Esy'Abaleefi 26:16 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹⁶ njia ohubasaandya. Njia ohubaleetera amasira, endwaae chitalereha neende emisuuja kichia ohubaofusa emoni mani kyaakera obulamu bweeng'we bwaweerera kaala-kaala. Muchia ohutaakaanga emwo yeeng'we, nae siyichia hubaholeraangaho esilai syoosi daawe, olwohuba abasuku beeng'we bachia ohubayiingiraanga mani baliicheenge bi muba nimwalimaanga byoosi.”

EBBAIBBO EMBOOSI YA NASAAE

¹⁶ njia ohubasaandya. Njia ohubaleetera amasira, endwaae chitalereha neende emisuuja kichia ohubaofusa emoni mani kyaakera obulamu bweeng'we bwaweerera kaala-kaala. Muchia ohutaakaanga emwo yeeng'we, nae siyichia hubaholeraangaho esilai syoosi daawe, olwohuba abasuku beeng'we bachia ohubayiingiraanga mani baliicheenge bi muba nimwalimaanga byoosi.”

Esy'Abaleefi 26:16 Iomraidhean Croise

1 Abatuki 8:37

“Niyinabechaangao enjala mu syaalo muno, kata sa oluumbe lubi, kata sa esiminyu syaalaba, kata sa ebidiiyiha by'esike, kata sa abaandu bao nibaseetwa neende abasuku baabwe, kata sa neende niyikwaao amachuuni kata endwaae mu baandu bao,

Yobbu 18:11

Ebiindu bitiisa bimwebodohaanie hu buli mbeka, mani bimuloondaho buli yachiira.

Yobbu 20:25

Luchia ohubachuha mani lubite mu mubiri kwae, omutwe kwalwo kumesamesa kuchia ohubita mu ndusye yae; obuti bucha ohumudiira.

Yobbu 31:8

mani leha ese ndaake, nae abaandi balye; leha ebyohulya bi ndaakire biiywe haandi bisukunwe.

Esabbuli 109:6

Mudoole omukayi omuliichaki ohuheengera omusuku waange omusaango, mani leha mulala hu basuku bae bamuwabire omusaango.

Esabbuli 73:19

Basihirira bwaangu muno, nibadumuulirweo neende amatiichasi!

Esabbuli 78:33

Mani endaalo chaabwe chahamyuuhao koti omuuya, haandi obulamu bwaabwe nibusihiriswa bwaangu mu hutya hw'amasira.

Ohutula 15:26

Yaboola ati, “Nimuchia ohuumbulirira elalira nimuholaanga ebyo bi mbaberesa ohuba ebyadyeeri, neende ohuliindaanga amalako kaange, mba siinja ohubasaandyaho neende amalwaae kandaleteraanga Abamisiri. Ese niise Omwaami mweene, haandi oyo obawonia.”

Engaado 3:33

Omwaami abwaaba enyuumba y'abahola-mbi, nae aberesa ehabi abo abamenya mu buluungifu.

Yisaaya 10:4

Sibulao esiindu si mwahahole, ohutusaho ohwiitwa oba ohusaandisirwa alala neende ababoye oba ohwitiirwa mu biita koti abaandi. Olwohuba bino nibimalire ohukwaao, etima ly'Omwaami haba siryahaakame haandi yahabe nasikoloole omuhono kwae ohubasaandya.

Yisaaya 62:8

Omwaami yeechubire neende omuhono kwae muluungi haandi yeechubire neende obunyala bwae ati: “Mubwadyeeri bweene haba siinjia hukobolamo ohuwaayo engaano yao abasuku bao bayilye daawe, haandi abateende haba sibachia hung'wa efiini yao ewe yi wadidikanira otyo.

Yisaaya 7:2

Nae ab'enyuumba ya Daudi nibawulira bati, “Siria syeyambaniisye neende Yisiraeli,” omwooyo kw'omutuki neende emyooyo ky'abaandu bae kyateengereha koti omuyaka kwahawuucha emisaala.

Yeremia 12:13

Bataaka engaano, nae nibakesa amawa. Badiindikirira muno, nae nibatanyoola engaanga yoosi daawe. Ekesa lyaabwe lichia ohubadiisa esoni olwohuba etima liingi ly'Omwaami.”

Yeremia 15:3

Omwaami aboola ati: “Njia ohubateerao embya chine och'ohubasihirisa: olugaanga ohubafumita, embwa ohubaboosyoola, amayoni ohubasoosomola, neende esolo ndeende ohubanyoonyobola

Yeremia 15:8

Abahasi bafwiirwe mu syaalo syaabwe bemeedere muno ohuhira omusenye kwohu nyaanja. Ndeeta abaraaga baabwe nibasisiiri neende amaani, mani engisa niyidiira bang'inaabwe. Naabakwisaho amasira neende ebitiisa nibataamanyire daawe.

