Esy'Abaleefi 3:13 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹³ aba achia ohutechaanga omuhono kwae hu mutwe kwaayo, mani ayiitireenge mu moni w'Eyeema. Abalaamisi bahoyere ohuchichaanga baanyulaanyusa amabaanga ako hu nyaande chine choosi ech'alutaari

EBBAIBBO EMBOOSI YA NASAAE

¹³ aba achia ohutechaanga omuhono kwae hu mutwe kwaayo, mani ayiitireenge mu moni w'Eyeema. Abalaamisi bahoyere ohuchichaanga baanyulaanyusa amabaanga ako hu nyaande chine choosi ech'alutaari

Esy'Abaleefi 3:13 Iomraidhean Croise

Yisaaya 52:15

olwo nilwo luyahawukise ebyaalo biingi. Abatuki bahahaywe esy'ohulomaloma, mani baliteng'eng'ala sa; olwohuba bahabone esiindu sibatababoolereraangaho daawe, haandi bahamanye esiindu sibatawuliraangaho.”

Yisaaya 53:6

Fweesi-fweesi hwali nihusalaanire koti amakoondi; buli muundu n'adiirire engira yae; Omwaami mani n'amudwiiha esyonoono syaali esyeefwe fweesi.

Esy'Abaleefi 1:4

Omusaacha oyo ageeng'anga omuhono kwae hu mutwe kwayo, hu yinyale ohufukiirirwa koti esiyaanwa si nyala ohumalao ebyonoono byae.

Esy'Abaleefi 3:12

Nae nikali mbwe omuundu oyo ayaana embusi,

Esy'Abaleefi 3:14

mani bamala bayira ebituundu bino biti, ohuba koti esiyaanwa sy'esyohulya eyiri Omwaami, amasinya koosi akali hu bituundu by'omuukati,

Esy'Abaleefi 3:8

ahoyere ohutechaanga omuhono kwae hu mutwe kwalyo oba okwayo, mani aliitira oba ayiitira mu moni w'Eyeema. Ao abalaamisi bahoyere ohuchichaanga mani baanyulaanyusa amabaanga hu nyaande chine choosi echa alutaari

2 Abakoriito 5:21

Olwohuba hulweefwe, yamuhola yaaba esyonoono otaholaho esyonoono syoosi, hu bulaanu ohubitira mu mweene oyo, hunyale ohweehola obuluungifu bwa Nasaae.

Abaibburania 12:24

Mwiichire eyiri Yesu, owatekeha Endagaano Njaaha, neende eyiri amabaanga keediswa akasuubisa ebiindu bilai muno ohuhiraho amabaanga ka Abbeli.

1 Petero 1:2

Mwadoolwa neende esichiiririrwa si Nasaae Seefwe mweene yamanyira elalira ati, Mwooyo Mwoolerefu abahole mube aboolerefu, hu munyale ohuwulira Yesu Kristo mani aboose neende amabaanga kae. Lehe embabaasi neende omuleembe bibe ebyeeng'we mu bwiichufu.

1 Petero 2:24

Omweene yakiinga ebyonoono byeefwe mu mubiri kwae hu musalabba, hu hunyale ohuba abafwa eyiri esyonoono, nae hube abalamu eyiri obuluungifu. Ohweema hu bikoonjo byae mwanyoola ohuwonisibwa.

1 Petero 3:18

Olwohuba Kristo yafwa hulw'ebibi ehabi lala lyoong'ene, omuundu mulai yafwiira ababi, hwaanyale ohubaleeta eyiri Nasaae. Yeetwa mu mubiri, nae abweene ao yaabereswa obulamu mu mwooyo.