Esy'Abaleefi 27:8 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁸ Nae omuundu oyo oba naaholere esyeyamo esyo naaba naali omumanani muno, kata otanyala ohunyoola eseende echio, aba achia ohuyirwa eyiri omulaamisi, mani omulaamisi amukerehe obukusi buba nibuli obuyeraanu hooho, obuchianakana neende ohunyala bw'omuundu oyo hu anyale ohutuunga.

EBBAIBBO EMBOOSI YA NASAAE

⁸ Nae omuundu oyo oba naaholere esyeyamo esyo naaba naali omumanani muno, kata otanyala ohunyoola eseende echio, aba achia ohuyirwa eyiri omulaamisi, mani omulaamisi amukerehe obukusi buba nibuli obuyeraanu hooho, obuchianakana neende ohunyala bw'omuundu oyo hu anyale ohutuunga.

Esy'Abaleefi 27:8 Iomraidhean Croise

2 Abatuki 7:5

Mani nibasiingira mu mabwiibwi nibachia mu kaambi ya Abasiria, nae bone, haba siyali hoomo omuundu yeesi.

Yeremia 5:7

Omwaami ateeba ati, “Nyala endye ohubaleheramo? Abaana beeng'we baandulireho, haandi beechubiire abo abataali Nasaae. Ndababeresa buli siindu si badaha, nae bahaya ohuba abeesikwa mani nibebuusira mu nyuumba ch'abacheke.

Esy'Abaleefi 12:8

Nae nikali mbwe omuhasi oli atyo naaba naatanyala ohunyoola ekoondi doto, mani aba achia ohunyala ohuleetaanga amabburuuku kabiri oba amaguugu kabiri, lala liba lichia ohubechaanga ely'esiyaanwa sisaambwa syaawa, nae eliindi liba lichia ohubechaanga ely'esiyaanwa sy'esyonoono, mani omulaamisi yeemeo anyale ohuhola omuduunga kw'ohumumalaho omusiro kwae okwo, hwaabe olabisibwe koti emiduunga kiba nikiri.

Esy'Abaleefi 27:7

Nae omuundu naaba naali emyaaka amahumi kasaasaba ohwemeeda mu moni, obukusi bwae buba buchia ohuba buti: Ow'esisaacha aba achia ohubechaanga ebituundu by'efeesa ehumi neende bitaanu, nae ow'esihasi ebituundu by'efeesa ehumi.

Esy'Abaleefi 27:9

Nae esyeyamo esyo nisiba nisyali esy'esisolo sifukiirirwa ohuba esiyaanwa eyiri Omwaami, buli siyaanwa siba nisyeeyamirwe eyiri Omwaami siba nisihoyeere ohuba nisiri esilafu,

Esy'Abaleefi 5:11

Nae omusaacha yeesi naahaywa ohunyoola amaguugu kabiri oba amabburuuku kabiri ako, aba achia ohuhoyera ohuleeta ekiloguraamu ndala ey'obusye, ohuba koti esiyaanwa sy'esyonoono esyo. Bulaanu haba saaba naachia ohudahibwa ohumeedaho kata amafuta k'emiseituuni, oba kata sa obubbaani, olwohuba sino siba esiyaanwa sy'esyonoono esyo, esitaali esiyaanwa sy'emere.

Esy'Abaleefi 5:7

Nae omuundu oyo naaba n'atanyala ohuyaana ebyo byoosi, aba anahoyera ohuleeta eyiri Omwaami amaguugu kabiri oba amabburuuku kabiri akafwa omutuungo okwo, buli lala nga lifwa esiyaanwa sy'esyonoono, nae eliindi lifwa esiyaanwa sy'ohusaambwa syaawa.

Mariko 14:7

Olwohuba abamanani muchia ohuba nabo endaalo choosi, mani munyala ohubaholera ebilai buli siha simudahiramo; nae ese haba simuchia ohuba naange esiha syoosi.

2 Abakoriito 8:12

Olwohuba obweetekefu ohuhola nibuba nibuliwo, hufukiirirwa ohweema hu biindu bi buli muundu aba ali nabyo, ataali ohweema hubyataali nabyo.