Esy'Abaleefi 3:1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Omuundu yeesi nayaanaanga esiyaanwa silala hu ng'oombe chae koti esiyaanwa sy'ohukobola alala, sihoyere ohubechaanga esiyaanwa sy'esurusi oba edwaasi, eyitaaliho obufwoolwa bwoosi.

EBBAIBBO EMBOOSI YA NASAAE

¹ Omuundu yeesi nayaanaanga esiyaanwa silala hu ng'oombe chae koti esiyaanwa sy'ohukobola alala, sihoyere ohubechaanga esiyaanwa sy'esurusi oba edwaasi, eyitaaliho obufwoolwa bwoosi.

Esy'Abaleefi 3:1 Iomraidhean Croise

1 Ebyomubiha 21:26

Mani Daudi niyoombahirao Omwaami alutaari, n'ayaanayo ebiyaanwa bisaambwa neende ebiyaanwa by'ohusaasana. Mani naalaama eyiri Omwaami, Omwaami naamukobolamo, naasiindiha omuliro hu alutaari yohusaambiraho nikutula muukulu.

Ohutula 20:24

Eng'we muuholere alutaari yohu syaalo huno, mani ohwo nihwo humuba muchicheenge nimuyaaniraho amakoondi keeng'we, neende eng'oombe cheeng'we koti ebiyaanwa bihoyere ohusaambirwa elalira byaawa neende ebiyaanwayo by'obusaangirani. Mani, buli abuundu yimbakabulira endulo, abecheenge eweeng'we w'ohunyinamiramo, mba ndechaanga yi muli mani mbaberesa ehabi.

Ohutula 24:5

Bulaanu Musa yatuma abasyaani baraaga, bachia basaambira Omwaami ebiyaanwa, mani bayaana ebyaayo ebya ebiyaanwa by'ohusaangirana.

Ohutula 29:28

Huno huheengao hwaange hutakaluuhana daawe, mbwe abaandu baange nibaba nibayaana esiyaanwa syaabwe esy'obusaangirani, esigwoogwo neende esinama by'esisolo esyo, biba eby'abalaamisi. Sino siba siri esiyaanwa sy'abaandu beene eyiri eese, Omwaami.

Engaado 7:14

“Nyaanireyo olwaleero ebiyaanwa by'ohusaasania, haandi malire ohwooseresa obweyamo bwaange;

Esekeeli 43:27

Endaalo chitaanu-na-chibiri ni chahawe, ohutula hu ludaalo lwa chitaanu-na-chidatu ohwemeeda mu moni, abalaamisi banayaanireenge hu alutaari ebiyaanwa byeeng'we bisaambwa, neende ebiyaanwa by'ohusaasania. Ao niwo yi njia ohubasaangaaliraanga. Ese Omwaami Nasaae, Niise olomaloome.”

Esekeeli 45:15

Ekoondi lala, linaatusweenge mu yiicho ly'amakoondi emia chibiri (200), akomu lwaayiro lulai lwa Yisiraeli. Munaayaaneenge esiyaanwa sy'emwo, esiyaanwa sisaambwa, neende esiyaanwa esy'omuleembe, mani musaba esilehero sy'ebyonoono byeeng'we. Omwaami Nasaae, niye olagira.

Esy'Abaleefi 1:10

“Omuundu oyo naaba naali ohuubba esiyaanwa sy'ekoondi oba esy'embusi, sihoyere ohuba nisiri esisaacha esitaaliho obufwoolwa bwoosi.

Esy'Abaleefi 1:3

“Naaba niyoobba eng'oombe yae ohuba esiyaanwa sy'ohusaambwa, ahoyere ohuleetaanga esurusi yitaaliho obufwoolwa bwoosi. Ahoyere ohuyileetaanga hu mulyaango kw'Eyeema ly'Ohubaao hw'Omwaami, hu Omwaami anyale ohumusiima.

Esy'Abaleefi 17:5

Amahuluundu k'elako lino niko mbwe, abaandu ba Yisiraeli bulaanu banahoyerwaanga ohuleetaanga eyiri Omwaami ebisolo byoosi bi bali nibanaliirira ohwiitiraanga erwaanyi mu syaalo eyo sa. Bulaanu bahoyere ohubileetaanga eyiri omulaamisi ena mulyaango kw'Eyeema, hu bamale babiiteenge koti ebiyaanwa by'ohukobosania alala.

Esy'Abaleefi 3:6

Nikali mbwe ni ekoondi nilyo, oba niyiri embusi niyo eyehoonyeerwe koti esiyaanwa sy'ohukobola alala, mani lihoyere ohubechaanga emiiku, oba ehole, oba edwaasi, nae bihoyere ohubechaanga nibitaaliho obufwoolwa bwoosi.

Esy'Abaleefi 9:18

Bulaanu yeemao yeeta esurusi, haandi neende ekoondi emiiku lira koti esiyaanwa sy'ohukobola alala hulw'abaandu baandi. Abaana bae babukula amabaanga, baamuleetera, yaakanyulaanyusa hu nyaande chine choosi ech'alutaari.

