Esy'Abaleefi 3:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Abalaamisi bahoyere ohuchichaanga baasaambira bino byoosi hu alutaari, alala neende ebiyaanwa bisaambe. Olwohuba esaami y'esiyaanwa sino esy'ebyohulya, yisangaasa Omwaami.

EBBAIBBO EMBOOSI YA NASAAE

⁵ Abalaamisi bahoyere ohuchichaanga baasaambira bino byoosi hu alutaari, alala neende ebiyaanwa bisaambe. Olwohuba esaami y'esiyaanwa sino esy'ebyohulya, yisangaasa Omwaami.

Esy'Abaleefi 3:5 Iomraidhean Croise

1 Abatuki 8:64

Mani ludaalo lweene olwo, Nasaae yaanyala ohulabya abuundu bali akatikaati w'olwaanyi, abuundu bali mu moni w'Enyuumba ya Nasaae, mani haandi naanyala ohuyaana esiyaanwa sisaambwa syaakwa ekohe, esiyaanwa sy'emere, haandi neende amasinya k'ebisolo by'ebiyaanwa by'ohukobola alala. Yahola sino atyo, hulw'alutaari y'esyuuma sya mugasa yali niyiri endiidi muno eyitayeraho ebiyaanwa bino byoosi.

2 Ebyomubiha 35:14

Luunyuma lwa bino ohuwa, Abaleefi beekaba enyama chaabwe abeene, haandi neende ech'Abalaamisi b'olwiibulo lw'Arooni, olwohuba abalaamisi badiiyiha neende emirimo ohwoola esiro syeene, nibasaamba ebisolo byali nibihoyere ohusaambwa ebilaamba, haandi neende amasinya k'ebiyaanwa.

Ohutula 29:13

Ohuloondia, chia obukule amasinya koosi akabwiihaanga ku bituundu byoosi eby'omuukati, ebituundu bihiramo obulai eby'esini, neende efuko chibiri neende amasinya kachiriho koosi, mani obisaambire byoosi hu alutaari, bibe esiyaanwa siwumbereese ese.

Esekeeli 44:15

Omwaami Nasaae aboola ati: “Nae abalaamisi abo, ab'enono ya Sadoki, abadoong'a nibaliinda Abuundu waange woolerefu, Abaisiraeli baandi boosi ni beyaaba baandulaho, bachia ohusuda aambi naange mani baahalaabanire, haandi bachia ohwiichia mu moni waange ohuunyaanira amasinya neende amabaanga k'ebiyaanwa.

Esekeeli 44:7

Munyaasire Enyuumba yaange nimufukiirira abateende bataali abahebe, abaandu bataafukiirira, ohwiingira mu Nyuumba yaange, amasinya neende amabaanga nibiri ohuunyaanirwa. Olwo nilwo lu baandu baange bafunakira endagaano yaange, ohumeeda hu ebiindu by'omusiro byaabwe byoosi.

Esy'Abaleefi 1:13

Omuundu oyo haandi ahoyere ohwoosa bulai ebituundu biri mukati byoosi, haandi neende ebinama by'adaho, hu bulaanu omulaamisi oyo ayire esiyaanwa esyomu moni w'Omwaami, mani asisaambire syoosi hu alutaari. Esaami eyo, ey'esiyaanwa sy'esyohulya sino hu yiba yichia ohuba eyisangaasa Omwaami.

Esy'Abaleefi 1:17

Ahoyere ohudiiraanga embaya chalyo, mani yaabulaniamo eyoni elyo amahabi kabiri, naatahalaakeho embaya echio mani amale alisaambire lyoosi hu alutaari. Esaami y'esiyaanwa esyohulya yino yisangaasa Omwaami.”

Esy'Abaleefi 1:9

Omuundu oyo ahoyere ohwoosa bulai ebituundu biba mukati byoosi, alala neende ebireenge by'adaho byoosi, mani omulaamisi oba n'ahoyere ohuba hu mulimo esiha esyo, niye oba naachia ohusaamba esiyaanwa esyo syoosi siweere hu alutaari. Mani esaami y'esiriiro siyaanwa sino yiba yichia ohuba eyisangaasa Omwaami.

