Esy'Abaleefi 4:12 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹² mani abikiinga byoosi abitusa erwaanyi w'ekaambi, abiyira abuundu yi diini yibona koti anyirifu, yi bachuhaanga ekohe, mani eyo niyo yaaba anachichaanga abisaambiraangayo neende omuliro kw'ehwi.

EBBAIBBO EMBOOSI YA NASAAE

¹² mani abikiinga byoosi abitusa erwaanyi w'ekaambi, abiyira abuundu yi diini yibona koti anyirifu, yi bachuhaanga ekohe, mani eyo niyo yaaba anachichaanga abisaambiraangayo neende omuliro kw'ehwi.

Esy'Abaleefi 4:12 Iomraidhean Croise

Ohutula 29:14

Nae chia osaambire enyama yoosi ey'esurusi eyo, eseero lyayo obuse bwayo, alala neende amala koosi erwaanyi w'ekaambi eyo. Sino sichia ohuba esiyaanwa sy'ebyonoono by'obulaamisi.

Esekeeli 43:21

Haandi ohoyere ohubukulaanga esurusi yohuyaana hulw'ebyonoono, mani oyisaambira abuundu wadoolwao womu Nyuumba ya Nasaae, erwaanyi w'abuundu woolerefu.

Esy'Abaleefi 13:46

Oyo adoong'a sa naali ow'omusiro eyiri abaandu ebiha byoosi bi alimala naali neende obulwaae obwo, nihaandi omuundu oyo ahoyere ohumenyaanga erwaanyi w'ekaambi, niyekabuule yeeng'ene ohutula hu baandu baandi.

Esy'Abaleefi 16:27

Esurusi yira alala neende embusi yira echiba nichehoonyerwa ohuba esiyaanwa sy'esyonoono, bi mabaanga kabyo kaba niko akaleetwa Abuundu Ahiramo Obwoolerefu, ohumalao esyonoono, biba bichia ohukiingwaanga mani bituswe erwaanyi w'ekaambi mani bisaambweenge biwa. Amaseero, enyama choosi, alala neende amala koosi, bihoyere ohusaambwaanga biwa.

Esy'Abaleefi 4:21

Bulaanu haandi aba achia ohunyala ohubukulaanga esurusi eyo yoosi mani ayitusa erwaanyi w'ekaambi eyo mani ayisaamba, koti sa lwasaamba esurusi yaaba nayaanireyo hulw'esyonoono syae omweene. Sino siba sichia ohubechaanga esiyaanwa simalao esyonoono sy'oluyia lwoosi.

Esy'Abaleefi 6:23

Abulao esituundu syoosi esy'esiyaanwa sy'emere si mulaamisi yeesi yoobba esihoyere ohuliibwa daawe; syoosi sihoyere ohusaambibwa syaawa.

Esy'Abaleefi 6:30

Nae amabaanga kaandi koosi nikaleetwa keengiswa mu Yeema, mani kehoonyerwa mu muduunga kw'ohumalao esyonoono, esisolo esyo haba sisiba nisihoyeerwe ohuliibwa daawe; siba sihoyere ohusaambwaanga sa siwa.

Esy'Abaleefi 6:4

Omuundu yeesi naaba naaholere esyonoono, mani yaamanya ati sy'aholere sibi nisyo, ahoyere ohutulaniramo yaachia yaakobosayo esyo syoosi syaaba n'anyoolere oba niyanyoola mu bwiibi, oba syaaba yanyoola mu hufwiinyirira abaasye, oba ohutula hu siindu sibamusiingira, oba ohutula hu siindu siba nisyakota mani nae yaaba niyasidoola sa,

Esy'Abaleefi 8:17

Yabukula ebituundu bidoong'ereo byoosi eby'esurusi eyo, n'oteereho neende eseero lyeene, enyama yoosi, haandi neende amala koosi, mani naabisaambira erwaanyi w'ekaambi, koti lu Omwaami yali n'alagiire.

Esy'Abaleefi 9:11

Nae yabukula enyama yoosi alala neende eseero lyeene mani yaatula yaachia yaabisaambira erwaanyi w'ekaambi.

Ohubala 15:35

Mani Omwaami yaboolera Musa ati, “Omusaacha oyo ahoyere ohuwiitwa sa; haandi abaandu boosi bahoyere ohumuhubbaho amakina afwe nibamutusire erwaanyi w'ekaambi.”

Ohubala 19:3

bayiberese Eliasaari omulaamisi. Yiba bulaanu yihoyeere ohutusibwa erwaanyi w'ekaambi, mani yiitirwe mu moni wae.

Ohubala 19:5

Esyaayo syoosi, n'oteereho neende eseero lyeene, enyama, amabaanga, neende amala, bihoyere ohusaambirwa mu moni w'omulaamisi ohwoola lu bikwa ekohe.

Ohubala 5:3

Tuse erwaanyi, abaandu bano boosi abali ab'omukwoobo ohweema koti emiduunga ky'ediini kiri, hu bahaye ohubaha ekaambi yoosi omukwoobo okwo, mu ese mweene ndamenya mu baandu baange.”

Abaibburania 13:11

Omulaamisi Muhuluundu w'Esiyudaaya ayira amabaanga k'ebisolo Abuundu Ahiramo Obwoolerefu, mani yakayaana koti esiyaanwa sy'ebyonoono; nae ebisolo byeene bisaambirwa erwaanyi w'eyeema.