Esy'Abaleefi 26:5 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁵ Ebilime byeeng'we bichia ohuba ebiingi muno, mani nimunabechaanga nimusiikesa emere mu siha sy'ohunokeramo emisabbiibbu, haandi munabechaanga nimusiinoka emisabbiibbu, mu siha sihoyere ohutaakirwamo emere. Muchia ohuba neende ebyo byoosi bi munadahaanga ohulya, haandi muchia ohumenya mu muleembe mu loba lyeeng'we.

EBBAIBBO EMBOOSI YA NASAAE

⁵ Ebilime byeeng'we bichia ohuba ebiingi muno, mani nimunabechaanga nimusiikesa emere mu siha sy'ohunokeramo emisabbiibbu, haandi munabechaanga nimusiinoka emisabbiibbu, mu siha sihoyere ohutaakirwamo emere. Muchia ohuba neende ebyo byoosi bi munadahaanga ohulya, haandi muchia ohumenya mu muleembe mu loba lyeeng'we.

Esy'Abaleefi 26:5 Iomraidhean Croise

Esabbuli 144:13

Ebyaaki byeefwe bichulemo ebirime bya buli embya. Amakoondi kali mu njairo cheefwe keebulane mu elifu neende elifu.

Esabbuli 90:1

Ewe Omwaami, ohutula hale-na-haandi niiwe obumenyero bweefwe.

Ohutula 16:8

Haandi Musa yaboola ati, “Omwaami niye ochia ohubabeechaanga enyama ch'ohulya engoloobe, neende emigaati kibamala echuli, olwohuba awuliire koti lu mumwekanyiirisire muno. Nimwali nimutwekanyiirisa, mubwadyeeri bweene mwali nimwekanyiirisa Omwaami.”

Engaado 1:33

Nae oyo otekeeresa ebyaange, anabecheenge mu muleembe, haandi anabecheenge bulai, ataali ohutya esyonoono syoosi.”

Engaado 18:10

Eliita ly'Omwaami munaara kw'amaani; abaluungifu niyo yiberuhira mani nibanyoola obweyikamo.

Yisaaya 1:19

Nimunabecheenge abeetekefu haandi abawulisi, munaalicheenge ebyaamo bilai bitula mu syaalo syeeng'we.

Yisaaya 30:23

Mani buli lu munatakeenge emwo yeeng'we, Omwaami anaakwiseenge efula, mani yimera, yihula. Munyoole ekesa elai haandi eliingi. Ebyaayo byeeng'we binayireenge mu lwayiro luhoongo.

Yeremia 23:6

Mu biha byae, abaandu bomu Buyudaaya bahabe bulai, neende abomu Yisiraeli bahabe neende omuleembe.” Mani bahamulaangeenge bati: Omwaami niye obuluungifu bweefwe.

Hosea 2:18

Mu siha esyo syeene, nimwo muunjia ohuholeramo Endagaano neende ebisolo biteende byoosi, neende amayoni, hu bihaye ohunyaalaangaho abaandu baange. Ese haandi njia ohumalao ebilwaaniso by'ebiita byoosi bitule mu syaalo muno, engaanga choosi alala neende obuyiingo, mani ndehe abaandu baange boong'ene nibo ababa bamenyemo neende omuleembe neende obuliindi bulai.

Hosea 2:20

Ese njia ohwooseresa ebisuubise byaange, haandi huhole obe owaange, mani ao niwo yi ewe oba ochia ohuumanyira koti Omwaami.

Yoeli 2:19

Mani Omwaami n'akobola mu baandu n'aboola ati: Bone, bulaanu njia ohubaberesa engaano, amalwa k'emisabbiibbu, neende amafuta, mani muchia ohwiikuta. Haandi haba siinjia huleha abaandu bomu byaalo biindi babalekeerese.

Yoeli 2:22

Eng'we esolo chomu siino, mutatya daawe, olwohuba obunyaasi bwomu siino busebuuhe; emisaala kyaamireho ebyaamo, emituli neende emisabbiibbu kyaamireho ebyaamo biingi.

Yoeli 2:26

Bulaanu muchia ohunyolaanga ebyohulya biingi, mani munalicheenge nimwiikuta, mani nimukinia eliita ly'Omwaami, Nasaae weeng'we, oyo obaholeere ebiwuukisa. Mani abaandu baange haba sibahalekeereswe haandi daawe.

Amosi 9:13

Omwaami aboola ati: “Bone, endaalo chichia ohwoola, ekesa lyoole abaandu nibasisiiri ohumala ohutaaka, haandi ebiha by'ohuhunya emisabbiibbu byahoole abaandi nibasisiiri ohumala ohutaaka. Efiini y'emisabbiibbu ndai yahahulukuse niyitula hu ngulu, neende hu bigulu byoosi.

Matayo 23:37

“Aaa, ewe Yerusalemu, owiita abanabbi, haandi ohubba abaandu ba bahutumiire amakina! Ndahateemaho amahabi maangi muno ohubabuusa alala mbabwiihe koti lu ngoho yibwihaanga obumwiinyu bwayo mu mbaya chayo, nae mwaahaya ohuufukiirira.

Ebiholwa 14:17

kata katyo omweene haba siyeleha omweene nataali neende obuloli, olwohuba yaholaanga ebiindu bilai, haandi yababeresaanga efula ohutula Muukulu, neende obwiire bulimo ebyaamo biingi muno, niyekusa emyooyo kyeeng'we neende ebyohulya neende esangaalo.”

Amalako Kohubiri 11:15

Omwaami aba achia ohuberesaanga ebyaayo byeeng'we obunyaasi, mani muba neende ebyohulya bimala.

1 Timoteo 6:17

Nae eyiri abayiinda abali mu syaalo muno, beekweede batesuunga, kata sa batata esuubi lyaabwe hu buyiinda butaali obwomiifu obwo, nae balite hu Nasaae otubbiibiraanga mu buungi buli siindu sihwesangaasiramo.

1 Petero 1:5

Hulw'ohufukiirira hweeng'we Nasaae abaliinda neende obunyala bwae, haandi achia ohubawonia hu ludaalo lw'enjakamo, lu yatekeha ohubaonisiryaho.