Yeremia 20:4

Olwohuba Omwaami aboola ati: Bona, njia ohuhuhola esitiisa, eyiri ewe mweene neende eyiri abeecha bao boosi. Mani ochia ohubona abasuku baabwe nibabeeta boosi neende olugaanga. Mani njia ohudiisa abaandu bomu Buyudaaya boosi mu mahono k'omutuki wa Bbabbilooni. Achia ohuyira abaandi mu jeela mu Bbabbilooni, nae abaandi bachia ohwiitirwa olugaanga.

Yeremia 5:17

Bahalye emere yeeng'we neende ebyohulya byeeng'we; baheete abaana beeng'we basyaani neende abaana beeng'we bahaana. Baheete ebyaayo byeeng'we neende eng'oombe cheeng'we. Bahanyaase emisabbiibbu kyeeng'we neende emituli kyeeng'we. Bahasihirise neende engaanga ebiko byeeng'we bisite bi mweesika.”

Esekeeli 24:23

Ekofia cheeng'we chahadoong'e hu mitwe, haandi ebiraato byeeng'we byahadoong'e mu makulu. Haba simwahabeho neende esibeera oba kata ohuchereenjesaho. Nae mu hweyendeherera hulw'ebyonoono byeeng'we, buli muundu hweeng'we yahekanyiirisire owaasye engisa yae.

Esekeeli 33:10

Omwaami yalomaloma naange, n'aboola ati: “Ewe, omwaana w'omuundu, boolera Abaisiraeli oti: Muboola muti: ‘Husidoyeerwe ebyonoono byeefwe neende ebiholwa byeefwe bibi; mani bitumaliremo amaani. Mani hunaahaye hutye ohufwa?’

Amosi 5:11

Mani sakira, koti lu mufwiinyirira abamanani, mani mwabanyakaho engaano yaabwe, mweyoombahiire enyuumba ch'amakina, nae haba simuchia ohuchimenyamo daawe. Haandi mutaakire emisabbiibbu, nae haba simuchia ohung'waaho efiini yakyo.

Mika 6:15

Mwahataake, nae haba simwahakese daawe; Muchia ohuhunya emituli munyoole amafuta, nae haba simuchia hukebaha daawe. Muchia ohuhunya emisabbiibbu, nae haba simwahang'we amalwa kachio daawe.

Hagai 1:6

Etaaka liingi nae ekesa diidi. Mulya, nae haba simwikuta. Mung'wa, nae bi mung'wa haba sibibakwiisa obuluwo daawe. Mwefwaala, nae emboo yidoong'a niyibalya. Omusaara ku muhalaabani anyoola haba sikumumala daawe, kubita-bubita mu sawo chadomoha.

Sekaria 14:12

Omwaami achia ohuleeta oluumbe lutiisa hu byaalo byoosi ebichia ohulwaaniaanga Yerusalemu ebiita. Enyama chichia ohubuleeraanga sa hu mibiri kyaabwe nibasisiiri abalamu; emoni chaabwe neende enimi chaabwe chichia ohubolaanga sa.

Malaki 2:3

Bone, njia ohusaandya abaana beeng'we, mani mbahe obuse mu bweeni bwaabwe, obuse bw'ebisolo bi bayaana, mani mbatuseo alala neende obuse obwo.

Amalako Kohubiri 28:51

Bachia ohulichaanga ebisolo byeeng'we neende ebyohulya beeng'we bi mwalima, ohwoola lu mwahasihirisirwe elalira. Haba sibahabalehereho engaano, efiini, oba amafuta, ohumeeda hw'eng'oombe cheeng'we oba ebyaayo byeeng'we, ohwoola lu mwahafwe enjala, mani mwasihirira.

Amalako Kohubiri 32:25

Erwaanyi, ebiita byahabeete, nae mu nyuumba obuti bwahabeete, nibisihirisa abasyaani baraaga baabwe neende abaana bahaana baabwe bataamanyireho eby'abasaacha, abaana basinuuna neende abasaacha bakofu nasilala.

Abaibburania 10:31

Siindu syohutya muno omuundu ohudiisibwa mu maani ka Nasaae mulamu.

Abakayi 6:11

Mani malaika w'Omwaami yeemao yeecha hu lukoongo lwa Ofura, yeehala aasi mu siiniha sy'omutuumba okwali okwa Yoasi, omusaacha w'enono ya Abbieseeri. Gidioni omwaana wae yali n'ali ohuhoonjaanga engaano bweekisi naali mu sihunyiro sy'efini, hu Bamidia bahaye ohumubona.

1 Samueli 2:33

Nae njia ohuhola mulala hu beechuhulu bao adoong'eo, mani ahalaabanire koti omulaamisi. Nae oyo achia ohuwofula, ahaye ohuba neende esuubi lyoosi, haandi abeechuhulu bao baandi boosi bachia ofwichaanga nibali abamanani.