Esy'Abaleefi 9:4

haandi neende esurusi ndala, haandi neende ekoondi emiiku lala, ebiba ebiyaanwa by'ohukobola alala ohulai. Bahoyere ohubiyaana eyiri Omwaami alala neende ebiyaanwa eby'emere, eyisaasirwe neende amafuta. Bahoyere ohuhola batyo olwohuba Omwaami achia ohubabonehera enyaanga yino.”

Amosi 5:22

Kata mwahaanyaanira ebiyaanwa beeng'we bisaambwa neende ebiyaanwa by'emwo, haba siinja ohubifukiirira daawe. Haandi haba sisaangaalira ebisolo byeeng'we bikinu bi munyaanira.

Malaki 1:14

Omulichaki oyo, oweyama ohuumberesa esurusi yae endai ohutula mu byaayo byae, nae mani niyanyaanira eyalema, alibwaabwa. Olwohuba Ese ndi Omutuki muhunuufu, haandi abaandu bomu byaalo byoosi baanjisamo oluyaali. Omwaami nilwo lu aboola.

Malaki 1:8

Nimuleeta esolo chawofula ohuyaana, mubaasa muti esyo haba si sibi? Haandi nimuyaana esolo chalema oba endwaae, mubaasa muti esyo haba si sibi? Mani esolo koti echio nimuchiyaanira gaafana weeng'we, mubaasa muti anabasangaalira oba yabasiima? Omwaami w'Obunyala nilwo lu ateeba.

Ohubala 15:8

Nae eng'oombe surusi niyo eyiyaanwa eyiri Omwaami koti esiyaanwa sisaambwa syaakwa ekohe, oba koti esiyaanwa ohwooseresa esichubo, oba koti esiyaanwa sy'ohukobola alala,

Ohubala 6:14

bayaane eyiri Omwaami, ebyaayo bidatu ebibulaho obufwoolwa bwoosi daawe: ekoondi yere lala ehole ely'omwaaka mulala hulw'esiyaanwa sy'ohusaambwa sikwe ekohe, ekoondi yere lala ehasi ely'omwaaka mulala hulw'esiyaanwa sy'esyonoono, haandi neende ekoondi emiiku lala hulw'esiyaanwa sy'ohukobola alala.

Ohubala 7:17

haandi neende hulw'esiyaanwa sy'ebiyaanwa by'ohukobola alala, eng'oombe ndaawu chibiri, amakoondi mamiiku kabiri, embusi hole chitaanu, haandi neende amakoondi mayere mamiiku kataanu ak'omwaaka mulala obuhuluundu. Sino syoosi alala nisyo esyali esiyaanwa sya Nahasoni omwaana w'Aminadabbu.

Ohubala 7:59

haandi hulw'esiyaanwayo sy'ebiyaanwa by'omuleembe, eng'oombe ndaawu chibiri, amakoondi mamiiku kataanu, embusi hole chitaanu, neende amakoondi mayere mamiiku kataanu ak'omwaaka mulala obuhuluundu. Mani sino nisyo esiyaanwa syali esya Gamalieli omwaana wa Pedasuuri.

Amalako Kohubiri 12:27

Munayaanaanga ebiyaanwa byeeng'we bisaambwa, neende enyama neende amabaanga hu alutaari y'Omwaami Nasaae weeng'we. Amabaanga k'ebiyaanwa byeeng'we munakachuheenge hu alutaari y'Omwaami Nasaae weeng'we, nae munyala ohulya enyama.

Abakolosaayi 1:20

haandi ohubitira mu mweene oyo hu Nasaae anyale ohusasaania niyekalusaho ebiindu byoosi, kata ebiba nibiri hu syaalo, oba Muukulu, niyehoonyera amabaanga k'omusalabba kwae ohutaao omuleembe.

Abaibburania 10:22

Mani lehe husude aambi neende Nasaae neende omyoyo kutaalimo esyonoono, okwichuule efukiirira, nihuli neende emyooyo kilabiiswe ohutulamo ebibaaso bibi, neende emibiri chooseebwe neende amaachi malafu.

1 Yowaana 1:3

Esyo si hwamala ohubona haandi hwawulira, nisyo syosi si hubayaalira, hu munyale ohutweyambaaniaho ohuba silala naafwe, mu bulala bu huli nabwo neende Seefwe alala neende Omwaana wae Yesu Kristo.

Abakayi 20:26

Mani haandi abaandu ba Yisiraeli baachia baniina ohwoola mu Bbeteli mani baalirira ebweene eyo. Bachia mani beehala mu moni w'Omwaami mani baahaya ohulya ohwoola lu bwiire bweera. Beecha baanyala ohuyaanayo ebiyaanwa by'ohukobola alala, haandi basaamba ebiyaanwa biindi ebilaambiriire bino byoosi nga babiholera mu moni w'Omwaami bweene sa.

Abakayi 21:4

Mani mu mabwiibwi nibwahya echuli, abaandu basiingira mani baachia boombaha alutaari abweene ao. Bayaana ebiyaanwa by'ohukobola alala, haandi basaambaanga ebiyaanwa biindi bilaambiriire.