Esy'Abaleefi 3:3 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ hwaamala ayira ebituundu bino biti, ohuba ebiyaanwa by'ebyohulya eyiri Omwaami, amasinya koosi akaba hu bituundu by'omuukati,

EBBAIBBO EMBOOSI YA NASAAE

³ hwaamala ayira ebituundu bino biti, ohuba ebiyaanwa by'ebyohulya eyiri Omwaami, amasinya koosi akaba hu bituundu by'omuukati,

Esy'Abaleefi 3:3 Iomraidhean Croise

Esabbuli 119:70

Emyooyo kyaabwe chonooniswe, nae ese sangaalira ebilagiiriro byao

Ohutula 29:13

Ohuloondia, chia obukule amasinya koosi akabwiihaanga ku bituundu byoosi eby'omuukati, ebituundu bihiramo obulai eby'esini, neende efuko chibiri neende amasinya kachiriho koosi, mani obisaambire byoosi hu alutaari, bibe esiyaanwa siwumbereese ese.

Ohutula 29:22

“Chia oheenge omaleho amasinya koosi ak'ekoondi miiku elyo, amasinya k'eseembe, amasinya kabwiiha hu bituundu biri mukati, ebituundu bihiramo obulai eby'esini, efuko chibiri alala neende amasinya kachiriho, alala neende ly'esinama sisaacha.

Engaado 23:26

Mwaana waange, ta omwooyo hu biindu bi huboolera, haandi wehaliirise esaambo chaange.

Yisaaya 6:10

Haandi niyaamboolera ati, ‘Ewe hola emyooyo ky'abaandu kibe emyoomeranu, haandi wikale amatwi kaabwe, haandi wofusa emoni chaabwe; mani bahae ohubona neende emoni chaabwe, haandi bahae ohuwulira neende amatwi kaabwe, haandi bahaye ohumanya neende emyooyo kyaabwe, bahakaluuhana mani bawonisibwa.’”

Esekeeli 36:26

Njia ohubaberesa omwooyo muyaaha, haandi mbateemo ebibaaso biyaaha. Njia ohubatusamo omwooyo kweeng'we mwoomu okwo okuli koti ekina, mani mbaberese omwooyo mudotoo-doto haandi okuwulira.

Esekeeli 44:15

Omwaami Nasaae aboola ati: “Nae abalaamisi abo, ab'enono ya Sadoki, abadoong'a nibaliinda Abuundu waange woolerefu, Abaisiraeli baandi boosi ni beyaaba baandulaho, bachia ohusuda aambi naange mani baahalaabanire, haandi bachia ohwiichia mu moni waange ohuunyaanira amasinya neende amabaanga k'ebiyaanwa.

Esy'Abaleefi 1:12

Omuundu oyo naaba n'amalire ohuyidonyadonya, omulaamisi oba naali niye omwiimirisi w'omuholo okwo, niye oba naachia ohuta ebituundu byoosi hu muliro, n'otaaho omutwe kweene, neende amasinya keene koosi.

Esy'Abaleefi 1:8

Haandi baba bachia ohuta hu muliro okwo ebituundu by'esisolo siba nisiitirwe, kata neende omutwe kweene neende amasinya koosi.

Esy'Abaleefi 16:25

Ahoyere ohuchia yasaambiraanga amasinya k'esisolo sy'esiyaanwa sy'esyonoono hu alutaari.

Esy'Abaleefi 3:16

Omulaamisi achia ohusaambiraanga bino byoosi hu alutaari koti esiyaanwa sy'esyohulya esisangaasa Omwaami. Amasinya koosi k'Omwaami niko.

Esy'Abaleefi 3:2

Omuundu oyo ahoyere ohuchichaanga ageeng'a omuhono hu mutwe kw'esisolo esyo, mani asiitira hu siruwa sy'Eyeema ly'Ohubaao hw'Omwaami. Mani hu mulaamisi w'Arooni yeemeo achie anyulaanyuse amabaanga ako hu nyaande chine choosi ech'alutaari

Esy'Abaleefi 3:4

efuko choombi alala neende amasinya kaahwo, haandi neende ebituundu bihiramo obulai eby'esini.

Esy'Abaleefi 4:10

Omulaamisi oyo ahoyere ohubukulaanga amasinya kano, mani akasaambiraanga hu alutaari yehoonyerwaanga hu biyaanwa bisaambe, koti sa lwaahola neende amasinya kaba nikatulire mu sisolo siitwa hulw'esiyaanwa sy'ohukobola alala.

Esy'Abaleefi 7:30

omweene n'asileeta neende amahono kae keene koti esiyaanwa sy'ebyohulya. Ahoyere ohuleeta amasinya koosi ak'esisolo esyo, alala neende esigwoogwo syeene, mani amale abileete koti esiyaanwa sikabuhaaneho esy'Omwaami.

Esy'Abaleefi 7:5

Omulaamisi achia yasaamba amasinya koosi akali hu alutaari, hu kabe esiyaanwa sy'ebyohulya esy'Omwaami. Sino nisyo esiyaanwa sy'ohutuunga ekobi.

Esy'Abaleefi 9:10

Yasaambira hu alutaari amasinya koosi, efuko choombi, haandi neende ebituundu bihiramo obulai eby'esini, koti sa lu Omwaami yali n'alagiire Musa.

Matayo 13:16

Nae emoni cheeng'we chiri neende ehabi olwohuba chibona, haandi amatwi keeng'we kosi k'ehabi olwohuba kawulira.

Matayo 15:8

‘Abaandu bano baamberesaanga sa oluyaali neende eminwa kyoong'ene, nae emyooyo kyaabwe kiri eyale muno naange;

Abarooma 5:5

Ohusuubira nahwo haba si hutudiisa esoni, olwohuba obuheeri bwa Nasaae bwachuhwa mu mwooyo kyeefwe ohubitira mu Mwooyo Mwoolerefu yi hwabeereswa.

Abarooma 6:6

Humanyire huti, obulamu bweefwe buhale bwamala ohwiitirwa alala neende Kristo hu musalabba kwae, hu maani kakera omubiri nikuhola esyonoono kanyale ohusihiriswa, haandi hu huhaye ohukobola ohuba abawaambe b'esyonoono.

Amalako Kohubiri 30:6

Omwaami Nasaae weeng'we achia ohubaberesa emyooyo milai, eng'we neende abaana beeng'we, mani muheeraanga Omwaami Nasaae weeng'we neende emyooyo kyeeng'we kyoosi neende obulamu bweeng'we bwoosi; hu munyale ohwemeeda ohumenya mu syaalo esyo.

1 Samueli 2:15

Ohumeeda ohwo, kata neende amasinya nikali nikatatuswaho kasaambwe, omuhalaabani w'omulaamisi yeechaanga mani naaboolera oyo oli ohuyanaangayo esiyaanwa esyo ati, “Mberese mberi enyama y'omulaamisi y'ohusaamba; haba s'acha ohufukiirira enyama ndeehe ohutula hweewe, ohutusaho enyama mbisi yoong'ene.”