Esy'Abaleefi 26:6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ “Njia ohubaberesa omuleembe mu loba lyeeng'we, mani mukoneenge nimutatiire omuundu yeesi. Njia ohumalao ebisolo byoosi ebiteende mu syaalo esyo, haandi eyo haba siyichia ohubechaangayo ebiita haandi kata nabudiidi.

EBBAIBBO EMBOOSI YA NASAAE

⁶ “Njia ohubaberesa omuleembe mu loba lyeeng'we, mani mukoneenge nimutatiire omuundu yeesi. Njia ohumalao ebisolo byoosi ebiteende mu syaalo esyo, haandi eyo haba siyichia ohubechaangayo ebiita haandi kata nabudiidi.

Esy'Abaleefi 26:6 Iomraidhean Croise

2 Abatuki 2:24

Elisa yakaluuhana yatiingaala enyuma, nae niyababona, yababwaaba mu liita ly'Omwaami. Mani amaaka mahasi kabiri nikafuduha ohutula mu sichaha nichibosyoola abasyaani amahumi kane-na-babiri.

1 Ebyomubiha 22:9

Bona, waheebule omwaana musyaani, yahabe omuundu w'omuleembe. Njia ohumuberesa omuleembe, mani ahaye ohuba neende abasuku hu nyaande choosi. Eliita lyae lyahabe Solomooni, olwohuba mu butuki bwae, ndahaberese Yisiraeli omuleembe neende hubuleo ohulwaana hwoosi daawe.

2 Ebyomubiha 20:30

Mani Yehosafati yaatukira mu muleembe, mani Nasaae yaamuberesa obuliindi hu buli lubeka.

Yobbu 11:19

Ochia ohweyalisa, mani yibuleo esiindu esihutiisa; abaandu baangi muno bachia ohuhusabaanga obuhoonyi.

Yobbu 5:23

Olwohuba mu ndalo yao, amakina haba sikachia ohubaamo, haandi ebisolo byomu siino haba sibicha ohuhuseetaanga.

Esabbuli 144:14

Ebyaayo byeefwe bihoya beebulana bulai nimubulamo esiduumya oba esifwiisa. Hubuleo ohuubba embuungu hu ngira cheefwe!

Esabbuli 147:14

Omwaami aleeta omuleembe hu njaho chao; ahwiikusa neende engaano yihiramo obulai.

Esabbuli 29:11

Lehe Omwaami aberese abaandu bae amaani! Lehe Omwaami aberese abaandu bae ehabi neende omuleembe!

Esabbuli 3:5

Ndeeyalisaanga aasi mani ngona endoolo, haandi simuha olwohuba Omwaami niye owuniindaanga.

Esabbuli 4:8

Njia ohweyalisa aasi mani ngone endoolo ni ndi neende omuleembe; olwohuba ewe Omwaami niiwe weeng'ene onyala ohukera ndaamenya ataali obudinyu bwoosi.

Esabbuli 85:8

Leha mbulire bi Nasaae Omwaami achia ohuboola, olwohuba yasuubisa omuleembe eyiri abaandu bae b'adaha, eyiri aboolerefu bae, abo abakobola yaali neende emyooyo kyaabwe.

Ohutula 23:29

Haba siinja ohubeerusamo mu mwaaka mulala; olwohuba niihola endyo, eloba liba lichia ohudoong'a sa ekuunda, mani ebisolo byomuusiino bibi binabasaabaalire.

Engaado 3:24

Niwahehala aasi, haba soochia hutya; niwaheyalise aasi ohukona endoolo chahahulyoyereenge.

Engaado 6:22

Chinaahwimirireengemo, n'okeenda; chinaahuliindeenge, niweyaliise; haandi chinaalomalomeenge naawe, n'osimuha.

Yisaaya 35:8

Engira emaambali yahalimweyo, eyahalaangwe yiti, “Engira Njolerefu.” Abulao omuhola-mbi yeesi owahabite hu ngira eyo, haandi abasiru haba sibahayiloondeho.

Yisaaya 35:9

Edalang'i haba sichahabeeyo daawe, kata esolo njalaba haba sichahabiteengeho hu ngira eyo; haba sichahanyoolweyo, nae abo ba Omwaami anunuule, nibo abahayikeendereengeho.

Yisaaya 45:7

Niise otaao obulafu haandi ndaloonga esiirima, Niise oleeta omuleembe neende amasira, Niise Omwaami, Niise ohola ebyo byoosi.

Yisaaya 9:7

Ohwemeeda hw'obutuki bwae neende omuleembe ku yahaleete haba sibyahabeeho enjakamo. Yaheehale hu sisaala sy'obutuki sya Daudi, haandi yaatuka obwaami bwae, ohubutaao, neende ohubwomiisa hu bwadyeeri neende obuluungifu ohutula lu yahachaake ohutuka endaalo choosi. Omwaami w'Obunyala niye ochia ohuhola bino byoosi.

Yeremia 30:10

Mani eng'we abaandu baange, mutatya daawe. Eng'we Abaisiraeli, muteyendeherera daawe. Olwohuba bone, njia ohubawonia mani mbatuse mu syaalo sy'eyale, neende abaana beeng'we ohutula mu syaalo sibaboyerwamo. Abaandu baange bahakobole mani baaba mu bulamu bulai haande obw'omuleembe, mani abulao owahabatiise haandi.

Yeremia 31:26

Mani bahaboole bati, ndeeyalisa mani ndaasimuha amaani nikaangoboolemo.