Esy'Abaleefi 3:11

Mani omulaamisi oli ohuhulira omulimo okwo, niye oba ahoyera ohuchichaanga mani asaambira ebituundu bino byoosi hu alutaari, koti esiyaanwa sy'esyohulya eyiri Omwaami.

Esy'Abaleefi 3:4

efuko choombi alala neende amasinya kaahwo, haandi neende ebituundu bihiramo obulai eby'esini.

Esy'Abaleefi 4:31

Bulaanu aba achia ohutusaangamo amasinya koosi, koti sa lu masinya katuswaanga mu bisolo biitwa koti ebiyaanwa by'ohukobola alala, mani haandi ahoyere ohubechaanga naali niye ochia yaabisaambiraanga hu alutaari, hu bulaanu esaami yino yinyala ohusangaasaanga Omwaami. Mani mu ngira yino yiti, nimwo mu mulaamisi aba achia ohuba nayaanire esiyaanwa sy'esyonoono sy'omusaacha oyo, oba achia ohuleherwaangamo.

Esy'Abaleefi 4:35

Bulaanu haandi aba achia ohutusaangamo amasinya koosi, koti sa lu masinya katuswaanga mu koondi liitwaanga koti esiyaanwa sy'ohukobola alala, mani akasaambireenge hu alutaari eyo alala neende ebiyaanwa by'ebyohulya ebiba nibibereeswe Omwaami. Mani mu ngira yino nimwo mu mulaamisi aba nayaanire esiyaanwa sy'esyonoono sy'omusaacha oyo, mani aleherwaangamo.

Esy'Abaleefi 6:12

Omuliro kuli hu alutaari kuhoyere ohulehwa nikwaaduhaanga sa esiha syoosi, nae kutalehwaanga kusima daawe. Buli echuli, omulaamisi ahoyere ohuchichaanga n'ameedaho eehwi, naatekehaho bulai ebiyaanwa bisaambwa byoosi, haandi n'asaamba amasinya k'esiyaanwa sy'ohukobola alala.

Esy'Abaleefi 7:28

Haandi Omwaami yaaberesa Musa amalako kano

Esy'Abaleefi 9:17

Yayaanayo esiyaanwa sy'emere, mani yaabukula obusye oluyu lulala, mani yasaambira hu alutaari. (Sino syali nisimeeda hu siyaanwa sya buli ludaalo esisaambwa syaawa.)

Ohubala 15:8

Nae eng'oombe surusi niyo eyiyaanwa eyiri Omwaami koti esiyaanwa sisaambwa syaakwa ekohe, oba koti esiyaanwa ohwooseresa esichubo, oba koti esiyaanwa sy'ohukobola alala,

Ohubala 18:17

Nae ebyaamberi by'eng'oombe, amakoondi, neende embusi, haba sibihoyere ohukulwa byaakoboswa daawe; ebyo byoosi byaange hu bwaange sa, mani bihoyeerwe ohuyaanibwa sa. Nyulaanyusaanga amabaanga kabyo hu alutaari, haandi osambaanga amasinya kabyo koti esiyaanwa sy'esyohulya, esy'esaami yisangaasa.

Ohubala 28:12

Nae koti esiyaanwa sy'emere, yaanaanga obusye busasaaniiswe neende amafuta k'enaasi: alala neende buli ng'oombe surusi ndala, ekiloguraamu chidatu ech'obusye; nae alala neende ekoondi emiiku, ekiloguraamu chibiri;

Ohubala 28:3

Mani bino nibyo ebiyaanwa by'ebyohulya ebihoyeere ohuyirwaanga eyiri Omwaami: hulw'esiyaanwa sisaambe sya buli ludaalo ni, amakoondi kabiri amayere amasaacha k'omwaaka mulala okw'obuhuluundu, akabulaho obufwoolwa bwoosi.

1 Petero 2:5

Olwohuba mwesi muli amakina malamu akoombahirwa Enyuumba ya Nasaae y'omwooyo, yi muchia ohuhalaabanira koti abalaamisi boolerefu, nimuwaana ebiyaanwa by'omwooyo bi Nasaae yakaanira ohubitira mu Yesu Kristo.