Esy'Abaleefi 24:4 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁴ Arooni niye ochia ohuliindaanga amataara kano akali hu siteeni sy'amataara sy'esaabbu haya, haandi niye ohoyere ohubona ati, kaaduhira eyiri Omwaami, esiha syoosi.

EBBAIBBO EMBOOSI YA NASAAE

⁴ Arooni niye ochia ohuliindaanga amataara kano akali hu siteeni sy'amataara sy'esaabbu haya, haandi niye ohoyere ohubona ati, kaaduhira eyiri Omwaami, esiha syoosi.

Esy'Abaleefi 24:4 Iomraidhean Croise

1 Abatuki 7:49

ebiteeni by'amataara ehumi ebyeema mu moni w'Abuunda Ahiramo Obwoolerefu, bitaanu hu lwaande lw'emwaalo, nae bitaanu biindi nabyo emukulu; ebimuli, amataara, neende magalo;

1 Ebyomubiha 28:15

Yamweekesa obusito bw'esaabbu eyihoyerwa hu buli siteeni sy'etaara ly'esaabbu neende obw'amataara lyasyo. Obusito bw'esiteeni sy'efeesa neende obw'amataara kasyo, ohuchianakana koti lu binehoonyerweenge hu mulimo kwasyo.

2 Ebyomubiha 29:7

Beekala emilyaango ky'Enyuumba ya Nasaae, baaleha amataara kaasima, haandi baakama ohunioohesaanga obubbaani, kata neende ohuyanaanga ebiyaanwa bisaambe mu Nyuumba ya Nasaae ya Nasaae wa Yisiraeli.

Ohutula 31:8

emeesa neende ebyehoonyerwaho byoosi, esiteeni sy'etaara esy'esaabbu haya alala neende ebyehoonyerwaho byoosi, alutaari y'ohuniooheseraho obubbaani,

Ohutula 39:37

esiteeni sy'etaara sy'esaabbu haya, mataara kasyo, ebiindu biindi bichiiraho, haandi neende amafuta k'amataara;

Yeremia 52:19

Bakiinga neende ebbakuli ndiidi, neende ebifulya bibakiingiraho omuliro, neende ekaraaya, neende endamu, neende ebiteeni by'amataara, neende enuungiro chibaniooheseraangamo obubbaani. Buli siindu sy'esaabbu, omudumi mani nasiyira ohuba esaabbu, haandi buli siindu sy'efeesa, mani nasiyira ohuba efeesa.

Esy'Abaleefi 24:3

Buli ngoloobe, Arooni ahoyere ohuchichaanga nakaambya, mani naakaleha nikaaduhira mu moni w'Omwaami, erwaanyi w'epasya, mu moni w'Esanduuku ly'Endagaano eliri Abuundu Ahiramo Obwoolerefu, ohwoola echuli. Esilagiro sino sihoyere ohuloondwaanga endaalo choosi echiicha.

Ohubala 3:31

Bano bali neende obufunaanibwa bw'Esanduuku ly'Endagaano, emeesa, esiteeni sy'amataara, alutaari choosi, neende ebyehoonyerwa byoosi bi balaamisi beehoonyeraanga mu Abuundu Woolerefu, haandi neende epasya yiri mu mulyaangiro kuchia Abuundu Ahiramo Obwoolerefu. Haandi nibo abali neende obufunaanibwa budiira hu buhalaabani bwoosi obudiirana hu biindu bino byoosi.

Ohubala 4:9

Bachia ohubukulaanga engubo ya bbulu mani bayibwiiha hu siteeni sy'amataara, neende amataara kahwo keene, magalo, eture, haandi ebikiingiro byoosi eby'amafuta k'enaasi.

Ohubala 8:2

“Boolera Arooni oti naaba nateengeha amataara kataanu-na-kabiri ako hu siteeni syako, ahoyere ohukatechaanga mu ngeri yikanya obulafu bwaanyala ohwaaduha nibutingaalire mu moni.”

Abaibburania 9:2

Boombaha Eyeema lifwaana liti: Esiseenge sy'erwaanyi, esilaangwa Abuundu Woolerefu, mwalimo esiteeni sy'ohutaaho etaara, neende emeesa yiriho omugaati kuyanirwa Nasaae.

Ohubwiihulirwa 1:20

Sino nisyo esyaama sy'eng'ining'ini chitaanu-na-chibiri ch'obona mu muhono kwaange muluungi, neende esy'ebiteeni by'esaabbu bitaanu-na-bibiri by'amataara: Eng'ining'ini chitaanu-na-chibiri chino, nibo bamalaika b'abafukiiriri bali mu biko bikabuhaane bitaanu-na-bibiri, haandi ebiteeni by'amataara bitaanu-na-bibiri, nibyo abafukiiriri bali mu biko bikabuhaane bitaanu-na-bibiri.

Ohubwiihulirwa 11:4

Abaloli babiri abo, nibo emisaala miseituuni kibiri, neende amataara kabiri akeemere mu moni w'Omwaami w'esyaalo.

Ohubwiihulirwa 2:5

Mani yichulisaho yi wachaakira ohudoondobana! Kaluuhana olehane neende ebyonoono byao byoosi, mani onyale ohuchaaka ohuhola bi waholaanga muhutaangira. Nae n'otakaluuhana walehana neende ebyonoono byao, njia ohwiicha yooli, mani male mbukule esiteeni sy'etaara syao situse abuundu wasyo.