luloondaho, wahayaane ehole eyitaaliho embala yoosi koti esiyaanwa sy'ebyonoono; mani alutaari yiba yicha ohulabiswa, koti lu yalabiswa neende esurusi.