Esy'Abaleefi 26:44 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴⁴ Nae kata katyo, nibaba nibasisiiri mu loba ly'abasuku baabwe, siinjia hubajwaang'ira elalira, oba ohubasihirisira elalira. Esyo siba sichia ohuba nisita enjakamo hu ndagaano yaange nabo, nae kata katyo ese niise Omwaami Nasaae waabwe.

EBBAIBBO EMBOOSI YA NASAAE

⁴⁴ Nae kata katyo, nibaba nibasisiiri mu loba ly'abasuku baabwe, siinjia hubajwaang'ira elalira, oba ohubasihirisira elalira. Esyo siba sichia ohuba nisita enjakamo hu ndagaano yaange nabo, nae kata katyo ese niise Omwaami Nasaae waabwe.

Esy'Abaleefi 26:44 Iomraidhean Croise

Ohuchaaka 17:7

Njia ohutaao endagaano akatikaati waange naawe, neende abeechuhulu bao neende enjibulo chaabwe choosi. Njia ohuba Nasaae wao haandi Nasaae w'abeechuhulu bao boosi. Olwohuba endagaano yino, y'emyaaka kyoosi.

2 Abatuki 13:23

Nae Omwaami yabakwiira esisa, yaabalehera. Yabakwiira, olwohuba yali niyahola endagaano neende Abburahamu, Yisaka neende Yakobbo, mani haba siyahabasihiriise; noomba yaabasukuna ohutula mu moni wae ohwoola buti.

Nehemia 9:17

Bahayira elalira ohutya; haandi beebirira ebiindu bi wabaholera byoosi; kata beebirira neende eby'amayia bi waholaanga byosi. Mu suunga yaabwe, beemao bedoolera omutuki waabwe onyala ohubakobosayo mu jeela mu Misiri. Nae kata katyo ewe oli Nasaae oleheraangamo; ewe oli ow'esibooyi haandi ow'obuheeri, otabbibbiirihana ohunyoolera daawe. Esisa syaho sihunuufu muno; ewe haba si weemao waabajwaang'a daawe.

Nehemia 9:31

Kata katyo, ohweema koti esisa syao siri esihunuufu, ewe haba si wanyalaanga ohubajwaang'a, kata sa ohubasihirisaanga daawe. Ewe oli Nasaae w'esibooyi haandi ow'esisa sibitiirifu!

Esabbuli 103:13

Koti lu laatang'ene baana aleheramo abaana bae, olwo nilwo lu Omwaami akwiira esisa abo abamwiisamo oluyaali.

Esabbuli 89:33

Nae Daudi omuhalabaani waange, haba siinja hwaakama ohumudaha, oba haye ohuba omweesikwa yali.

Esabbuli 94:14

Omwaami haba siyajwaange abaandu bae; haandi abaandu bae haba siyahabalehe daawe.

Yeremia 14:21

Otatuhaya daawe, hulw'oluyaali lw'eliita lyao; haba otayaambya Yerusalemu esoni, abuundu w'obwiihalo bwao bw'oluyaali. Yichulisa mani ohaye ohuhalaka Endagaano yao naafwe.

Yeremia 24:5

“Ese, Omwaami Nasaae wa Yisiraeli mbona endi abaandu bano bali koti enduli milai abahoonyere ohutula mu Buyudaaya, mani bayirwe mu syaalo ch'Abakalidaaya.

Yeremia 30:11

Olwohuba ndi alala naang'we ohubawonia. Ndahasihirise ebyaalo byoosi bi ndabasalaaniamo. Nae eng'we haba sindahabasihirise daawe. Nae siinjia ohubaleha muhaye ohusaandaho daawe, mwahasaandeho engeri yimuhoyeramo. Ese Omwaami, Niise olomaloome.

Yeremia 31:20

“Yisiraeli, niiwe omwaana waange omuheerwa, niiwe omwaana waange owuusaangaasa. Olwohuba buli lu hwoolobya, mba hwiichulisa sa. Mani sakira huchuunirwa omwooyo; mubwadyeeri bweene, njia ohuhukwiira esisa. Omwaami niye oboola.

Yeremia 33:26

ao mani njia ohwebwaaba olwiibulo lwa Yakobbo neende Daudi omuhalaabani waange, haandi siinjia ohudoola mulala hu beechuhulu bae ohutuka endaalo choosi abeechuhulu ba Abburahamu, Yisaka, neende Yakobbo. Olwohuba njia ohukalusao ehabi chaabwe, haandi njia ohubakwiira esisa.”

Esekeeli 16:60

Nae Ese njia ohuliinda endagaano li ndahola naawe n'osisiiri omuyere, mani njia ohuhola naawe endagaano y'endaalo choosi.

Esy'Abaleefi 26:11

Njia ohubamenyaangamo ni ndi mu yeema lyaange elafu, haandi siinjia ohubatulaho daawe.

Abarooma 11:2

Nasaae haba siyahaya abaandu bae, ba yadoola ohutula muhuchaaka. Mumanyire bi byandiiko byoolerefu biboola mu situundu si Elija yekweederamo Nasaae hulw'Abaisiraeli ati:

Abarooma 11:26

Haandi yino niyo engeri yi Yisiraeli yoosi yichia ohunyooleramo obuwonia. Koti lu byandiiko byoolerefu biboola biti, “Omuwonia achia ohutula mu Siyooni haandi atuse ebyonoono byoosi mu beechuhulu ba Yakobbo.”

Abakayi 2:1

Malaika w'Omwaami yeemao yaatula Giligaali mani yaachia mu Bbochimu n'aboola Abaisiraeli ati, “Ese ndabatusa mu Misiri mani ndaabaleeta mu syaalo si ndasuubisa bakuuka yeeng'we. Ese mweene ndaboola endi, ‘Siinjia huhalaka endagaano yaange naang'we.