Esy'Abaleefi 26:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ mba njia ohubaleetera efula mu siha siyihoyeramo, hu bulaanu eloba linyale ohwiibula ebirime, haandi emisaala kyaanyala ohwaama ebyaamo.”

EBBAIBBO EMBOOSI YA NASAAE

⁴ mba njia ohubaleetera efula mu siha siyihoyeramo, hu bulaanu eloba linyale ohwiibula ebirime, haandi emisaala kyaanyala ohwaama ebyaamo.”

Esy'Abaleefi 26:4 Iomraidhean Croise

1 Abatuki 17:1

Omunabbi wuundi olaangwa Elija, ohutula Tisibbe mu Gileadi, yaboolera Omutuki Ahabbu ati, “Mu liita ly'Omwaami, Nasaae mulamu wa Yisiraeli, yi halaabaniraanga, ndi ohuhuboolera endi siyicha hubaao olume kata efula ohukwaho hulw'emyaaka kibiri oba kidatu emilaamba ekiicha mu moni eyo, ohwoolera elalira lu ndahaboole endi bibeeo.”

Yobbu 5:10

Niye okwiisa efula hu syaalo haandi yaachuhiirisira endalo.

Esabbuli 104:13

Ohutula mu bwiihalo bwao bw'aakulu, ochuhiirisa engulu; esyaalo syeechulamo ebyaamo byao.

Esabbuli 67:6

Esyaalo simalire ohwaamia ebyaamo byasyo mu buungi; Nasaae, Nasaae weefwe, atubereese ehabi.

Esabbuli 67:7

Nasaae atubereese ehabi; lehe esyaalo syoosi asyaakiire syoosi simwiisemo oluyaali!

Esabbuli 68:9

Ewe Nasaae, wakwiisa efula mu buungi engereha era; ewe weechia woombaha buyaaha obusiha bwao nibwali nibudangaalire;

Esabbuli 85:12

Eee, Omwaami achia ohukaba ebilai byoong'ene, mani esyaalo syeefwe sichia ohuba ekesa liingi.

Esabbuli 85:13

Obuluungifu buchia ohumweemereramo, mani bimutekehere engira.

Yisaaya 30:23

Mani buli lu munatakeenge emwo yeeng'we, Omwaami anaakwiseenge efula, mani yimera, yihula. Munyoole ekesa elai haandi eliingi. Ebyaayo byeeng'we binayireenge mu lwayiro luhoongo.

Yisaaya 5:6

Njia ohuyileha yisihe; haba siinjia huhalakiraanga emisabbiibbu oba ohwakaangamo daawe. Mani oluyoongo neende amawa nibyo ebyahamereengemo; haandi njia ohulagira amaleesi kahaye ohukwiisamo efula.

Yeremia 14:22

Baluwo mu banasaae bataali abadyeeri abomu byaalo biindi abanyala ohukwiisa efula? Oba ekulu hu bwalyo lyoong'ene lyakwiisa olufuuchakirisi? Ewe Omwaami, niiwe Nasaae weefwe. Niiwe yi hweesika weeng'ene, olwohuba niiwe ohola ebiindu bino byoosi.

Esekeeli 36:30

Njia ohumeeda ebyaamo byohu misaala kyeeng'we, mani bibe ebiingi, muhayeenge ohuba neende enjala eyakera ebyaalo biindi byabalekeeresa.

Yoeli 2:22

Eng'we esolo chomu siino, mutatya daawe, olwohuba obunyaasi bwomu siino busebuuhe; emisaala kyaamireho ebyaamo, emituli neende emisabbiibbu kyaamireho ebyaamo biingi.

Esy'Abaleefi 25:19

Eloba lichia ohwiibusaanga ebirime byalyo, nihaandi ewe ochia ohunyoolaanga ebiindu byoosi byooba niwekoomba ohulichaanga, haandi oba ochia ohumenyaanga mu muleembe.

Esy'Abaleefi 25:21

Omwaami aba achia ohuberesa esyaalo ehabi mu mwaaka kwa hasaasaba, hu loba linyale ohwiibusa ebyohulya bimala emyaaka kibiri ekilondehana.

Sekaria 8:12

Bulaanu bachia ohutakaanga ebimera byaabwe nibali mu muleembe. Emisabbiibbu kyaabwe kichia ohwamaanga emisabbiibbu kyakyo, eloba lyosi lichia ohutulaangamo ebimera, haandi efula yicha ohubechaanga eyimala. Ese mweene niise ochia ohuberesaanga ehabi chino abaandu b'esyaalo syaange abo abachia ohuwonao.

Matayo 5:45

hu mweemeo mube abaana ba Nasaae Laata yeeng'we oli Muukulu. Olwohuba yaadusiraanga omubasu kwae abaandu babi neende abalai boosi nasilala. Haandi akwiisaanga efula yae eyiri ababi neende abalai boosi nasilala.

Ebiholwa 14:17

kata katyo omweene haba siyeleha omweene nataali neende obuloli, olwohuba yaholaanga ebiindu bilai, haandi yababeresaanga efula ohutula Muukulu, neende obwiire bulimo ebyaamo biingi muno, niyekusa emyooyo kyeeng'we neende ebyohulya neende esangaalo.”

Amalako Kohubiri 11:13

“Nae nimudiira ebilagiro byaange bi mbalagira enyaanga yino, mani mwaheeraanga Omwaami Nasaae weeng'we, haandi mumuhalaabaniraanga neende emyooyo kyeeng'we kyoosi neende obulamu bweeng'we bwoosi,

Amalako Kohubiri 11:14

mba njia ohukwiisaanga efula mu syaalo syeeng'we mu biha bihoyera, efula y'etoocho neende ey'esiruumbi, hu munyale ohubechaanga neende ekesa lai neende efiini, neende amafuta.

Amalako Kohubiri 28:12

Omwaami achia ohubeekulirao esibiihiro sy'ebiindu bilai. Ekulu lichia ohukwiisaanga efula mu syaalo syeeng'we mu biha byayo. Haandi mu buli siindu si munaaholeenge, Omwaami anaababecheenge ehabi. Muchia ohweyosaanga ebyaalo biingi, nae eng'we haba simuchia ohwewolaangaho esiindu hu muundu yeesi.

Yakobbo 5:7

Sakira basyaange, mwesimiiriseenge ohwoola lu Omwaami yahakobolere. Bone koti lu balimi beesimiirisaanga nibaliindirira endalo chaabwe ohubaamira ebyaamo by'obuhoonyi. Beesimiirisaanga ohwoola lu bahanyoolere efula yitaangira neende eyimaliiriha.

Ohubwiihulirwa 11:6

Bali neende obunyala ohwiikala ekulu, efula yihaye ohukwa ebiha byoosi bi bachia ohuba nibali ohuyaala emboosi cha Nasaae. Haandi bali neende obunyala bubuka esulo choosi, obunyala ohuchikaluuhania chaaba amabaanga. Haandi bali neende obunyala bw'ohukwiisa hu syaalo buli mbya y'oluumbe lusihirisa esiha syoosi si baba nibadahiramo ohusihola.