Esekeeli 14:15

“Oba niinduma esolo ndeende ohubita mu syaalo esyo, chasinyaasa mani syehola ekuunda, abaandu baatya ohusibitamu hulw'esolo echo;

Esekeeli 14:17

“Oba nindeeta ebiita hu syaalo esyo, mani ndaalagira endi biita haandi bisihiriseo abaandu neende ebisolo,

Esekeeli 14:21

Olwohuba Omwaami Nasaae aboola ati: “Mani syahabe esy'amasira maangi muno niinduma hu Yerusalemu ebinyaaso byaange bine bino ebihiramo obwaalaba: ebiita, enjala, ebisolo byaalaba, neende amalwaae, ohusihirisa abaandu neende ebisolo.

Esekeeli 34:25

“Haandi ndahahole nabo endagaano y'omuleembe. Ndahamale mu syaalo esolo ndeende, mani amakoondi kaange kanyale ohumenya mu saa, neende ohukona mu bichaha, niyibulao esolo yi katiisa.

Esekeeli 34:27

Emisaala kyomu siino, kichia ohwamaanga ebyaamo byaachio, haandi endalo chinabecheengemo ebilime biingi, haandi abaandu banabecheenge neende omuleembe mu syaalo syaabwe. Nindahamale ohufunaka-funaka eminyororo chaboya abaandu baange, mani ndaabawonia ohutula mu mahono k'abo ababawaamba, niwo yibahamanyire bati, Niise Omwaami.

Esekeeli 5:17

Ndahaleete enjala neende esolo ndeende ohubalwaania, mani byahabamaleho abaana beeng'we. Haandi oluumbe, neende obutemo, neende ebiita, byahabakweemo. Ese Omwaami Niise oboolere.”

Hosea 2:18

Mu siha esyo syeene, nimwo muunjia ohuholeramo Endagaano neende ebisolo biteende byoosi, neende amayoni, hu bihaye ohunyaalaangaho abaandu baange. Ese haandi njia ohumalao ebilwaaniso by'ebiita byoosi bitule mu syaalo muno, engaanga choosi alala neende obuyiingo, mani ndehe abaandu baange boong'ene nibo ababa bamenyemo neende omuleembe neende obuliindi bulai.

Hosea 2:20

Ese njia ohwooseresa ebisuubise byaange, haandi huhole obe owaange, mani ao niwo yi ewe oba ochia ohuumanyira koti Omwaami.

Esy'Abaleefi 25:18

Funihireenge amalako k'Omwaami koosi, hu munyale ohumenyaanga mu muleembe, mu loba muno.

Esy'Abaleefi 25:19

Eloba lichia ohwiibusaanga ebirime byalyo, nihaandi ewe ochia ohunyoolaanga ebiindu byoosi byooba niwekoomba ohulichaanga, haandi oba ochia ohumenyaanga mu muleembe.

Esy'Abaleefi 26:22

Njia ohubaleetera ebisolo bilulu muno bibabeemo, mani biite abaana beeng'we, bisihirise ebituke byeeng'we byoosi, mani bibaleheho hweeng'we abaandu abadiidi muno, emyaanda kyeeng'we kibuleho omuundu yeesi okikeenderaho.”

Esy'Abaleefi 26:25

Njia ohubaniaho ebiita, ohubasaandya olw'ohuhaya endagaano yeefwe, mani nimuba nimwebuusira mu biko byeeng'we ohweekisa, njia ohuleetamo amalwaae katalereha, mani muba muchia ohuyiikwa ohweeyamira abasuku beeng'we.

Esy'Abaleefi 26:7

Muchia ohuyiingiraanga abasuku beeng'we esiha syoosi;

Mika 4:4

Nae buli muundu anabechaanga mu misabbiibbu kyae neende mu mituli kyae, mani abuleo omutiisa-tiisa daawe. Olwohuba Omwaami w'Obunyala niye olomaloome.

Sefania 3:13

Abaandu ba Yisiraeli abachia ohuwonao sibachia ohuholaanga omuundu yeesi esitahoyera, ohubachaanga, kata sa ohuteemangaho ohuboola obubacha. Bachia ohuhula-hulana haandi abomu muleembe, nibatatya omuundu wuundi yeesi.”

Hagai 2:9

Mani oluyaali lw'Enyuumba yaange yino, lwahabe oluhoongo muno ohuhira olwataangira. Haandi mu luyaali olwo nimwo mu ndahabeere abaandu baange omuleembe neende ebiindu bilai.’ ” Omwaami w'Obunyala niye oboola.

Sekaria 9:10

Omwaami aboola ati, “Ese njia ohutusa ebigaari bilwaana ebiita mu Yisiraeli yoosi haandi mbukule efaraasi choosi njituse mu Yerusalemu; obuyiingo bwehoonyerwaanga mu biita buchia ohunyaaswa. Omutuki weeng'we niye ochia ohuleetaangao omuleembe mu byaalo bikabuhaane; achia ohutuka ohutulira elalira hu nyaanja ndala ohwoolera elalira hu nyaanja yiindi, ohutulira elalira hu Mwaalo kwa Ewufuraate ohwoolera elalira yi syaalo syaakama.”

Yowaana 14:27

Mbalehera omuleembe; mbaberesa omuleembe kwaange. Haba simbaberesa omuleembe koti lu syaalo siberesa daawe. Mutaleha emyooyo kyeeng'we kyeelalihira, haandi kyaatya daawe.

Ebiholwa 12:6

Mani esiro syeene si Herode yali niyetekeheereho ohutusiramo amuyaasire mu lwichuule lw'abaandu, Petero yali niyeyaliise akatikaati w'abasikaari babiri, naboyerwe neende eminyororo kibiri, haandi hu siruwa sy'ejeela, hwaliho abaliindi baandi nibaliindire;

Abarooma 5:1

Bulaanu koti lu hwamala ohuholwa abaluungifu neende Nasaae hulw'ohufukiirira, hwanyoola omuleembe neende Nasaae ohubitira mu Omwaami weefwe Yesu Kristo.